Свет
Трудо: Канадско-американската граница останува затворена уште 30 дена
Канадскиот премиер, Џастин Трудо, објави дека Канада и САД се согласиле да ги продолжат рестриктивните мерки за границата уште 30 дена, до 21 јули.
„Тоа е одлука што ќе ги штити луѓето од обете страни на границата бидејќи продолжуваме да се бориме против Ковид-19“, рече Трудо.
Границата првично требаше да биде отворена во април, но затворањето е продолжено двапати досега, а пред последната одлука важеше до 21 јуни.
Трудо во понеделникот рече дека се водат преговори со САД за продолжување на затворањето на канадско-американската граница затоа што сè уште има загриженост за ширењето на новиот коронавирус.
„Јасно е дека постои широк консензус меѓу покраините дека ние мора да продолжиме да ги одржуваме сегашните мерки на границата“, рече Трудо по консултациите со водачите на канадските покраини.
„Нашиот приоритет во таа смисла е да им обезбедиме безбедност на Канаѓаните, а во исто време да обезбедиме проток на основни добра и услуги“, рече Трудо.
Најдолгата меѓународна граница во светот – долга 8.900 километри – беше затворена од обете страни на 21 март како одговор на кризата предизвикана од коронавирус. Затворањето доведе до голем пад на прекуграничниот сообраќај – до 95 отсто според канадската статистика, но трговијата продолжи непречено.
Пред пандемијата стока во вредност од 1,7 милијарда американски долари и повеќе од 400.000 луѓе ја минуваа границата секој ден. Отава најави дека ќе биде направен исклучок за да им се дозволи на илјадници странски државјани да бидат со своите семејства во Канада, со обврска да се изолираат 14 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ го пречека Ердоган на аеродромот: „Добредојдовте во Србија, драг пријателe“
Претседателот на Србија, Александар Вучиќ, вечерва на аеродромот Никола Тесла го пречека претседателот на Турција, Реџеп Таип Ердоган.
Според програмата на посетата, в петок во 11 часот ќе се одржи церемонија на пречек пред палатата „Србија“, по што ќе следи средба на двајцата претседатели, јавуваат српските медиуми.
Потоа ќе се одржи четвртата седница на Високиот совет за соработка меѓу Република Србија и Република Турција, предводена од двајцата претседатели.
„Добредојдевте во Србија драг пријателe. Вашата возвратна посета е уште една можност за дополнително зајакнување на нашите пријателски односи и соработка. Верувам дека за време на вашиот престој во Белград ќе работиме заедно на подобрување на економските, културните и политичките врски меѓу нашите земји“, му порача претседателот Вучиќ на турскиот колега по пристигнувањето во Белград.
View this post on Instagram
Вучиќ и Ердоган ќе присуствуваат и на бизнис форум.
Свет
Цела зграда во Бејрут се урна од силните удари на Израел, има мртви и ранети
Два израелски воздушни напади вечерва го погодија центарот на Бејрут, при што се урна цела станбена зграда, изјави за Си-Ен-Ен извор од либанските безбедносни сили.
Според првите информации има најмалку 11 загинати и 48 ранети.
Според лекарите, 14 од 48-те повредени во израелскиот напад во центарот на Бејрут веќе се донесени во Американската универзитетска болница. Сè уште пристигнуваат возила за итна помош.
The Israeli occupation just bombed an entire residential building between Noweiri and Ras al Naba’a n Beirut to the ground
Many casualties reported. pic.twitter.com/50g5JSXssj
— Hussein (@EyesOnSouth1) October 10, 2024
Една жена надвор од болницата, која не сакаше да биде именувана, рече дека била во зградата до експлозијата и ја слушнала детонацијата. Таа рече дека еден од нејзините роднини се здобил со повреди на главата и се наоѓа во болница каде го шијат, пренесува Би-би-си.
⚡️Location that was targeted in Beirut pic.twitter.com/nVuJUQWbLs
— War Monitor (@WarMonitors) October 10, 2024
Жената вели дека погодената зграда била целосно станбена, и имала околу четири-пет ката.
Горна Баста, населбата во која беше погодена високата зграда, е густо населена област каде стотици луѓе се засолниле по интензивните израелски напади во јужен Бејрут и други делови на Либан во последните неколку недели.
Израелската армија објави дека ги истражува извештаите.
Свет
Шерофот на округ на Флорида: Никогаш не сум видел ваква поплава, луѓето тука изгубија се’
Истражувајќи ја штетата во силно поплавената област во округот Хилсборо, Флорида, веднаш е видливо дека првите катови од станбените згради се под вода, а автомобилите се потопени на улица.
Поплавите беа предизвикани од обилните дождови од ураганот Милтон, а не од брановите на невремето.
Шерифот на округот Хилсборо, Чад Кронистер, кој ја обиколи областа со новинар на „Си-ен-ен“, вели дека никогаш не видел нешто слично.
Шерифот истакна дека оваа поплавена заедница требаше да биде прибежиште за луѓето кои бегаат од невремето од други области.
„Никогаш не сум видел ваква поплава. Имавме луѓе евакуирани тука за да бидат безбедни. Тие слушаа, дојдоа овде“, рече Хронистер.
Шерифот додаде дека помогнале да се спасат 135 стари лица и инвалиди кои претходно биле евакуирани од Брадентон заради безбедност.
„Ова е населба што нема многу. Тие имаат многу малку, а што малку имаа – изгубија сè. Имаме 1,2 метри вода до нивниот прв кат овде. Ова е претежно латино заедница, нивната црква ја нема, нивните автомобили ги нема. Не живеат од плата за плата, туку од ден за ден, и немаат ништо#, додаде тој.