Пејачката Тејлор Свифт (30) призна дека мајка ѝ Андреа се соочува со тешка дијагноза, пишува „Пипл“. Во интервју за „Варајети“, Тејлор рече дека мајка ѝ има тумор на мозокот и почнала да се лекува.

„Секој ја сака својата мајка, мајката е важна за сите. За мене, таа е извор на сила. Очигледно тогаш голема работа е воопшто да се зборува за нејзината болест. Таа оди на хемотерапија и тоа е доволно тешко за една личност. Вторпат ѝ се појавува тумор на мозокот. Ова е навистина тешко време за целото семејство“, рече Тејлор.

Поради болеста на мајка ѝ, Свифт има кус распоред на турнеи оваа година по објавувањето на новиот албум Lover. Таа објасни дека поради сегашната состојба, сака да помине што е можно помалку време на пат.

„Не знам што ќе се случи. Не знаеме кој третман да се избере. Ракот на мајка ми е вистински проблем. Порано бев толку загрижена за секојдневните подеми и падови. Сега сите мои грижи, стрес и молитви ги насочувам само на вистинските проблеми“, заклучи Тејлор.

Моника Белучи годинава ќе наполни 56 години, но и натаму е на врвот на листата со најубави жени во светот. Италијанската актерка со години е поддржувач на кампањата „Сидакшн“, со која  од 1994 година се подига свеста за сидата.

Во склоп на акцијата редовно се организираат добротворни вечери на кои се собираат пари за лекување и истражување на оваа болест.

Моника уште еднаш ја изрази својата поддршка присуствувајќи на гала-вечерата организирана во прекрасниот павилјон „Камбон Капусинс“ сместен во срцето на Париз.

Познатата актерка носеше црн фустан и уште еднаш докажа колку вистина има во старата изрека, која вели дека помалку е повеќе.

Таа веќе две години е во врска со 19 години помладиот Николас Лефвр, со кого живее во Париз.

Метеоролозите во Јужна Флорида во вторникот попладне објавија дека неверојатниот студ може да предизвика игуани да паѓаат од дрвјата, а потоа токму тоа и се случи.

„Ова сигурно не е обичен ден на Флорида. Ве предупредуваме, очекувајте ’дожд од игуани’!“, порачаа експертите.

И навистина, по оваа објава, тела на игуани лежеле расфрлани по земјата како да паднале од небо.

Всушност, во услови на постудено време игуаните едноставно престануваат да се движат. Тие стануваат неподвижни и поради тоа не можат добро да се држат на гранките.

Овие животни добиваат привремена парализа кога температурата ќе падне под 10 степени.

Биолозите им порачаа на жителите на Флорида да не се грижат затоа што игуаните ќе се разбудат веднаш штом ќе се стопли.