Поминаа речиси 17 години откако шесте најпознати пријатели на поп-културата беа заедно на филмски сет, но тој со нивната најнова дружба, конечно, беше снимен минатата недела.

Заедничкиот проект ја обедини оригиналната екипа на ситкомот – Метју Пери (Чендлер), Џенифер Анистон (Рејчел), Кортни Кокс (Моника), Лиза Кудроу (Фиби), Мет Лебланк (Џои) и Дејвид Швимер (Рос).

Поставена за емитување на стриминг-услугата „Ејч-би-о макс“, специјалната епизода првично требаше да се снима минатиот август, но беше одложена поради пандемијата.

Датумот на емитување допрва треба да биде објавен, но се очекува да биде во текот на следните неколку месеци.

Канjе Вест се согласи на заедничко старателство со Ким Кардашјан над нивните четири деца.

Неговиот одговор следуба по барањето за развод, кое Ким го поднесе на 19 февруари, со што почна процесот на ставање крај на нивниот речиси седумгодишен брак.

Во поднесените документи американскиот рапер и реалната ѕвезда постигнаа согласност дека нивниот брак треба да заврши поради непомирливите разлики.

Тие исто така се договорија дека не им е потребна брачна поддршка.

Канје и Ким имаат две ќерки на возраст од седум и три години и два сина – едниот има пет, а вториот ќе полни две години следниот месец.

Според поднесокот на Ким, тие си го чувале својот имот одвоено во текот на целиот брак во согласност со условите на предбрачниот договор.

Популарните цртани серии како Barbie, Peppa Pig и  My Little Pony се на удар на критики во Кина откако родителите се пожалија до надзорното тело за заштита на правата на потрошувачите дека содржат несоодветно однесување.

Советот на потрошувачи во Џијангсу во источна Кина објави список со 20 серии цртани филмови за кои тврди дека содржат однесување и јазик несоодветни за деца. Членовите на Советот ги гледале овие серии и разговарале со родители.

Осум од сериите се од странство, вклучувајќи ja британскaта Peppa Pig и две американски Barbie Dreamhouse Adntures и My Little Pony, со уште пет други од Јапонија, меѓу нив е Detective Conan, според Советот, кој всушност е организација поддржана од кинеска влада и формирана со цел да ги заштити правата на потрошувачите.

Во еден пример на сцена опишана како опасна во Peppa Pig ликот Деди Пиг ја отвора вратата од авионот и паѓа од него.

Во сцена од цртаниот филм „Моето мало пони“ лик се потопува во лава.

Во „Авантурите на Барби дримхаус“ има сцени на ликови што висат од хеликоптер или кошаркарски обрач, газат врз некого или паѓаат од таванот, според извештајот на надзорното тело.