Регион
Европскиот парламент пред конечна одлука за визната либерализација за Косово
Европскиот парламент денеска треба да го заврши процесот на одлучување за визната либерализација за граѓаните на Косово, пренесува Радио Слободна Европа.
На последното во синџирот гласања што почна на почетокот на годинава се очекува европските претставници на денешната пленарна седница да гласаат за одобрување за укинување на визниот режим за Косово.
Со гласање во ЕП и потпишувањето на правниот акт се завршуваат сите релевантни процедури за укинување на визниот режим. Одлуката за визна либерализација стапува во сила со нејзиното објавување во „Службениот весник на Европската Унија (ЕУ)“, кое следува 20-ина дена подоцна.
По гласањето во Европскиот парламент, в среда, 19 април, ќе се одржи церемонија за потпишување на правниот акт, на која ќе присуствуваат претставници на ЕП и на Советот на министрите на ЕУ – двете европски институции што одлучуваат за визна либерализација и одобруваат укинување на визниот режим за една земја.
Граѓаните на Косово сепак ќе треба да го почекаат почетокот на следната година за да уживаат во безвизниот режим со европските земји во шенген-зоната.
Според одлуката усогласена во декември минатата година, визниот режим за Косово ќе биде укинат паралелно со функционирањето на информацискиот систем ЕТИАС, но најдоцна до 1 јануари 2024 година.
Кога одлуката беше договорена, се сметаше дека системот ЕТИАС ќе профункционира на 1 ноември 2023 година, но сега е извесно дека операбилноста на системот ќе биде одложена до крајот на следната година.
Европската комисија препорача укинување на визниот режим со Косово уште во 2018 година, но политичката одлука беше заложник на внатрешните проблеми во некои земји членки на Унијата.
По неколкугодишен застој, прашањето за визите повторно заживеа кога во пресрет на руската агресија врз Украина ЕУ презеде неколку позитивни чекори кон регионот во обид да ги намали руското влијание и последиците од војната.
Така, Брисел одлучи да ги отвори пристапните преговори со Македонија и Албанија и да ѝ додели кандидатски статус на Босна и Херцеговина, па во овој контекст заживувањето на процедурата за визна либерализација за Косово беше следниот логичен чекор.
Со укинувањето на визниот режим Косово им се приклучува на соседите во регионот, чии граѓани повеќе од една деценија уживаат во слободата на движење.
Македонија, Србија и Црна Гора немаат визен режим од декември 2009 година, а Албанија и Босна и Херцеговина се префрлија на т.н. бела шенген-листа во декември 2010 година.
Процесот на либерализација со Косово траеше најдолго во споредба со другите земји од Западен Балкан.
Во средината на процесот, во 2016 година, Европската комисија додаде уште еден услов поврзан со ратификацијата на границата со соседна Црна Гора, а во 2018 година ЕК заклучи дека Косово ги исполнува сите услови и побара од земјите членки на ЕУ да ја одобрат визната либерализација.
Земјите членки на ова одговорија дури на крајот на 2022 година кога почнаа процедурите за носење на конечната одлука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Дачиќ: Уапсен Хрват за време на протестите, толку за тоа дека овие протести немаат никаква врска со надворешен фактор
Српскиот министер за внатрешни работи Ивица Дачиќ по полноќ објави дека полицијата била подложена на брутално насилство и дека најмалку 42 полицајци биле повредени, најмногу во Белград – 26, седум во Валево и девет во Панчево, објави РТС.
Уапсени се 37 лица, меѓу кои и хрватски државјанин, идентификуван како Б. Х. (23), кој, според Дачиќ, ја нападнал жандармеријата.
„Толку за тоа дека овие протести немаат никаква врска со надворешен фактор“, рече Дачиќ, кој е и заменик-премиер на српската влада, која ги нарекува протестите обоена револуција, со обвинувања дека се поддржани и платени од странство.
„Амбасадата на Република Хрватска не е официјално информирана дека некој е уапсен, па затоа не можеме да кажеме ништо повеќе“, изјави Иван Зеко-Пивач, заменик-шеф на дипломатската мисија во хрватската амбасада во Белград, за „24 сата“.
„Доколку информациите се точни, Република Србија ќе нѐ контактира со дипломатска нота, дури кога ќе се утврди притвор“, вели Зеко-Пивач.
