Свет
Италија ги отвори кината, театрите и аеродромите, дозволени се настани со 1.000 луѓе

Во Италија од денеска почнува нова фаза од попуштање на мерките воведени поради коронавирусот: по три и пол месеци блокада, денес ќе започнат со работа кината и театрите. Се отвораат и летните центри за деца, може да се одржуваат разни настани, приредби и концерти, со ограничувања – на отворено може да присуствуваат максимум илјада луѓе, а до 200 лица во затворени простории.
Од денес се отворени и границите меѓу државите на Европската Унија, отворени се аеродромите и воздушниот сообраќај почна да се одвива без ограничувања, а најпрометниот италијански аеродром „Малпенса“ во Милано, пренесува агенцијата „Анса“, утрово е полн со патници, а воздушниот сообраќај се одвива според планот.
Почнуваат со работа дискотеките и студијата за танц, а во следните денови се очекува да бидат отворени и саемите.
Според указот на владата, мора да се почитуваат основните мерки за превенција од Ковид-19, како што се одржување физичка дистанца, носење заштитни маски, влегување и излегување од спротивни страни, мерење на температура и честа дезинфекција.
Спортските настани, во зависност од епидемиолошката состојба, можат да почнат на 25 јуни.
Италија е на седмо место по бројот на заболени од коронавирус во светот со потврдени 236.989 случаи. Од вирусот починаа 34.345 лица, а излекувани се 176.370 заболени. Активни се 26.274 случаи.
Италија беше една од најпогодените земји во светот со повеќе од илјада смртни случаи на ден, во текот на март и април.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ле Пен осудена на четири години затвор и забрана за кандидирање на претседателските избори

Лидерката на француската крајнодесничарска партија Национален собир (РН), Марин Ле Пен, е осудена на четири години затвор, од кои две ќе бидат условни и парична казна од 100.000 евра, објави Фигаро.
Пресудата ѝ забранува на Ле Пен да учествува на изборите, што автоматски значи забрана за нејзино кандидирање за француски претседател во 2027 година, дури и ако поднесе жалба.
Ле Пен, како и осум други европратеници на РН, беа прогласени за виновни за проневера на јавни средства.
Марин Ле Пен ја напушти судницата веднаш штом судијата прочита дека и е забрането да учествува на избори, без да чека целосно да биде донесена пресудата, пренесоа француските медиуми.
Свет
Марин Ле Пен прогласена за виновна за проневера на средства од ЕУ фондови

Францускиот суд донесе пресуда против лидерката на екстремната десница Марин Ле Пен и нејзината партија Национален собир (РН), прогласувајќи ја за виновна за злоупотреба на фондовите на Европската унија и забрана за учество на изборите.
Марин Ле Пен беше осудена веднаш да ја забрани нејзината кандидатура. Тоа е најлошото можно сценарио за лидерот на РН, бидејќи казната се применува веднаш.
Ле Пен пред пресудата изјави дека пресудата за вина може да значи нејзина „политичка смрт“. Судот утврди дека Ле Пен и РН неправилно користеле 3 милиони евра (3,25 милиони долари) од средствата на Европскиот парламент наменети за парламентарните асистенти, пишува Дојче веле.
Таа може да добие казна затвор до 10 години и забрана за политика најмалку 5 години. Обвинителството тврдеше дека парите биле искористени за плаќање на партискиот персонал во Франција помеѓу 2004 и 2016 година, што ги прекршило правилата на ЕУ.
Свет
Трамп: Јас сум бесен на Путин и тој го знае тоа

Американскиот претседател Доналд Трамп изјави дека ќе воведе секундарни царини од 25 до 50 отсто за целата руска нафта доколку утврди дека Москва ги попречува неговите напори да стави крај на војната во Украина. Овие мерки би можеле да стапат на сила во рок од еден месец доколку не се постигне прекин на огнот.
Трамп изјави за NBC News дека е „многу лут“ и „бесен“ кога рускиот претседател Владимир Путин предложи смена на украинскиот претседател Володимир Зеленски и формирање преодна влада со поддршка на Обединетите нации.
„Нова администрација значи дека нема да има договор долго време, нели? рече Трамп.
„Ако сме на средина на преговори, тогаш можам да кажам дека бев многу лут, бесен, кога Путин вчера почна да го доведува во прашање Зеленски… затоа што тоа едноставно не води во вистинската насока, разбирате?“
Трамп рече дека планира да разговара со Путин оваа недела. За време на претседателската кампања во 2024 година, тој постојано ветуваше дека ќе стави крај на, како што ја нарекува, „смешната“ војна во Украина, а тоа е прашањето на кое се фокусираше откако ја презеде функцијата на 20 јануари. Самиот Трамп повика на нови избори во Украина и во еден момент го нарече Зеленски диктатор.