Кога зборуваме за стајлингот на Кејт Хадсон, на ум паѓа само еден збор, а тоа е – елеганција.

Славната русокоса се смета за дама со стил и вкус, а тоа го докажала многу пати на големи настани, особено за време на бројните промоции на филмот „Song Sung Blue“.

View this post on Instagram

A post shared by @bravowwhl

Сега повторно покажа дека едноставноста и елеганцијата немаат замена, а за нејзиното појавување во емисијата „Watch What Happens Live“ носеше безвременско парче облека – црн фустан од Balmain. Станува збор за минималистички модел без прерамки што ја следи линијата на телото.

View this post on Instagram

A post shared by Kate Hudson (@katehudson)

Златниот детаљ во горниот дел од креацијата беше исто така впечатлив, што му даде на аутфитот доза на луксуз. Стајлингот го надополни со златни додатоци, едноставна фризура и шминка во земјени тонови.

Стилистката Емили Санчез беше задолжена за беспрекорниот изглед на Кејт.

Светски познатиот DJ приреди моќен арена настап и незаборавна електронска вечер во Арената „Борис Трајковски“.

Над 7.000 посетители ја исполнија арената „Борис Трајковски“ во Скопје, каде што светски познатиот турски DJ и продуцент Махмут Орхан приреди спектакуларен настап во рамки на „The Arena Experience“, во организација на Music Rituals.

Вечерта започна со програма на домашни изведувачи Anna Noodle и Danyel, Brancez и Lephonq, и странски изведувачи Stasi Sanlin и People Like Us, кои со своите сетови ја подигнаа енергијата пред главниот настап.

Со врвна продукција, впечатливи визуелни ефекти и својот препознатлив мелодичен електронски звук, Махмут Орхан ја донесе глобалната клубска енергија создавајќи силна атмосфера и незаборавно музичко доживување за публиката.

Настанот уште еднаш го потврди потенцијалот на Скопје како дестинација за големи меѓународни електронски музички продукции и постави нови стандарди за ваков тип на настани во регионот.

Француската филмска дива и секс-симбол Брижит Бардо почина вчера на 91-годишна возраст. Нејзиниот бурен љубовен живот, розите фрлани од хеликоптер и искрените признанија за страста и неверството и денес ја фасцинираат светската јавност.

Позната по русата коса, препознатливиот стил и бикините, Брижит Бардо стана секс-симбол на 1950-тите и 1960-тите години благодарение на филмот И Бог ја создаде жената, режиран од нејзиниот тогашен сопруг Роже Вадим.

Она што особено ја издвојуваше Бардо беше нејзината слобода и храброст – се појавуваше на насловни страници во минимална облека, без накит и парфем, често одеше боса или во балетанки. Токму поради тоа, многумина сметаат дека таа „ја измислила голотијата“ во филмот и поп-културата.

Родена во Париз во 1934 година, прво се занимавала со балет, а потоа станала модел и филмска ѕвезда. На само 15 години се појавила на насловната страница на списанието Ел, по што следувале филмски улоги што ѝ донеле светска слава. Нејзиниот изглед инспирирал и музичари како Џон Ленон и Пол Макартни, кои барале нивните партнерки да го имитираат нејзиниот стил.

Брижит Бардо имала четири брака и низа страсни врски. Нејзиниот прв сопруг бил режисерот Роже Вадим, од кого се развела во 1957 година. Вториот сопруг ѝ бил актерот Жак Шарие, за кого се омажила во 1959 година и со кого го добила синот Никола-Жак. Бракот завршил со развод во 1962 година.

Подоцна имала афери со колеги, музичари и актери, меѓу кои Жан-Луј Трентинјан, Жилбер Беко, Глен Форд и други.

Нејзиниот трет брак бил со германскиот милионер Гинтер Закс, кој ја обасипувал нејзината вила со рози фрлани од хеликоптер. Четвртиот и последен брак го склучила со Бернар д’Ормал, со кого останала до крајот на животот и кој ѝ помогнал да го подобри односот со синот Никола-Жак.

Во своите мемоари, Бардо отворено признала:

„Со секоја врска постојано се враќав во потрага по други љубови кога сегашноста ќе станеше млака. Не го сакам она што е помеѓу, помалку добро. Отсекогаш сум барала страст. Затоа често бев неверна. А кога страста ќе беше при крај, ги пакував куферите.“

Во 1970-тите години се повлекла од глумата и се посветила на активизам за правата на животните. Нејзиниот политички ангажман често бил контроверзен, вклучувајќи ја и јавната поддршка за крајно десничарската партија Национален фронт во Франција, што предизвикало бројни осуди.

И покрај повлекувањето од филмскиот свет, Брижит Бардо остана вечна икона на убавината, слободата и страста, а нејзиниот живот и денес ги интригира генерациите љубители на филмот и поп-културата.