Тој исто така додава дека се поставува многу важно прашање дали уапсеното лице има двојно државјанство.
„Доколку е и хрватски и српски државјанин, тогаш немаме можност за конзуларно дејствување на територијата на Република Србија“, заклучи тој додавајќи дека „вообичаен наратив е дека постои некаков странски фактор, па затоа сè треба да се земе со резерва“.
фото: принтскрин
Регион
(Видео) Пратеник претепан во Белград: „Ме удираа со шипки по главата“
Протестите што се одржаа низ цела Србија вчера вечер, беа обележани со високи тензии и низа инциденти. Во Белград, во близина на зградата на Генералштабот, поддржувачите на Српската напредна партија (СНС) постојано пукаа со пиротехнички средства преку кордонот на жандармеријата кон граѓаните.
Слични напади беа забележани и во други делови од градот, а полицијата фрли солзавец кон демонстрантите. Солзавец беше употребен и во Нови Сад и во неколку други градови.
Напад врз пратеник на опозициската партија
Околу 22:30 часот, Партијата за слобода и правда објави на Икс дека нивниот пратеник Пеѓа Митровиќ бил брутално претепан за време на протестот во Белград. Во соопштението се наведува дека неговата „глава била скршена од насилниците на Српската напредна партија“, дека бил „удрен со шипка по главата и неколку пати по телото“ и дека „моментално е на пат кон болница“.
Митровиќ рече дека, без никаква причина, бил нападнат од седум или осум маскирани мажи. „Се нафрлија врз мене, а кога им кажав дека сум пратеник, рекоа дека не се заинтересирани и почнаа брутално да ме удираат по главата и нозете со шипки“, рече тој.
„Почнаа да ме малтретираат и навредуваат. Кога сфатив дека немаат поим што прават и дека може да заврши многу лошо, се засолнив и избегав, бидејќи видов дека имам работа со луѓе кои очигледно полуделе“, додаде Митровиќ.
Тој ја обвини власта за нападот: „Ова е резултат на работата и политиката на режим кој се распаѓа во насилство. Кога владата слободно ги ангажира хулиганите на СНС брутално да тепаат мирни граѓани, тоа е колапс на државата. Јас не провоцирав никого, стоев мирно и протестирав, но хулиганите имаа наредба брутално да ги тепаат сите. Јас сум меѓу луѓето кои имаат исклучително сериозни повреди. Ова не смее да биде Србија на Вучиќ, бидејќи диктатор чија моќ завршува е подготвен да употреби најстрашно насилство. Нема да избегате од одговорност, ниту вие, ниту вашите фаланги.“
Според извештаите од теренот, атмосферата на улиците на Белград и другите градови останала напната по полноќ, со присуство на полициски и жандармерски кордони, но сепак некако помирна од претходно.
фото: принтскрин
Регион
(Фото/видео) Просториите на СНС во Нови Сад целосно демолирани во вчерашните протести
Вчера вечер, нови големи протести се одржаа на улиците на Србија, во сите поголеми градови.
21.20h nema vise sns prostorija na bulevaru … potpuno su demolirane . pic.twitter.com/2GZ760TlMg
— zarko bogosavljevic (@zarkobns) August 14, 2025
Некои демонстранти во Нови Сад ги демолираа канцелариите на Српската напредна партија.
21.14h preuredili sns prostorije …. pic.twitter.com/BfNHvK445E
— zarko bogosavljevic (@zarkobns) August 14, 2025
Прво ги скршија прозорците, потоа влегоа во просториите и ги извадија столовите и другите предмети.
Фрлаа јајца врз просториите, а потоа ги полеаа со црвена и бела боја. Ги демолираа просториите и напишаа пораки со спреј.
фото: принтскрин
Поднесена кривична пријава против ексдиректорката од Демир Хисар за криење службени печати
Полицијата поднесе кривична пријава против поранешна директорка на средно училиште во Демир Хисар поради одземање или уништување службен печат или...
Ивановска: 11 часа по објавувањето на кандидатурата за градоначалничка, полицајци затропаа на мојата врата
11 часа по објавувањето на мојата кандидатура за градоначалничка на општина Центар, полицајци затропаа на мојата врата, објави поранешната претседателка...
