Свет
(Видео) Судирот ескалира: соборен авион на азербејџанските сили, убиени се уште 26 ерменски војници

Армијата на Нагорно-Карабах собори авион на азербејџанските сили, изјави портпаролот на претседателот на таа непризнаена република, Ваграм Погосјан.
Како што прецизира тој, според информациите со кои располага армијата, станува збор за авион Ан-2.
„Денес можеме со сигурност да кажеме дека успеавме да го собориме непријателскиот авион во областа Мартуни“, посочи тој. Сепак, азербејџанската страна ги отфрли обвинувањата за соборувањето на авионот како неточни, пренесува „Спутник“.
Властите во регионот Нагорно-Карабах во Азербејџан, пак, каде живее мнозинство ерменско население, соопштија дека загинале уште 26 нивни војници. Ерменските и азербејџанските сили неколку дена по ред разменуваат жесток оган околу територијата на Нагорно-Карабах.
Двете страни се обвинуваат меѓусебно за употреба на тешка артилерија.
Минобороны Азербайджана показало видео удара по артиллерии ВС Армении https://t.co/UCeaqaQR0x pic.twitter.com/VJ8HkC6D2Y
— РИА Новости (@rianru) September 28, 2020
Конфликтот меѓу Ерменија и Азербејџан во регионот Нагорно Карабах продолжува и секоја понатамошна ескалација би ги вклучила Турција и Русија во конфликтот, јавуваат агенциите.
Azerbaijan continues to hit Armenia's military points. pic.twitter.com/j2GxQchnrG
— Ali Keskin (@alikeskin_tr) September 28, 2020
Русија има одбранбен сојуз со Ерменија, а Турција ја поддржува нејзината етничка заедница во Азербејџан, пишува Ројтерс.
Armeense en Azerbeidzjaanse troepen hebben maandag voor een tweede dag fel vuur uitgewisseld boven het grondgebied van Nagorno-Karabach, waarbij de partijen elkaar beschuldigden van het gebruik van zware artillerie.
Bron: Reuters pic.twitter.com/xAiP1MR78N
— ABRUPT (@abruptnieuws) September 28, 2020
Властите во регионот на Нагорно-Карабах во Азербејџанх, каде има мнозинство Ррменци, тврдат дека 85 нивни војници биле убиени во судирите со азербејџанските сили. Претходно, од Азербејџан беше објавено дека Ерменија претрпе големи загуби првиот ден – 550 мртви и ранети.
Battles are continuing with varying intensity. Defense Army units are successfully carrying out punitive actions in separate sections. The fighting spirit of our servicemen is high pic.twitter.com/NpTa10pRps
— Shushan Stepanyan (@ShStepanyan) September 28, 2020
Конечниот број на жртви од обете страни сè уште не е утврден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски: Русија нападна гасен објект во Одеса, сакаат да нè загрозат пред зимата

Русија нападна гасен објект во јужна Украина во регионот Одеса поткопувајќи ги подготовките за зимата, изјави денес претседателот Володимир Зеленски.
Тој рече дека гасната инфраструктура била нападната во селото Новосилске на границата со Романија, каде што се наоѓа интерконекторот „Орловка“, преку кој Украина добива гас преку трансбалканската рута.
„Ова беше намерен удар врз нашите подготовки за грејната сезона, апсолутно циничен како и секој руски удар врз енергетскиот сектор“, напиша Зеленски на „Телеграм“.
Украина се соочува со сериозен недостиг на гас по серијата разорни руски ракетни напади оваа година, кои значително го намалија домашното производство на гас.
Русија негира дека таргетирала цивили од почетокот на нејзината целосна инвазија на Украина, но тврди дека инфраструктурата, како што се енергетските системи, е легитимна цел бидејќи помага во воените напори на Украина, анализираат медиумите.
Порано денес, гувернерот на јужниот регион Одеса пријави напад врз гасната инфраструктура и главниот гасовод велејќи дека се работи на пумпање гас од гасоводот. Украинските енергетски претставници не кажаа дали интерконекторот е оштетен и дали гасот ќе продолжи да тече.
Фото: принтскрин
Свет
Путин се сретна со Виткоф

Рускиот претседател Владимир Путин денес го прими специјалниот пратеник на американскиот претседател Стивен Виткоф.
Средбата се одржува во Кремљ, соопшти прес-службата на рускиот претседател, пренесува ТАСС.
Специјалниот пратеник на Соединетите Американски Држави, Стив Виткоф, денес пристигна во Москва, каде што го пречека генералниот директор на Рускиот фонд за директни инвестиции (RFDIF), Кирил Дмитриев, по што го посетија паркот Зарјадје во Москва.
Двајцата функционери поминаа околу час и половина во ресторанот, по што прошетаа во паркот, ја посетија платформата за набљудување и ја разгледаа панорамата на Москва, пренесува Риа Новости.
Според извештајот, тие разговарале во „пријателска атмосфера“, со присуство на обезбедување.
Виткоф не одговори на прашањата на новинарите за претстојните преговори, ниту за планираните средби.
Портпаролката на Стејт департментот, Тами Брус, потврди дека Виткоф ќе ја посети Русија, но не коментираше конкретни детали од посетата.
Ова е петта посета на Виткоф на Русија од почетокот на годината.
Последните две посети беа на 11 и 25 април, кога се сретна со рускиот претседател Владимир Путин.
Фото: принтскрин
Регион
Одземен претседателскиот мандат на Милорад Додик: тој веднаш одговори

Централната изборна комисија на Босна и Херцеговина му го одзеде мандатот на правосилно осудениот претседател на Република Српска, Милорад Додик. Одлуката беше донесена едногласно на денешната седница.
Додик е осуден на една година затвор и шест години забрана за вршење службени функции, потсетуваат медиумите во регионот.
Според Изборниот закон на БиХ, на секој што ќе биде осуден на правосилна затворска казна од шест месеци или повеќе, ќе му биде прекинат мандатот.
Одбраната на Додик има право да поднесе жалба на оваа одлука до Апелацискиот оддел на Судот на БиХ, кој ги разгледува изборните жалби. По завршувањето на жалбената постапка, одлуката ќе биде конечна, објавува „Кликс“.
По тоа, ЦИК, во законскиот рок од 90 дена, мора да распише предвремени избори за претседател на ентитетот РС.
„Уште едно срa*е од Сараево. Последното“, напиша Додик на „Икс„ по одлуката на ЦИК.
Додик претходно објави дека додека е претседател на РС, нема да дозволи предвремени избори.
Суад Арнаутовиќ, член на Централната изборна комисија на БиХ, изјави дека поради разните толкувања на правните експерти, постојат сомнежи за постапките на ЦИК по пресудата на Додик.
„Донесуваме декларативна одлука според одредбите од законот. Како што е случајот според член 1.10 од Изборниот закон, кога некој ќе почине, кога некој ќе поднесе оставка и кога некој ќе биде осуден. Ние дејствуваме според силата на законот, нема можност ЦИК да не ја спроведе оваа одлука“, рече Арнаутовиќ.
Исто така, ЦИК побара од надлежните полициски органи да обезбедат полициска заштита на своите членови откога биле под притисок пред наведената одлука, пишува „Н1 БиХ“.
Инаку, Додик од 2010 година трипати ја извршуваше функцијата претседател на РС, со исклучок на периодот од 2018 до 2022 година кога беше член на Претседателството на БиХ, пишува „Дневни аваз“.
Фото: принтскрин