Забава
(Видео) Де Ниро ќе ја репризира улогата на таксист – но во реклама за „Убер“

Роберт де Ниро наводно ќе го оживее својот лик од класикот „Таксист“ во нова рекламна кампања за „Убер“.
Холивудскиот ветеран го глумеше проблематичниот таксист Тревис Бикл во крими-драмата на Мартин Скорсезе од 1976 година – улога што му донесе номинација за „Оскар“ за најдобар актер – а сега некои медиуми навестуваат дека тој повторно ќе застане зад воланот како заштитно лице на такси-компанијата „Убер“.
Извор за весникот „Сан“ изјави: „Тоа е одлична идеја, ‘Таксист’ е еден од најкултните филмови на сите времиња.“
Весникот известува дека рекламите моментно се снимаат во Лондон и Де Ниро – кој и претходно снимал рекламни кампањи за брендови (Warburton’s bread, Santander bank, American Express, Kia) – ќе ја користи својата позната реплика од филмот: „Мене ми зборуваш?“ (You talkin’ to me?).
„Многу луѓе чувствуваат дека некои од овие класици се неговото најдобро дело, а пријавата за рекламата постепено се распродава, но очигледно тој имал многу скап приватен живот. Тој ќе биде Тревис Бикл, ќе повтори неколку фрази од филмот и ќе внесе малку хумор,“ додава инсајдерот.
„Неговите претходни реклами покажаа дека нема проблем да се исмева себеси“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Вечерва се одржува главната вечер на Таксират фестивал

Вечерва во Скопје се одржува Главната вечер на Таксират фестивал, а токму со овој настан официјално ќе биде затворено јубилејното 25-то издание на македонскиот најпосетен алтернативен музички фестивал. Во финалниот настан на јубилејниот ТАКСИРАТ кој ќе се одржува во Арената „Борис Трајковски“, публиката ќе има прилика да ужива во повеќе од 10 концерти и настапи кои паралелно ќе се одвиваат на три бини, а на кои ќе се претстават безмалку 20 музички изведувачи.
Главната вечер годинава ги собира Таксират резидентите, имињата потпишани зад најмасовните концерти, артистите кои дефинираа жанрови, но и станаа белег на „Таксират“ или уште поважно, музичката екипа која во моменти одигра значајна улога во опстојувањето на фестивалот. Покрај нив, скопската Арена „Борис Трајковски“ вечерва е збирно место и на новата генерација, актуелниот бунтовен звук, но и светската алтернативна, транскултурна електронска сцена. Во листата со изведувачи се: македонскиот маестрален музички уметник Кирил Џајковски, „Даб Ефекс“ од Австралија, „Ејсид Араб“ од Франција, но и најуспешниот регионален состав „Дубиоза Колектив“, како и популарните „С.А.Р.С.“, Страјк, „Смат“, „Лет 3“ и други.
Влезот за посетителите ќе биде отвроен во 19:30 часот, a почетокот на програмата е во 20:30 часот.
Забава
(Видео) Венеција: Гондола се преврте поради туристи кои одбиле да седнат и да престанат да прават селфи

Група туристи паднала во канал во Венеција кога гондолата со која се возеле се превртела откако не ги послушале наредбите да престанат да прават селфи и да седнат.
Во матната и студена вода завршил и гондолиерот кој се обидувал да маневрира додека пловел со чамецот под мостот кај плоштадот Свети Марко.
Според извештаите на локалниот печат, групата од Кина се возела во гондола и правела селфи кога се случил инцидентот.
Маневарот на гондолиерот под мостот барал максимален баланс на тежината на чамецот, но патниците ги игнорирале неговите наредби да седнат и наместо тоа продолжиле да стануваат и да фотографираат, поради што гондолата се превртела, пишува Гардијан.
Забава
(Видео) Џенифер Лопез во фустан кој ги натера сите погледи да бидат вперени кон неа

Џенифер Лопез прошета на црвениот тепих на доделувањето на наградите на магазинот Elle, а токму поради футуристичкото издание беше една од оние чиј аутфит привлече најголемо внимание.
Jennifer Lopez and Ben Affleck at ELLE’s Women in Hollywood event. pic.twitter.com/xa8yE6MLg9
— Bennifer Updates (@BenniferUpdates) December 6, 2023
Наградуваната пејачка и актерка заедно со нејзиниот сопруг Бен Афлек пристигнаа на доделувањето на наградите „Жени во Холивуд“ на списанието Elle што се одржа во Лос Анџелес.
Jennifer Lopez and Ben Affleck attend ELLE’s Women in Hollywood event. pic.twitter.com/FeLGzAYVQm
— Bennifer Updates (@BenniferUpdates) December 6, 2023
На настанот Лопез носеше долг фустан кој беше составен од две парчиња – сребрен хромиран дел кој и ги покриваше градите и класичен долен дел со изрез позади.
Футуристичкиот горен дел на модното издание бараше актерката да се појави без , а градник, истовремено покажувајќи ја својата гола половина.
Впечатливиот фустан го спои со црни чевли на платформа.
Изгледот го комплетираше со висечки обетки, а косата и беше крената во пунџа. Афлек беше облечен во класичен црн костум и вратоврска.
Познатиот пар, кој се венча во август 2022 година, сподели и бакнеж на црвениот тепих.