Македонија
Зибери: Како премиер ќе ја избришам последната поделба на Македонци и немакедонци

Само пред неколку недели, никој не можеше да помисли за еден премиер Албанец во Северна Македонија, а сега целата земја зборува за ова, рече во своето обраќање Насер Зибери кандидатот кој го предложи ДУИ.
Како што истакна Зибери, лидерот на ДУИ, Али Ахмети, му објаснил дека имал консултации со многу почитувани луѓе на цивилното и академското општество и дека неговото име било меѓу предложените како надпартиски кандидат.
„Челикот се кали во оган и една личност се цени за одлуките кои ги зазема за општественото добро наспроти личниот комодитет и затоа реков – да“, објаснува Зибери и додава дека за неговата одлука клучни биле неколку причини.
„Верувам во идејата за прв премиер Албанец и верувам дека не е само чест, туку и должност и обврска за да и служам на ова идеја и на нашата албанска заедница во нашата земја. Да, затоа што јас целиот живот го посветив во борбата за рамноправност на Албанците и другите граѓани, за подобар живот за Албанците како пратеник во Собранието од Партијата за Демократски Просперитет, како Министер за труд и социјална политика, како потпретседател на Владата, и како адвокат. Време е за последниот чекор, време е ги урнеме последните ѕидови кои го делат нашето општество во два дела Македонци и немакедонци“, посочува Зибери.
Тој истакнува дека идејата за премиер Албанец е поголема од секоја личност и од секоја партија.
„Не би прифатил да бидам партиски кандидат. Ниту за ДУИ ниту за некоја друга партија. Бидејќи независноста секогаш беше моето начело како придонесувач во политиката, независноста ќе биде моето начело и како премиер. Еден премиер не треба да и служи на една партија. Тој треба да им служи на граѓаните“, смета Зибери.
Додава дека пред да ја донесе конечната одлука со Ахмети се согласиле дека потребен е кандидат кој ќе ги обедини сите Албанци, но и повеќе, ќе ја обединува Северна Македонија.
Тој воедно порача дека ја бара и довербата на другите албански партии и е отворен за соработка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
956 сообраќајни прекршоци вчера во државата, 725 возеле побргу од дозволеното

Во текот на вчерашниот ден како резултат на редовните сообраќајни контроли што ги реализираат полициските службеници од сите сектори за внатрешни работи на патиштата низ земјава, од вкупно 956 издадени платни налози повеќе од половината, односно 725 прекршоци се однесуваат на возачи кои не ја почитувале пропишаната брзина на движење, извести МВР.
„Понатаму, според статистичкиот преглед од полициските активности, вчера беа евидентирани 26 прекршоци за неправилно паркирање, 66 мерки се изречени за возачи што управувале возило без возачка дозвола, како и 25 санкции за возење под дејство на алкохол.
Од друга страна пак, а согласно одредбите од Законот за безбедност на сообраќајот на патиштата во текот на вчерашниот ден санкционирани биле 17 возачи на мотоцикли за неносење заштитен шлем, а санкционирани се и четворица пешаци и двајца возачи на електричен тротинет. Исто така санкционирани се 23 учесници во сообраќајот кои што не користеле сигурносен појас. Согласно Законот за возила, седум возила биле отстранети од сообраќај заради тоа што биле нерегистрирани, а три заради техничка неисправност.
Инаку, следствено податоците од неделниот пресек од реализираните сообраќајни контроли на патиштата низ државата во периодот од 18.08.2025 до 24.08.2025 регистрирани се вкупно 4.806 платни налози најмногу издадени по основ на непочитување на брзината на движење 1.816, потоа за непрописно паркирање 1.023 прекршоци, како и 530 платни налози за возачи кои возеле без возачка дозвола. Покрај ова 207 мотоциклисти биле санкционирани заради неносење на заштитен шлем, изречени се 211 мерки за некористење на сигурносен појас, 122 санкции за возачи за користење на мобилен телефон.
Воедно евидентирани се 28 прекршоци за возачи на електричен тротинет како и за исто толку пешаци додека пак 63 возачи се санкционирани за управување на возило под дејство на алкохол и уште 21 заради минување на црвено светло. По основ на Законот за возила откриени се 86 возила кои што биле нерегистрирани а учествувале во сообраќајот како и 33 технички неисправни возила“, соопшти МВР.
Сообраќајните контроли продолжуваат и во наредните денови, а од Министерството апелираат до сите учесници во сообраќајот да ги почитуваат сообраќајните правила и прописи.
Македонија
Зеленски го одликува Митко Јанчев со орден за заслуги

Претседателот на Украина, Володомир Зеленски, го одликува градоначалникот на Кавадарци, Митко Јанчев, со орден за заслуги.
Оваа награда се доделува за значаен придонес во зајакнувањето на меѓудржавната соработка, поддршката на државниот суверенитет и територијалниот интегритет на Украина, добротворната дејност, како и за популаризацијата на украинската држава во светот.
Јанчев се најде на листата од 100-ина одликувани личности со орден за заслуги од Зеленски по повод Денот на независноста на Украина.
Македонија
Министерот Алиу се сретна со д-р Кедев: Сите што имаат каква било информација за евентуални неправилности да се обратат до Министерството

Министерот за здравство Азир Алиу денеска оствари средба со д-р Сашко Кедев, на која беа разменети информации во врска со наводите дека се вршеле непотребни кардиохируршки интервенции кај пациенти во приватните болници, извести Министерството.
Воедно, министерот Алиу на средбата потсети дека ќе биде испратен допис со кој сите приватни здравствени установи ќе се задолжат од 15 септември да го информираат Министерството, односно Управата за електронско здравство, за сите извршени прегледи и интервенции во „Мој термин“.
„Министерството за здравство е отворено за соработка со сите фактори и ги повикуваме сите засегнати страни, кои имаат каква било информација за евентуални неправилности во системот, да се обратат веднаш до Министерството. Транспарентноста е еден од главните столбови во работата на Министерството и е од клучно значење за унапредување на процесите во системот“, соопшти Министерството за здравство.