Свет
Лекарите во Салцбург не ја сакаат вакцината на Астразенека

Во австриската провинција Салцбург, околу 50 лекари изјавија дека не сакаат да се вакцинираат со вакцините на Астразенека.Тие побараа од надлежните органи да се вакцинираат со вакцината Бионтек-Фајзер, бидејќи сметаат дека е поефикасна.
„Врз основа на сегашните податоци, тоа барање е оправдано“, рече Кристоф Фиртхауер, портпарол на Лекарската комора.
Сепак, заменик гувернерот на покраината, Кристијан Штекл, го одби барањето на лекарот.
„Не постои ниту една група што може да избере вакцина. Вакцината е ретко и вредно добро, и ние мора да ги вакцинираме сите што е можно побрзо, со цел брзо да ја победиме пандемијата”, рече Штекл, кој инаку е одговорен за здравството во Салцбург.
Претседателот на Медицинската комора во Салцбург, Карл Форстнер, има разбирање за своите колеги.Тој рече дека имаат впечаток дека не се ценети колку што заслужуваат и нагласува дека не станува збор само за незадоволство од вакцината, туку дека лекарите го критикуваат управувањето со пандемијата на покраинската влада, како и хаос во врска со вакцинацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Италијанската полиција фати Албанец со над 27 килограми кокаин

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.
Дрогата била скриена во посебен простор под предните седишта на возилото.
Покарај кокаинот, полицијата го конфискува и возилото, а приведениот е однесен во притвор во затворот во Катанија.
Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.
Свет
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Свет
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.