Регион
(Видео) Летаа камења и шок-бомби на протестите во Црна Гора – приведени се повеќе лица

Неколкумина полицајци се повредени и повеќемина демонстранти се приведени по синоќешните немири што се случија на протестите во црногорскиот град Никшиќ. Полицијата употребила солзавец и шок-бомби против насобраната толпа граѓани, кои мавале со камења и шишиња по нив.
До ваквиот развој на настаните дојде кога граѓанитете излегоа на протестен марш, на кој побараа ослободување на српскиот епископ Јоаникие од притвор. Тој заедно со уште седум свештеници беше приведен поради кршење на мерките за сузбивање на коронавирусот и организирање литија на улиците на Никшиќ, на која присуствуваа огромен број луѓе. Учесниците на литијата, според медиумите, не носеле маски, не држеле дистанца и не се придржувале до пропишаните мерки за заштита.
Според „Вјести“, повредени се 22 полицајци во вчерашните немири. Тие имале полесни повреди и им била укажана лекарска помош. Полицијата уапси голем број граѓани, меѓу кои и новинар на „Вечерње новости“.
Nikšić: Suzavcem rastjerali građane, nekoliko uhapšenih
Nikšić: Suzavcem rastjerali građane, nekoliko uhapšenih>>> Više o tome: http://rtcg.me/vijesti/hronika/279092/suzavcem-rastjerali-gradjane-nekoliko-uhapsenih.html <<<
Posted by RTCG Portal on Среда, 13 мај 2020
Демократскиот фронт најави дека ќе ги повика верниците да ги блокираат сообраќајниците како протест против приведувањето на свештеникот.
Црногорското Обвинителство им одредило 72-часовен притвор на епископот на Српската православна црква, Јоаникие, и на уште седум свештеници поради литијата, на која се собрале неколку илјади верници и покрај забраната за собирање, а официјален Белград побара нивно ослободување.
Претседателот на Српската народна партија и министер во српската влада, Ненад Поповиќ, оцени дека властите на Црна Гора со апсењето на владиката Јоаникие и свештениците на СПЦ до крај го соголиле своето „антисрпско, авторитарно и комунистичко лице“.
Тој побара од Црна Гора итно да ги пушти од притвор владиката и другите свештеници. По одбивањето на жалбата владиката и свештениците на СПЦ да бидат пуштени од притвор, голем број граѓани на Црна Гора излегоа на улиците во знак на протест.
Vasojevici opet blokirali put Andrijevica-Berane! Porucuju da se mirno nece predati! Drugi deo opkolio CJB u Beranama, zahteva momentalno oslobodjanje vldike Joanikija i svestenika iz CJB u NK! pic.twitter.com/z9q4bYeSpy
— Majjjja (@MajjjjaMajjjja) May 13, 2020
Протести се одржаа во Никшиќ, Беране, Будва и во Плевља.
За настаните во Никшиќ, но и цела Црна Гора, каде што се приведени свештеници на СПЦ и владиката Јоанакие, јавија речиси сите поголеми светски агенции. Британската агенција „Ројтерс“ и американската агенција „Асошиетед прес“ известуваат дека протестите следуваат по неколкуте месеци тензии за донесувањето на законот за верски слободи.
„Ројтерс“ потсетува дека Српската православна црква е најголемата христијанска заедница во Црна Гора, земја со 620.000 жители, членка на НАТО и кандидат за влез во ЕУ. Српската православна црква има речиси 12 милиони следбеници, претежно во Србија, Босна и во Црна Гора, јавува агенцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Габи Новак беше вистинска дама на југословенската поп-музика

