Кејт, војвотката од Кембриџ и принцот Вилијам ќе им се придружат на принцот Чарлс и Камила, војвотката од Корнвол, во редок заеднички ангажман полн со филмски ѕвезди.

Четворицата членови на кралското семејство следната недела ќе продефилираат на црвениот тепих во Ројал Алберт Хол и ќе присуствуваат на светската премиера на No Time To Die („Не е време за умирање“), новиот филм во серијалот за најпознатиот таен агент 007.

Најновиот и долгоочекуван филм  ќе дебитира во лондонскиот Ројал Алберт Хол на 28 септември.

Насловната песна за филмот ја напиша и ја пее Били Ајлиш.

На премиерата, кралското семејство ќе се сретнат со режисерот Кери Џоџи Фукунага и актерската екипа, вклучувајќи ги Даниел Крег, Рами Малек, Леа Сејду и Лашана Линч.

Исто така, ќе бидат пречекани од сценаристите Нил Пурвис, Роберт Вејд, Фиби Волер Бриџ и изведувачите Били Ајлиш и Финиес О’Конел.

Кралското присуство на премиерата на 25. филм за Бонд, а последен во кој Крег ја има улогата на тајниот агент 007, се вклопува во добротворната работа на кралското семејство.

Британската, воедно и светската премиера, всушност ќе биде од корист за добротворни организации кои ги поддржуваат поранешните и сегашните припадници на МИ5, МИ6, ГХХК и специјалните сили на Велика Британија.

Здравствените работници и припадниците на вооружените сили, исто така, се поканети да присуствуваат на ѕвездениот настан.

Кејт, принцот Вилијам и принцот Хари на премиерата на Spectre во 2015 година

Некогашниот омилен холивудски пар Бред Пит и Анџелина Џоли постигнаа договор што отвора врата за Џоли да го продаде својот удел во винаријата вредна 164 милиони долари, но некои медиуми предупредуваат дека неодамнешна тужба на Пит става пречки на патот.

Џоли и Пит се согласуваат со одлуката за укинување на „стандардната привремена мерка забрана за пристап“ на нивниот заеднички имот, која беше донесена во текот на бракоразводната постапка.

Ова му овозможува на поранешниот пар да продава имот стекнат во периодот на нивниот двегодишен брак, што навидум ја отвора вратата за Џоли да ги продаде своите 50% од акциите на замокот-винарница Шато Миравал во јужна Франција.

Но, претходно оваа недела Бред поднесе тужба со која ја обвини Џоли за „одмазднички план“ да ги продаде нејзините акции, заобиколувајќи го неговото право на прво одбивање и да профитира од „макотрпната работа, време и пари“ инвестирани од страна на актерот и неговите бизнис-партнери, според ексклузивните правни документи до кои дојде „Дејли мејл“.

Замокот Миравал е проценет на 164 милиони долари (140 милиони евра).

Режисерот Роџер Мичел, најпознат по филмовите „Нотинг Хил“, „Венера“ и „Мојата братучетка Рејчел“, почина на 66-годишна возраст.

„Семејството на Роџер со голема тага ја сподели веста за смртта на режисерот, писател, татко на Хари, Меги, Роузи и Спероу“, потврди публицистот на Мичел. Причината за смртта не беше наведена.

Најпознатиот филм на Мичел, „Нотинг Хил“, романтична комедија од 1999 што ја напиша Ричард Кертис, а во која глумат Џулија Робертс и Хју Грант, имаше голем успех во светски рамки, со три номинации за „Златен глобус“.

Работеше и на филмовите „Кобно престројување“ (Changing Lanes) од 2002 година со Бен Афлек и Семјуел Џексон, потоа работеше на „Венера“ (Venus) со Питер О’Тул, и две продукции во кои глумеше Даниел Крег – Мother и Enduring Love.

Мичел преговараше за режирање на филмот за Џејмс Бонд во 2006 година, но се откажа, исто како и од филмот „Мандолинaта на капетан Корели“ поради закрепнување од срцев удар.

Роден во Јужна Африка и школуван во Кембриџ, Мичел ја започна својата кариера во театар како помошник режисер.

Ненадејната смрт на Мичел предизвика шок во филмската индустрија. Пред три недели преговараше за работа на нов документарен филм, пишува „Гардијан“.