Кристијан Бејл би бил среќен да има улога во позадина во филмската сага „Војна на ѕвездите“.

48-годишниот актер очајно сака да се појави во серијалот веќе неколку години, па дури и би бил среќен само да глуми маскиран јуришник без реплики, па би се чувствувал неверојатно среќен ако му понудат каква било улога.

Во интервју за „Холивуд репортер, тој вели: „Се што сакав во ‘Војна на ѕвездите’ беше да бидам во облека на „Војна на ѕвездите“ и да ја удирам главата во врата или нешто слично додека поминувам.“

„Луѓето кои многу пати го гледале овој серијал знаат за онаа сцена каде што Стормтрупер удира со главата во вратата додека влегува. Сакав да бидам тој човек. Тоа беше тоа.“

Супермоделот Емили Ратајковски го коментираше новиот филм за животот на холивудската актерка Мерлин Монро, „Русокоса“ (Blonde).

Во видеото објавено на „Тик-ток“, манекенката и актерка вели дека не е изненадена што објавен е уште еден филм кој прави фетиш од болката на жените, дури и кога тие се мртви.

„Општеството е опседнато со жени како Ејми Вајнхаус, Бритни Спирс и принцезата Дијана,“ вели таа, како што пренесува „Пејџ сикс“.

„Сите ние всушност правиме фетиш од женската болка. Опседнати сме со мртви девојки и сериски убијци. Можам слободно да кажам дека научив да ја глорифицирам болката во мојот живот.“

Инаку, новиот филм за легендарната Монро, кој почна да се емитува на „Нетфликс“ пред неколку дена, не ја воодушеви публиката. Имено, филмот не ја прикажува вистинската Мерлин и не се работи за нејзината вистинска биографија, туку за роман фикција на писателката Џојс Керол Оутс.

Авторката на книгата го опиша филмот како феминистички проект кој има за цел да поттикне дискусија меѓу современата публика.

Начинот на кој Кенеди се однесувал со Мерлин Монро не е различен од начинот на кој многу моќни мажи, особено во Вашингтон, ги третираат сите жени освен нивните сопруги“, изјави Оутс за „Венити фер Франс“.

На Инстаграм профилите на британското кралско семејство е објавен нов официјален портрет на кралот Чарлс и кралицата Камила со принцот и принцезата од Велс, Вилијам и Кејт.

Портретот е направен во Бакингемската палата ден пред погребот на кралицата Елизабета.

„Нивното височество кралот и кралицата со нивното кралско височество, принцот и принцезата од Велс. Фотографиран во Бакингемската палата на 18 септември, од фотографот Крис Џексон“, стои во описот на сликата, која за помалку од 24 часа по објавувањето имаше повеќе од 700 илјади лајкови на Инстаграм.

На фотографијата двата пара изгледаат опуштено, насмеани, а кралот ја има раката во џеб. Неколку моменти откако беше направена оваа фотографија, тие одржаа прием за светските лидери кои дојдоа во Лондон на погребот. Зад нив е портретот на Џорџ III, кој ја купил Бакингемската палата со намера да го направи негово повлекување.

„Сликата сугерира дека се уште може да има моменти кога кралското семејство може да се повлече од должноста“, пишуваат британските медиуми и додаваат дека ова е фотографија која го симболизира почетокот на владеењето на Чарлс.