Забава
Вазна купена за 56 долари, на аукција продадена за девет милиони долари
Заборавената вазна, купена пред многу време за 56 долари, беше продадена на аукција во Хонгконг за девет милиони долари, откако беше откриена во домот на една постара жена во Европа.
Вазната, која реномираната аукциска куќа „Сотби“ ја опиша како „изгубено ремек-дело“, е редок примерок од 18 век и стоела 50 години во куќа во централна Европа опкружена со мачки и кучиња, пренесува „Вечерњи лист“.
Необичната вазна на која може да се види сино-бел порцелан низ мрежестата структура на порцеланот е направена за царот Квианлонг, кој владеел со Кина повеќе од 60 години.
„Зачудувачки е што оваа исклучително кревка вазна преживеала половина век во куќа опкружена со безброј миленичиња“, рече Николас Чоу, вработен во „Сотби“ за Азија.
Вазната е само една од неколкуте слични на светот, направени од 1742 до 1743 година. Се верува дека сопственичката ја наследила.
Таа ги повикала проценителите да ја разгледаат нејзината кинеска колекција. Експертите на Сотби откриле запис за неа во архивите на забранетиот град во Пекинг. Вазната се наоѓала во царската Палата на небесната чистота и императорот ја ценел поради нејзиниот дизајн. Аукциската куќа не откри во која европска земја е откриена, пишува Вечерњи лист.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Весна Петрушевска соопшти дека се бори со рак на дојка (ВИДЕО)
„Мојата дијагноза е од средината на април оваа година. Се работи за рак на дојка, имав две операции“, раскажува Весна Петрушевска во видео споделено на Инстаграм.
„Кога ќе ви кажат дека ви дијагностицирале, прво што ви паѓа на памет е дека вашето време е одбројано. Јас се обидов тоа да не го кажувам, иако дијагнозата ми е од средината на април. Тоа не можеше да се забележи, бидејќи ја имав појавувања“, додаде Петрушевска.
„Имам рак, па што – живејте си го животот, еден е“, стои во описот на објавата.
View this post on Instagram
Забава
Луѓето се шокираа од изгледот на Адријана Лима: „Претерала со ботоксот“
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.