Муцунски: Македонија е рангирана меѓу првите во Европа и шеста во светот по обем на гринфилд-инвестиции
Министерот за надворешни работи и надворешна трговија, Тимчо Муцунски, и директорот на Дирекцијата за технолошко-индустриски развојни зони, Гоце Димоски, денеска...
ДПИ со контроли за попустите на училишниот прибор, казните за непочитување се од 800 до 10.000 евра
Тимовите на Државниот пазарен инспекторат од денес на терен ги контролираат правните субјекти дали се придржуваат до одредбите на владината...
(Видео) Мицкоски: Капацитетите на Армијата се зголемуваат – нови 29 оклопни возила од САД
„Како претседател на Владата, секогаш еден од моите врвни приоритети била безбедноста на државата, за чување на мирот, стабилноста на...
(Видео) Лавров пристигна на Алјаска облечен во џемпер со натпис „СССР“
Рускиот министер за надворешни работи Сергеј Лавров изјави дека Москва ќе му претстави јасна и разбирлива позиција на американскиот претседател...
(Видео) Путин оди на средбата со Трамп, снимен неговиот конвој
Рускиот претседател Владимир Путин е снимен како патува во оклопна лимузина, со огромен конвој што поминува низ затворени патишта, пред...
(Видео) Ангелов: Најтешкиот пожар е во Јасен, кај Јегуновце изгубивме контрола над еден крак
Директорот на ДЗС, Стојанче Ангелов, извести дека во текот на вчерашниот ден имало повеќе од 30 пожари на отворен простор,...
Владата: Од денес училишниот прибор со нови намалени цени од 10 и 15 проценти
„Од денес почнува кампањата на Владата за намалување на цените на училишниот прибор за 10 и 15 проценти. Имајќи предвид...
Белата куќа го објави распоредот за средбата Трамп – Путин
Белата куќа го објави распоредот за средбата меѓу американскиот претседател Доналд Трамп и рускиот претседател Владимир Путин. Во 6.45 часот...
Ким Џонг-ун одговори на писмото од Путин: „Воспоставивме единство на бојното поле“
Претседателот на руската државна дума, Вјачеслав Володин, се сретна со севернокорејскиот лидер Ким Џонг-ун за време на официјалната посета на...
(Видео) Пратеник претепан во Белград: „Ме удираа со шипки по главата“
Протестите што се одржаа низ цела Србија вчера вечер, беа обележани со високи тензии и низа инциденти. Во Белград, во...
(Фото/видео) Просториите на СНС во Нови Сад целосно демолирани во вчерашните протести
Вчера вечер, нови големи протести се одржаа на улиците на Србија, во сите поголеми градови. 21.20h nema vise sns prostorija...
Алиу: Вработените во пералната на Клинички центар се вратија на работа, се бара решение преку преговори со приватната компанија
Во рамки на денешната посета на Клиничка болница Тетово, во одговор на новинарско прашање, министерот за здравство, Азир Алиу, информираше...
Демократската партија на Турците го напушти „Европскиот фронт“, на локалните избори ќе настапи сама
Демократска партија на Турците на Македонија, соопшти дека на локалните избори што ќе се одржат на 19 октомври, ќе настапи...
(Видео) Драматично кај Јасен: Спречена катастрофа кога огнот се проширил кон блиските објекти
Голем е пожарот кој со денови беснее во ловиштето Јасен, а надлежните во повеќе наврати успеваат да го стават под...
Ивановска се кандидира за градоначалничка на Центар: „Не барам моќ, туку сакам да им ја вратам на граѓаните“
Поранешната претседателка на Антикорупциска комисија, Билјана Ивановска, официјално најави кандидатура за градоначалничка на Општина Центар како кандидат на граѓанската политичка...
Путин: САД искрено се обидуваат да ја завршат војната во Украина
Рускиот претседател Владимир Путин изјави дека американската влада вложува искрени напори за прекин на конфликтот во Украина сугерирајќи дека Москва...
МНР чека потврда дали македонски државјанин е меѓу жртвите на тројното убиство во Боливија
Министерството за надворешни работи и надворешна трговија се огласи по објавите во српските медиуми за тројно убиство во Боливија, во...
Пуштена клучката Подмоље, власта уверува дека на автопатот Охрид – Кичево се работи забрзано
Денеска е пуштена во употреба клучката Подмоље, која го спојува Охрид со Струга, како и Македонија со Албанија, информира потпретседателот...
