Забава
Академијата почна дисциплинска постапка против Вил Смит

Академијата за филмски уметности и науки во средата почна дисциплинска постапка против Вил Смит за неговото однесување на „Оскарите“ и откри дека на Смит му било кажано да ја напушти церемонијата, но одбил да го стори тоа по удирањето шлаканица на Крис Рок на сцената за време на церемонијата.
„Постапките на актерот беа во спротивност со стандардите за однесување на Академијата, вклучувајќи несоодветен физички контакт, навредливо или заканувачко однесување и загрозување на интегритетот на Академијата“, се вели во соопштението објавено по состанокот на одборот на гувернерите.
Смит може да се соочи со суспензија, исклучување или други санкции доколку одборот одлучи да преземе акција на следниот закажан состанок на 18 април, се вели во соопштението.
Дополнително, Смит ќе добие известување за гласањето во рок од 15 дена, како и можност претходно да биде сослушан преку писмен одговор.
Во соопштението не се дадени детали за тоа кој побарал од Смит да си замине. Академијата исто така директно му се извини на Рок во изјавата, како и на номинираните, гостите и на гледачите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Дуа Липа се релаксира пред концертот во Минхен

Дуа Липа уживаше во малку одмор и релаксација пред нејзиниот распродаден концерт во Минхен во неделата.
Британската поп-ѕвезда (26) на себе има розово-портокалови цветни бикини, кои ги истакнуваат нејзините стомачни мускули и затегнати нозе додека лежи покрај реката во главниот град на Баварија.
Таа сподели кратко видео и неколку фотографии со своите пријателки. На објавата ѝ даде наслов pre – show river dip (нуркање во река пред концерт).
Се чини дека Дуа и нејзините пријателки Роузи Вива и Реј Ен Хејден и нејзината фитнес-инструкторка Ени Мувс уживаат во сонцето на затскриена локација.
Забава
Шерон Стоун го донесе гламурот на црвениот тепих во Кан

Шерон Стоун го красеше црвениот тепих на проекцијата на филмот на Валерија Бруни Тедески, „Засекогаш млади“ (Forever Young), во рамките на Филмскиот фестивал во Кан во неделата.
Облечена во сино-бела креација на „Долче и Габана“ со драматичен додаток, 64-годишната актерка ги воодушеви присутните кога го отфрли дополнителниот дел од фустанот закачен на нејзините колкови.
Со мала асистенција од двајца манекени облечени во костуми, ѕвездата на „Ниски страсти“ лесно се ослободи од дополнителното здолниште. Потоа позира во друга верзија на фустанот, што ја истакна нејзината тенка фигура. Ваквиот потег предизвика бурен аплауз од фановите.
Забава
Италијанската свадба на Кортни и Тревис: фотоалбум

Кортни Кардашјан и Тревис Баркер се венчаа третпат во Портофино, Италија, на раскошна свадбена церемонија во Италија, опкружени со своите најблиски.
„Среќно засекогаш“, напиша поќерката на Баркер покрај фотографијата што ја сподели на „Инстаграм“ во неделата, 22 мај.
Неделникот „Ју-ес викли“ потврди дека реалната ѕвезда (43) и тапанарот на „Блинк-182“ (46) пристигнале во Портофино во петокот, 20 мај, заедно со своите деца. Кардашјан ги има Мејсон (12), Пенелопе (9) и Рејн (7) со поранешниот сопруг Скот Дисик, а Баркер е татко на Лендон (18), Алабама (16) и ја има и поќерката Атијана (23) од бракот со поранешната сопруга Шана Моклер.
Покрај нивното мешано потомство, присуствуваа и членови на познатото семејство на реалната ѕвезда и основачка на веб-страницата што промовира модерно и здраво живеење „Пош“. Меѓу гостите беа и Крис Џенер, Ким Кардашјан, Клое Кардашјан, Кендал Џенер, Кајли Џенер и Кори Гембл.
Тревис ја побара за жена Кајли во октомври 2021 година по речиси една година врска.