Европските лидери му дадоа зелено светло на Скопје за влез во ЕК, но сега постои уште една пречка – Бугарија, наведува „Евроњуз“ во анализа со наслов „Бугарија става кочници за соништата на Северна Македонија за ЕУ. Еве зошто“.

Според „Евроњуз“, причината за блокирањето е поради внатрешнополитичките проблеми во владата на бугарскиот премиер, Бојко Борисов.

„Софија, која моментно зафатена со долготрајни антивладини протести, се противи на почнувањето на разговорите за членство велејќи дека не е задоволна од сегашната рамка за преговори. Протестите против корупцијата во Бугарија траат повеќе од 100 дена, а демонстрантите бараат оставка од Борисов и главниот обвинител Иван Гешев. Тие се обвинети за поврзаност со олигархиската мафија“, наведува „Евроњуз“.

Весникот нагласува дека за Бугарија, процесот на пристапување кон Северна Македонија е начин да извлече отстапки во исклучително деликатен момент за Скопје.

„Иако повеќето од барањата се нематеријални прашања како идентитетот и историјата, тие ја одразуваат потребата на бугарската влада за заземе силна националистичка позиција поради внатрешнополитички причини. Особено во време на обвинувањата за корупција, улични протести и економски тешкотии поради пандемијата“, пишува „Евроњуз“.

„Евроњуз“ додава дека Бугарија сака Северна Македонија да признае дека јазикот што го зборува македонското мнозинство е бугарски дијалект, а бараат и Скопје да го признае бугарското потекло на македонската нација и да се откаже од какви било тврдења дека во Бугарија има посебно македонско малцинство.

Според Меѓународниот институт за блискоисточни и балкански студии (ИФИМЕС), етничките Македонци сочинуваат 10 проценти од населението во Бугарија, наведува „Евроњуз“. ИФИМЕС во неодамнешната анализа тврди „бугарскиот и македонскиот јазик се два јазика за кои во меѓусебната комуникација е потребен превод за разлика од, на пример, случајот на српскиот и хрватскиот јазик за кои во јазичната комуникација не се бара толкување.