Контакт

Забава

Би-би-си пишува за групната фотографија на потенцијални оскаровци

Објавено пред

Холивудските ѕвезди во понеделникот беа наострени и спремни за традиционалниот оскаровски ручек, пренесува британски Би-би-си, а нивниот репортер Стивен Мекинтош пишува за неколку интересни работи што ги забележал на групната фотографија.

dobivaj vesti na viber

Како и секоја година, така и оваа, номинираните во сите категории се собраа на пријателско дружење и пријатен оброк. И на настанот не се канат само познати актери туку и номинирани кинематографери, тон-мајстори, костимографи и сите други вклучени во правење на филмовите.

Врвот на овој настан, секако, е голема групна фотографија за која позираат сите 162 номинирани.

А репортерот на британскиот јавен сервис „ја извлекол лупата и забележал неколку чудни и дискутабилни модни комбинации или избор на облека кај некои од присутните“.

Еве што забележал Стивен Мекинтош од Би-би-си:

Костумот на Квентин Тарантино веројатно останал на хемиско чистење

Барем да можеме да претпоставиме зошто се појави во црно-жолта маица за куглање додека останатите поканети носеа поформална облека.“

Деветтиот филм на овој режисер, „Беше еднаш во Холивуд“, има голем број номинации, вклучувајќи ја и онаа за Тарантино во категоријата најдобар режисер.

За групната фотографија тој стоеше позади актерот Леонардо Дикаприо, но уште едно познато лице беше веднаш до него.

Од левата страна на Квентин е Роберт де Ниро – а овие двајца се повторно заедно по повеќе од две децении кога работеа заедно на филмот „Џеки Браун“ во 1997 година.

Оваа година, Де Ниро беше потенцијален кандидат за улогата во филмот „Ирецот“. Иако не е номиниран за најдобар актер, тој присуствуваше како продуцент на филмот.

 

Овој пар личи како од замрзнато кралство

Ако сте меѓу бројните лица кои ги излуде до бесвест песната Let It Go (Пушти, нека оди) од филмот „Замрзнато кралство“, можеби ќе сакате да го прескокнете овој дел.“

Бидејќи она што кантавторскиот пар Кристен Андерсон-Лопез и Роберт Лопез не „пушта да замине“ е еден другиот. Дуото е номинирано за најдобра оригинална песна „Into The Unknown” за филмот Замрзнато кралство 2. Парот Лопез делуваат подеднакво вљубени еден во друг како и на нивната венчавка во 2003 година.

Бред Пит ужива во мир и тишина

Оваа групна форографија е најверојатно единствениот момент кога номинираниот за најдобра споредна улога можел малку да одмори.

На Пит наводно му барале селфиња повеќе од  кој било друг на ручекот. А еве зошто – тој е топ-ѕвезда на Холивуд со враќање во голем стил во оваа сезона на делење награди, по неколку тешки години во приватниот живот.

Тој веќе освои награда на Златните глобуси и на Асоцијацијата на филмски актери (САГ) за најдобра споредна улога во „Беше еднаш во Холивуд“.

 

Овој човек навистина сака да добие Оскар

Толку многу што се помоли во себе во текот на свеченоста што се одржа во понеделникот.

Ив Пиат можеби звучи како име на новиот парфем на Сен Лоран, но во случајов говориме за режисер н афилмот  „Фудбалкси клуб Нефта“, кој е номиниран за најдобар краткометражен игран филм.

Пиат ја освежи овогодишната групна фотографија, заземајќи место покрај статуетката Оскар со споени дланки како на молитва. Можеби со ова му се заблагодарува на Господ што е толку близу до Шарлин Терон, која стои веднаш пред него.

 

Скарлет Јохансон побегна од карфиолот

Ако некој навистина требаше да се појави на овогодишната групна фотографија тоа е Скарлет Јохансон бидејќи има две номинации.

За две различни улоги што ги имаше минатата година – „Приказна за брак“ и „Зајакот Џоџо“ – номинирана е за најдобра главна актерка и најдобра споредна актерка.

Но Би-би-си не ја обвинува што го прескокнала ручекот. Имено, оброкот се состоел од веганско сирење и салата од цвекло и цитрус како мезе, а главно јадење – маитаки печурки со зимски тиквички, карфиол и забранет црн ориз.

Таа не е единствената личност којашто клинка „Не одам“ на фејсбук-страницата на овој настан. Јоакин Феникс, Ентони Хопкинс, Антонио Бандерас, Адам Драјвер, Саоарс Ронан и Марго Роби не дојдоа.

