Свет
Снежна бура ја зафати Европа – се откажуваат авионските летови

Во Холандија за денеска се најавени силни врнежи снег и ветер, поради што е во сила црвен метеоролошки аларм за целата земја, прв од ваков вид во последните девет години. Владата ги предупреди граѓаните поради ветрот што ќе дува до 90 километри на час, а е најавено дека ќе падне и 20 сантиметри снег, што може да доведе до опасни наноси од снег на патиштата и ограничена видливост, пренесува Ројтерс.
Сите центри за тестирање на коронавирус ќе бидат затворени, соопштија здравствените власти. Железничиот сообраќај ќе биде сведен на минимум.
Аеродромот Шипол предупреди дека може да има одложувања на летовите. Големите супермаркети ја откажаа испораката на храна. Сите професионални фудбалски натпревари закажани за денеска исто така се откажани, а градскиот совет во Амстердам донесе одлука да ги затвори сите канали за да може да се користат за лизгање во текот на неделата.
Во Холандија, рестриктивни мерки веќе се во сила поради коронавирусот, во чии рамки продавници, ресторани, барови и други јавни места не работат веќе неколку недели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Италијанската полиција фати Албанец со над 27 килограми кокаин

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.
Дрогата била скриена во посебен простор под предните седишта на возилото.
Покарај кокаинот, полицијата го конфискува и возилото, а приведениот е однесен во притвор во затворот во Катанија.
Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.
Свет
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Свет
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.