Вдовицата на основачот на „Плејбој“ Хју Хефнер, Кристал Хефнер, се сеќава на нејзиниот покоен сопруг на третата годишнина од неговата смрт.

Поранешната Плејбој-зајачица се појави на Инстаграм во неделата и изрази почит кон основачот на списанието „Плејбој“, кој почина во неговиот дом во Холмби Хилс, Калифорнија, на 91-годишна возраст.

„Три години. Тешко е да се поверува “, започна 34-годишната Кристал под фотографијата на која стојат еден до друг прегрнати.

„Ти благодарам што секогаш беше мојот најголем сојузник, ме научи на дефиницијата за љубезност и направи да се чувствувам исклучително важно и обожавано десет години. Јас ќе бидам засекогаш благодарна.“

Кристал беше во брак со Хју од декември 2012 година сè до неговата смрт на 91-годишна возраст во семптември 2017 година.

Холивудската актерка во неделата го прослави својот 48. роденден и ги изненади своите фанови и следачи на „Инстаграм“ со необичен потег, сосема нетипичен за неа.

„Денес на себе немам ништо, освен мојот роденденски костим“, напиша Гвинет Палтроу под фотографијата, на која позира гола како од мајка родена во својата градина.

И додека објавата предизвика воодушевувања кај безброј фанови, еден корисник на социјалната мрежа не се забавуваше – а тоа е нејзината ќерка, тинејџерка Епл Мартин (16).

„МАМА“, коментира очигледно засрамената Епл.

На фотографијата на која позира со телото делумно навалено кон камерата, Гвинет стратешки ги заштити своите интимни делови со вкрстени раце и свиткана нога, но сепак не стори ништо за да го скрие затегнатиот стомак, кој предизвикува завист, коментираат таблоидите.

Ѕвездата на „Вљубениот Шекспир“ изгледа безгрижно додека се смешка под сонцето, со слободно пуштена коса.

Американската реална sвезда Ким Кардашјан, чие семејство по потекло е од Ерменија, проговори за конфликтот во Нагорно-Карабах и го повика Азербејџан да престане со офанзивната употреба на сила против ерменскиот народ.

Во серија твитови Ким Кардашјан го повика и Вашингтон да ја запре воената помош за Баку.

Сопругата на раперот Канје Вест исто така имаше порака за Турција, на која ѝ порача да престане да испраќа оружје и борци во зоната на конфликтот како поддршка на азербејџанската страна.

Ким Кардашјан исто така ја повика меѓународната заедница да преземе политички и дипломатски мерки за да спречи непотребна ескалација и трагедија, пренесува „Спутник“.

„Ерменија е жртва на неиспровоцирани напади од Азербејџан“, рече Ким Кардашјан додавајќи дека нападите се придружени со предвидлива кампања за дезинформација.

„Азербејџан, освен во случај на воена пропаганда, ги блокира социјалните мрежи“, тврди Ким Кардашјан.

Во неделата ескалираа судирите во Нагорно-Карабах, а двете страни меѓусебно се обвинуваа за почнување борбени дејства.