 

Костимографите носеа импресивни дизајнирани облеки

Номинираните за најдобар костим или костимографија имаат предност ког астанува збор за облекување за свечени настани.

За оскаровскиот ручек, Сенди Пауел во потполност ја искористи светложолтата ткаенина што ѝ преостана од работата на филмот „Ирецот“. Пауел има работено со Мартин Скорсезе на неколку претходни филмови – Авијатичар, Иго, Затворен остров и Волкот од Вол Стрит.

Тука позира со Кети Бејтс, која е номинирана за надобра актерка и која носи очила за сонце за да нè потсети колку е убаво времето во Холивуд.

Двете најголеми актерски надежи на Обединетото Кралство оваа година го разведрија морето сиви костуми и досадни вратоврски.

Флоренс Пју, ѕвезда на филмот „Мали жени“, номинирана е за најдобра споредна улога и изгледаше едноставно, како по дома, стоејќи покрај холивудските ѕвезди во преубав портокалов фустан.

А ѕвездата на филмот Харијет, актерката Синтија Ериво, носеше дречливо зелена јакна што се согласуваше со нејзините зелени очила за сонце.

Таа упеа да одолее на искушението да стави зајачки уши позади Рене Зелвегер, која речиси сосема сигурно ќе победи во категоријата најдобра актерка за улогата Џуди Гарланд

 

 

 

 

Лора Дерн зеде слободен ден

Секоја година актерката Лора Дерн е задолжена за распоредување на луѓето во текот на заедничкото фотографирање.

Но оваа година дојде до мал конфликт на интереси, затоа што е една од номинираните.

Наместо да се занимава со мултитаскинг, оваа година Дерн реши да земе мал одмор.

„Се извинувам што годинава нема да можам да го работам тоа, иако многу сакам“, рече Дерн пред почетокот на ручекот. „Но постои убава причина зошто е така“, додаде таа.

 

Овогодишната фотографија изгледа… поинаку?

Првпат настанот оваа година беше преместен од хотелот Беверли Хилтон бидејќи тој се одржа порано од претходните.

Затоа Академијата ја изнајми балската сала Реј Долби во Лос Анџелес, а на истото место ќе се одржи и главната церемонија на 9 февруари.

 

 

 

Забава

Тргнете им се од патот: хороскопски знаци кои се многу нервозни кога надвор е пекол

Објавено пред

Сонце и коктели за многумина значи само едно – лето. Но, додека некои хороскопски знаци уживаат во секој зрак, или барем се прилагодуваат на условите, други се претвораат во движечки бомби на раб на експлодирање.

dobivaj vesti na viber

Ако ги сретнете додека асфалтот е жежок, а климатизацијата во јавниот превоз не работи, можеби е најдобро да го свртите погледот, да се засолните во сенка и да почекате температурата да падне.

Четири хороскопски знаци кои едноставно не ја сакаат топлината.

Овен

Овните се огнени знаци, но кога температурата ќе надмине 30 степени, нивната внатрешна лава бара излез.

Овнот не може да поднесе бавност, а летото го наметнува од сите страни. Ако технологијата исто така го изневери, мобилниот телефон се прегрее или клима уредот во автомобилот одлучи да штрајкува, би можеле да бидете сведоци на кратко, но незаборавно губење нерви.

Рак

Раковите се суштества на домот и удобноста. Нивната идеја за лето вклучува затемнета соба, вентилатор и постојан проток на ладна лимонада. Кога треба да излезат и да се соочат со жештината на градот, нивното ниво на раздразливост се зголемува пропорционално со УВ индексот.

Ако сепак мора да чекаат во ред на сонце или да носат ранец што им се лепи за грбот, пасивно-агресивниот коментатор за сè и сешто може да излезе од милиот Рак. Тоа не значи дека не ве сака, само го мрази животот во моментот.

Девица

Девиците се познати по својата љубов кон редот, чистотата и организацијата. А летото? Летото е нивниот кошмар. Луѓето се потат, распоредите доцнат, панталоните се лепат за столот. Сè е лепливо, бавно и неуредно.

Кога Девица ќе види некој како влегува во климатизирана просторија и не ја затвора вратата брзо, можеби ќе почувствувате како ледениот поглед ве сече како нож. Не е дека Девицата не го сака сонцето, само кога е филтрирано низ прозорец и не ја нарушува нејзината внимателно избалансирана температура на телото и душата.

