Забава
„Беше како светилник“ – ќерката на Сидни Поатје со емотивна порака се прости од својот татко
Ќерката на Сидни Поатје, кој почина минатата недела на 94-годишна возраст, му оддаде почест на својот татко во долга и емотивна порака на Инстаграм.
Нејзината почест следи по оние упатени од низа познати личности, вклучително и поранешниот претседател Барак Обама, познатата водителка Опра Винфри и актерката Виола Дејвис.

Светските медиуми, пренесувајќи ја пораката на ќерката Идни, потсетуват дека холивудска икона, врвен актер, хуманитарец и дипломат беше првиот Афроамериканец кој доби „Оскар“ за најдобар актер.
Идни Поатје ја пофали „силата на карактерот и моралната цврстина“ на својот покоен татко.
„Но, она што навистина сакам луѓето да го знаат е колку беше ДОБАР“, напиша таа.
„За ова нема зборови. Нема вистински начин да се подготвите за ова. Нема доволно убава проза, нема доволно елоквентен говор за да ја долови суштината на мојот татко.“
„Знаеме дека неговите достигнувања се многу и дека тој буквално го промени пејзажот за сите што дојдоа по него.“
„Тој проби патека низ груб и непријателски терен за да можат оние што доаѓаат зад него да имаат поголема леснотија на патувањето. Така, луѓето што тврдеа дека оваа планина е нивна и само нивна, ќе знаат дека и ние припаѓаме таму. Дека тоа навистина е и наша планина. Дека доаѓаме и дека остануваме.“

„Мојтата тага е затоа што го изгубив татко ми, но и затоа што светот изгуби толку многу добрина“, пишува Идни.
„Тој беше како светилник, топол и светол. Без обзир на бурите што бучеа околу него, тој стоеше непоколеблив блескајќи во неговата светлина. Ние кои пливавме наоколу во темните води секогаш можевме да се ориентираме кон него и да допливаме до брегот.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Во екот на скандалот – тие слават: Дејвид Бекам ѝ покажа на Викторија колку ја сака
Признанието на Бруклин Бекам покрена лавина од коментари низ целиот свет и предизвика поделби во општеството, па главното прашање е дали сте „Тим Бруклин“ или „Тим Викторија“.
Додека социјалните мрежи „дивеат“ во поддршка на нивниот „син што избегал“, остатокот од семејството Бекам се обидува да покаже дека сè е во ред. Во моментов, Викторија Бекам доби витешка титула во Париз, а како и секогаш, нејзиното семејство беше со неа.
Сите освен Бруклин…
Дејвид, исто така, се огласи по повод оваа пригода, испраќајќи ѝ на сопругата емотивна порака.
„Многу сме горди на тебе и на сè што постигна. Добивањето витешка титула од редот на уметностите и книжевноста од страна на француското Министерство за култура. Никој не го заслужува тоа повеќе од тебе. Те сакаме“, напиша Дејвид.
За време на својот говор, Викторија нагласи дека е најблагодарна на својот сопруг Дејвид и на првиот инвеститор. На семејната фотографија се појавија и девојките на Круз и Ромео, Џеки Апостел и Ким Тернбул.
Забава
(Видео) Момчето на Џенифер Анистон се вцрвени во емисија: „Не се случи преку ноќ“
Ѕвездата од „Пријатели“, Џенифер Анистон, речиси една година ужива во љубовта со Џим Кертис, кој е шест години помлад од неа, а сега знаеме повеќе за тоа како се запознале.
Џими Кертис се појави во емисијата „Today“ за да ја промовира својата нова книга, а за време на интервјуто со водителот, откри некои детали за својот љубовен живот.
„Нè запознаа пријатели. И тоа е тоа. Сфативме дека имаме заеднички луѓе и едноставно почнавме да разговараме“, објасни тој, додавајќи дека разговорите не се претвориле веднаш во врска.
„Не се случи преку ноќ… Разговаравме долго време и полека се зближувавме“, нагласи Кертис, кој потврди дека неговата врска со Џенифер Анистон е сериозна и трае веќе долго време.
„Со месеци, речиси една година“, беше сè што откри, а водителот коментираше дека нема да го стави во непријатна ситуација, бидејќи се засрамил.
„Да, вистина е, се засрамувам“, призна самиот.
Нивната прва заедничка објава, која исто така ја потврди нивната врска, се појави во ноември. Иако гласините за романса кружеа уште од јули минатата година, дури тогаш Џенифер јасно стави до знаење дека е вистина дека е вљубена.
„Среќен роденден, љубов моја“, напиша таа покрај фотографијата на која се прегрнати.
Забава
Дури по 2030 година, за три знака конечно пристигнува наградата
Ако понекогаш ви се чини дека сè што е важно во животот се случува побавно отколку кај другите – можеби не е случајност.
Според астролозите, некои хороскопски знаци едноставно имаат „побавен“, но подлабок животен пат. И иако во последните години поминале низ предизвици, трпение и важни лекции, вистинската награда доаѓа – по 2030 година.
Астролошките прогнози велат дека 2030 година нема да биде само уште една нова година, туку голема пресвртница. Планетарните влијанија потоа конечно ќе се свртат во корист на оние кои долго време граделе, чекале и учеле.
Зошто 2030 година е толку важна?
Астролозите ја опишуваат како период на стабилност, зрелост и внатрешен мир. Не станува збор за минлива среќа, туку за чувството дека работите конечно се споиле – во љубовта, работата и личниот живот.
Очекувано:
– стабилни и долгорочни врски
– посигурни кариерни темели
– појасно чувство за сопствените желби и граници
– помалку драма и повеќе внатрешно задоволство
Трите знака кои добиваат најголема награда
Рак
Раковите се познати по тоа што сè доживуваат длабоко и емоционално. По години потрага по безбедност и разбирање, 2030 година им носи емоционална стабилност – без разлика дали преку нова љубов или продлабочување на постоечка врска. Конечно, доаѓа чувство на дом и припадност.
Лав
Лавовите долго време се бореа за признание и своето место под сонцето. Според астролозите, нивното време доаѓа по 2030 година, кога напорната работа, амбицијата и храброста конечно ќе се претворат во конкретни успеси – без разлика дали во кариерата, јавниот имиџ или личниот развој.
Јарец
Трпението е најголемата доблест на Јарецот – и најголемиот предизвик. Години посветена работа конечно носат резултати. Финансиската сигурност, стабилноста и мирот ќе бидат клучните теми во периодот по 2030 година, со чувство дека целата напорна работа конечно се исплатила.