Пејачката Габи Новак (1936–2025) беше вистинска дама на југословенската и хрватската забавна музичка сцена, вели музичкиот публицист и новинар Бранимир Локнер.
Во врска со веста за смртта на Габи Новак, Локнер изјави за „Танјуг“ дека првата фаза од нејзината кариера вклучувала поп, твист и други жанрови од шеесеттите години, потоа помек вокален џез.
Според него, нејзиниот стил се менувал низ годините и таа се обидела и со шансона, „што може да се види од композициите што ги направил нејзиниот сопруг Арсен Дедиќ (1938–2015)“.
Локнер рече дека Габи Новак не била фокусирана само на една музичка форма, а нејзиниот музички опус во однос на дискографијата, особено сингловите, е многу богат и таа била присутна на сцената континуирано.
Според неговите зборови, изведбата на Габи Новак на песната „Вино и гитари“ „до ден денес останува една од најголемите екс-џу еврегрини од 1960-тите“.
„Во првата фаза од нејзината кариера, таа беше покомерцијална, а нејзиниот подоцнежен пристап немаше таков комерцијализам, но беше препознаена и ценета. Секогаш ја сметаа за дама“, истакна Локнер.
Како што додаде, Габи Новак беше учесник на бројни забавни музички фестивали на домашната музичка сцена, а нејзината кариера беше придружена со релевантна дискографија.
Локнер додаде и: „Нејзините најплодни години во креативна смисла беа во втората половина на шеесеттите и првата половина на седумдесеттите“.
Регион
(Видео) Рама покажа како во Албанија се уриваат дивоградби посакувајќи успешна недела

Албанскиот премиер Еди Рама на „Фејсбук“ објави видео од акција за уривање на дивоградби, со порака дека продолжува битката против бесправната градба која, како што рече, ги загрозува и нагрдува заедничките простори.
„По секоја цена ќе го напишеме последното поглавје од борбата со градбите без дозвола или спротивно на издадените дозволи“, порача Рама, посакувајќи им на граѓаните успешна недела.
Регион
(Видео) Црна Гора: Пожарникар повреден при експлозија, повеќе семејства евакуирани по пожарите

Денеска низ Црна Гора се регистрирани повеќе големи пожари, а во Горни Рогами неколку семејства се евакуирани откако огнот се приближил до нивните домови. Во текот на гаснењето дошло до експлозија во која е повреден еден пожарникар.
Пожарите ги гаснат пожарникари, хеликоптер и ер трактори, како и припадници на Армијата на Црна Гора.
Во Пипери гори, а густ чад се шири над Подгорица. Повеќе од 20 возила на Службата за заштита се на терен и се обидуваат да ги заштитат куќите.
Najavih juče požare. Lako je zaključiti. Kada je 35°C i više uz vjetar, svaka iskra je novi požar.
Buljarica danas. pic.twitter.com/F3Y5EL7mKz— Stanko Đuričić (@stankodjuricic) August 11, 2025
Командирот на Службата за заштита и спасување на Подгорица, Никола Бојановиќ, изјави за агенцијата МИНА дека сите расположливи екипи се испратени на терен.
Според неговите зборови, ситуацијата е прилично критична во Пипери.
Od Pipera požar se širi ka Podgorici uz jak sjeverni vjetar. Ko ima kuće na potezu od Pipera ka PG valjalo bi da ode i brani kuće. Naravno da to ne može uraditi vatrogasna sa svojim kapacitetima. Naravno da o tome ne misli Vlada, jer je ona na godišnjem odmoru. pic.twitter.com/ZBsrYyltml
— Stanko Đuričić (@stankodjuricic) August 11, 2025
При гаснење пожар во местото Рогами денеска во Црна Гора дошло до експлозија во која е повреден пожарникар, соопшти вршителот на должност командир на Службата за заштита и спасување на Главниот град, Никола Бојановиќ.
Тој истакна за порталот „Стандард“ дека пожарникарот има полесни повреди.
Како што посочи, укажана му е лекарска помош и неговата состојба е стабилна.
Црногорскиот електродистрибутивен систем соопшти дека, по барање на Пожарникарската служба, е исклучен далекуводот DV 10 kV „Пипери“ поради пожар во близина на трасата, па без струја останале повеќе села и населби.
Бојановиќ истакна дека во меѓувреме добиле дојава дека пожар избувнал и во подгоричката населба Мало Брдо, каде гори една куќа.
Гори и во Кучи, Буљарица, Чањ и Бијело Поље.
Iznad Čanja u Crnoj Gori jutros se rasplamsao požar. Vatrogasne sirene se čuju u celom naselju. Vatra je prema nezvaničnim informacijama krenula u nedelju, a tokom noći se rasplamsala. pic.twitter.com/7H7N2iOySi
— Razglas news (@razglasnews) August 11, 2025