Шкорпија

Шкорпиите имаат длабоко вкоренет инстинкт за контрола, и кога е жешко, сè им бега. Пот? Не можам да го контролирам. Гужва на плажа? Не можам да ја избегнам. Луѓе што им дишат во вратот во јавниот превоз? Директно од пеколот. Сето ова води до потисната фрустрација која не треба многу за да се прелее.

Доволно е некој случајно да ги допре со влажно рамо и нивната вербална отровна стрела може да ја погоди дури и најневината жртва. Тие не се зли, само го сакаат своето место под клима уредот.

Прикажи повеќе...

Забава

Концерт на групата „Гром“ во „Хераклеја“, специјален гостин Ален Славица

Објавено пред

Од

Македонската група „Гром“ со концерт на 2 јули на „Хераклеја“ ќе одбележи јубилеј, 45 години на музичката сцена.

dobivaj vesti na viber

„Гром“ се присутни на македонската музичка сцена од младинските рок гитаријади во 70-те, до Скопскиот фестивал, Мак Фест итн.

Концертот ќе почне во 21 часот, а настанот е во рамките на БИТ ФЕСТ 2025.

Специјален гостин на концертот ќе биде познатиот хрватски пејач Ален Славица.

Влезници по цена од 300 преку мкtickets, како и на билетарата на Хераклеја.

Прикажи повеќе...

Забава

Знаци што покажуваат дека не внесувате доволно протеини

Објавено пред

Од

Често слушаме колку е важно да внесуваме доволно протеини, но многу луѓе сè уште се прашуваат дали ги задоволуваат своите дневни потреби.

dobivaj vesti na viber

Протеините се клучни за поправка на клетките, одржување на мускулите, хормонска функција и имунитет.

Ако не внесуваме доволно, може да се појават разни симптоми, кои често се игнорираат или им се припишуваат на други причини. Препорачаното дневно внесување е 0,8 грама на килограм телесна тежина, но вистинските потреби зависат од возраста, нивото на активност и од здравјето.

Луѓето во одредени животни фази, како што е перименопаузата, честопати имаат потреба од поголемо внесување. Нутриционистите Ребека Блејк, Тамар Самуелс и Даниел Пашко објаснуваат кои знаци може да укажуваат на недостиг на протеини.

Постојан глад

Ако не внесуваме доволно протеини, можеме да се чувствуваме како постојано да сме гладни, вели Самуелс.

„Зголемениот апетит може да биде природен начин на телото да се обиде да го зголеми внесувањето протеини за да ги задоволи своите нутритивни потреби“, објаснува таа за Параде.

Глад може да се појави и ако внесуваме доволно калории, но не доволно протеини.

Проблеми со косата, ноктите и со кожата

Бидејќи косата, ноктите и кожата се направени од протеинот кератин, недостигот може да предизвика видливи промени. Пашко истакнува дека недостигот на протеини може да доведе до опаѓање на косата и кршливи нокти, а Блејк додава дека кожата може да стане сува.

Според „УКЛА хелт“, сето ова се индикатори за недостиг на оваа важна хранлива материја.

Ненамерно губење тежина

Кога на телото му недостигаат градежните блокови за одржување на мускулната маса и на ткивото, може да се случи ненамерно губење тежина.

„Луѓето што јадат малку протеини често губат тежина иако не сакаат, што укажува на недоволно внесување“, истакнува Самуелс.

Блејк додава дека ниските нивоа на протеини исто така може да предизвикаат губење на мускулите, што дополнително влијае на телесната тежина.

(Фото: ЕПА)

Прикажи повеќе...

Најново

Македонија11 часа

Сиљановска-Давкова се сретна со шпанскиот премиер Педро Санчез

Претседателката Гордана Сиљановска-Давкова, во рамки на учеството на 4. Меѓународна конференција за финансирање на развојот во Севиља оствари средба со...

Топ13 часа

(Фото) Запленети околу 100 килограми марихуана во Струмица, уапсени три лица

Полициски службеници од Секторот за внатрешни работи Струмица во координација со Агенцијата за национална безбедност, а во согласност со своите...

Македонија15 часа

Филипче: Не е време за калкулации, ниту за ситнопартиски интереси, СДСМ останува силен промотор на европската идеја

Претседателот на СДСМ, Венко Филипче, по средбата со еврокомесарката за проширување Марта Кос, изјави дека поддршката од Европската Унија за...

Македонија16 часа

Уписот во средно в година ќе биде подигитален од годинешниот: родителите нема да трчаат да ги скенираат свидетелствата, тие дигитално ќе се преземаат

Годинешното дигитално пријавување во средните училишта значеше само повеќе мака и ангажман на родителите во споредба со претходните уписи. Иако...

