Македонија
Николовски: Од утре ќе тропнеме на секоја врата за да разговараме со граѓаните
![](https://makfax.com.mk/wp-content/uploads/2019/11/Љупчо-Николовски.jpg)
Од утре тимови на СДСМ, наши членови, активисти и функционери почнуваат со активности од врата до врата, најави генералниот секретар на СДСМ, Љупчо Николовски.
„Наша цел е да тропнеме на секој врата, во секоја улица, во секое населено место, општина. Сакаме да седнеме и да разговараме со граѓаните, отворено за сите теми. За успешната реализација во изминатите две години и бројните мерки за подобрување на животот на граѓаните, но и за проблемите со кои се соочуваат. Да, тука сме да ги слушнеме и нивните критики, бидејќи ние знаеме дека наша должност и обврска е да им служиме на нив“, рече Николовски.
Нагласи дека податоците покажуваат оти економијата и платите растат, а слободата и демократијата повторно живеат.
СДСМ во летниот период одржал над 600 маалски и урбани средби, а караванот на граѓански трибини, како што најави Николовски, продолжува паралелно со активностите од врата до врата.
Под мотото „На прав пат“ досега биле реализирани над 20 граѓански трибини.
„Сите коментари, забелешки и предлози, дадени на маалските средби, на трибините, но и оние кои ќе стигнат од активноста од врата до врата се систематизираат, селектираат и ќе се вградат во решенија од новата програма- решенија кои ќе им донесат уште подобар живот на граѓаните“, додаде Николовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.