Дури и сиромашна земја како што е Непал може да се пофали со технолошки развој бидејќи локалниот стартап „Пајала технолоџи“ разви роботи за услужни дејности во главниот град Катманду, објави француската агенција АФП.

Роботите веќе се инсталирани во локалната банка, а сега ги послужуваат гостите како келнери во ресторанот „Науло“ користејќи непалски и англиски јазик во комуникацијата со гостите.

Роботот наречен Џинџер е висок 1,5 метар, ги зема нарачките, ги пренесува во кујната и потоа го зема јадењето и им го послужува на гостите.

Во ресторанот „Науло“ во моментот работат три роботи Џинџер.

Гостите се воодушевени, особено децата, кои не ја пропуштаат можноста за заедничко фотографирање, објави АФП.

Интервјуто со познатиот композитор Енио Мориконе стана хит кога во јавноста се појавија цитати во кои го спомнува познатиот режисер Квентин Тарантино со кого соработуваше на филмот The Hateful Eight.

Имено, во германското издание на „Плејбој“ е објавено интервју во кое Мориконе вели дека Тарантино е кретен и отворено ги критикува неговите филмови кои немаат вредност бидејќи тие се, всушност, куп украдени сцени од филмовите на други луѓе.

Кога цитатите беа проширени во медиумите низ светот, Мориконе излезе пред јавноста тврдејќи дека тоа никогаш не го кажал.

„Плејбој“ потоа излезе со изјава во која стои зад својот новинар, но се чини дека приказната доби ново поглавје.

Во изјавата што дополнително ја дадоа стои дека нивниот новинар Марсел Андерс неточно репродуцирал дел од изјавите на Мориконе.

„Никогаш не сме имале причина да се сомневаме во новинарскиот интегритет и вештина на нашиот соработник. За жал, врз основа на достапните информации, мораме да претпоставиме дека зборовите во интервјуто, барем делумно, се неточно репродуцирани. Му се извинуваме на господин Мориконе што го прикажавме во погрешно светло. Ние работиме на расчистување на овој случај и ги разгледуваме правните мерки“, се вели во соопштението на редакцијата.

Шведската компанија за производство на сексуални играчки и кондоми „Лело“ ќе им дава слободни денови за мастурбација на своите вработени, пишува „ЛАД библ“.

Овие денови официјално ќе се нарекуваат „Денови на љубовта кон себе“. Вработените ќе имаат право на четири такви дена во кои ќе може да ѝ се посветат на својата сексуална сатисфакција, а компанијата ги охрабрува за време на тие денови да се погрижат за онолку оргазми колку што им е потребно за да се релаксираат.

И ако ова ви изгледа како тотална глупост, серијата британски истражувања покажуваат дека всушност има добра основа. Имено, резултатите од анкетата спроведена на 2.000 Британци покажаа дека најсреќни ги  прават – оргазмите.

Речиси 78 отсто од нив на прашањето што ги направило среќни, одговориле дека тоа е оргазмот, без оглед на тоа дали го постигнале со својот партнер или самостојно. 66 отсто рекле дека по оргазмот, се чувствуваат попродуктивни, а 40 отсто рекле дека придобивките од оргазмот ги чувствувале и една недела подоцна.