Македонија16 часа

(Видео) Мицкоски: Не прифаќаме наметнувања под маска на европскиот процес

Не прифаќаме наметнувања под маска на европскиот процес, изјави премиерот Христијан Мицкоски, на заедничката прес – конференција со еврокомесарката за...

Топ19 часа

Го удрил со тупаница докторот што му давал лекарска помош, а потоа тепал и полицајци: предложен притвор за 28-годишник

Основното јавно обвинителство Битола поведе постапка против едно лице за кое постои основано сомнение дека сторило дело – Напад врз...

Македонија21 час

Арсовска со отворено писмо до Михалис Рокас: Во секоја држава има мафија, само во Македонија мафијата си има своја држава

Градоначалничката на Град Скопје, Данела Арсовска упати отворено писмо до Михалис Рокас, Амбасадор на Европската Унија во Македонија. „Почитуван господин...

Свет21 час

Трамп остро му одговори на Маск: Без субвенции, би се вратил дома, во Јужна Африка

Американскиот претседател Доналд Трамп повторно јавно го нападна Илон Маск, тврдејќи дека без владини субвенции, шефот на „Тесла“, „Спејс Екс“...

Свет21 час

Маск жестоко го нападна законот на Трамп: „Ќе изгубат, дури и ако ми е последно“

По објавувањето на неговото повлекување од политичкиот свет, милијардерот и основач на Тесла, Илон Маск, речиси веднаш се врати во...

Свет22 часа

Трамп потпиша укинување на санкциите против Сирија

Американскиот претседател Доналд Трамп вчера потпиша извршна наредба со која се укинуваат санкциите на САД врз Сирија, со што се...

Свет22 часа

Палестинците во Газа протестираа со фотографии од убиени израелски деца

Група Палестинци во Појасот Газа покажаа слики од израелски деца убиени од Хамас на 7 октомври 2023 година, за време...

Македонија1 ден

Мицкоски-Кос: нагласена определбата на Владата за интеграција во ЕУ, достоинствено и преку спроведување на суштински реформи

Премиерот Христијан Мицкоски, денес во Скопје оствари средба со еврокомесарката за проширување и добрососедска политика, Марта Кос, која престојува во...

Македонија1 ден

Достапни се лековите за третман на онколошки заболувања, сите пациенти ја добиваат потребната терапија, вели директорот

Од Клиниката за радиотерапија и онкологија информираат дека сите пациенти ја добиваат потребната терапија и дека се достапни лековите за...

Македонија2 дена

Нема повредени лица во запалениот глисер во Охридското Езеро

Денеска во 10,30 часот, во полициската станица за граничен надзор „Охридско езеро“, пријавено е дека на пловен објект глисер кој...

Македонија2 дена

(Видео) Филипче: Македонија заложник на туѓи агенди – ЕУ алармира на влијание од Србија, Унгарија, Русија и Кина

СДСМ од првиот ден предупредуваше дека Владата на ВМРО ДПМНЕ ја става државата во заложништво на други држави – наместо...

Македонија2 дена

Директор и вработени во Општината и во Министерството пустошеле во Националниот парк Маврово, заработиле над 3 милиони денари

Полицијата поднесе кривична пријава за вработен во Општина Маврово Ростуше, директор во ЈУ Национален парк Маврово, раководител на одделение за одржливо...

Македонија2 дена

Пожар на глисер во Охрид

Утрово се запали глисер во Студенчишкиот Канал во Охрид. Според првичните информации, пламенот се појавил кога сопственикот го стартувал моторот,...

Македонија2 дена

Муртезани: 150 институции и над 800 експерти ќе учествуваат во подготовката на преговарачките позиции со ЕУ

Пред една година започнавме со јасна цел: да ѝ дадеме нов импулс на европската агенда на земјава. Денес, по 12...

Македонија2 дена

Опасен пожар во близина на границата со Грција: се слуша пукање од муниција, постои опасност од неоткопани гранати

Пожар се шири во близина на границата со Грција. Од Центарот за управување со кризи велат дека пожарот се развива на...

Македонија2 дена

Латас го спомена таткото на Костадин Костадинов, па доби закана: „Цела фамилија те чекаме, со наш суд“

Навреди и закани помеѓу Драган Павловиќ-Латас и струмичкиот градоначалник од СДСМ, Костдин Костадинов, откога новинарот во јавно излагање на поткаст...