Забава
(Видео) На модна ревија во Милано манекенките гаѓани со јајца и ѓубре, една од нив се лизна
![](https://makfax.com.mk/wp-content/uploads/2024/03/manekenki-gjubre-revija.jpg)
За време на Модната недела во Милано се одржа ревија на револуционерниот бренд AVAVAV, познат по своите бизарни ревии. Овој пат отидоа чекор понатаму и приредија шоу, на кое публиката фрлаше супа, јајца, кори од банана и ѓубре по манекенките.
Како што манекенките излегуваа, на екраните беа прикажани пораки од тролови што ги добила дизајнерката Беате Карлсон, и иако публиката првично се двоумеше да ги таргетира моделите, како што одминуваше шоуто, сè повеќе од нив се приклучија во процесот. На пистата имаше сè повеќе и повеќе ѓубре, а една манекенка се лизна.
Models have TRASH and SOUP thrown on them as they walk the catwalk for a show at Milan Fashion Week.
At the catwalk gets littered with trash, one model slips over.
Designer brand AVAVAV has developed a reputation for putting on bizarre shows each fashion week. pic.twitter.com/X94ZlQ9yCG
— Oli London (@OliLondonTV) February 26, 2024
На самиот крај на ревијата дизајнерката Беате Карлсон излезе и ѝ се поклони на публиката, а потоа сопругот на извршната директорка на брендот ја удри со пита по лицето.
Ревијата привлече големо внимание на социјалните мрежи, а не недостигаа и смешни коментари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Хороскопски знаци што не избираат зборови кога се расправаат
![](https://makfax.com.mk/wp-content/uploads/2024/07/lutina.jpg)
Зборовите можат да бидат сурово оружје, а луѓето родени под овие хороскопски знаци намерно ќе ги повредат другите за да се одбранат или да ја покажат својата супериорност.
Шкорпија
Кога Шкорпиите се лутат, нивната способност да ги користат зборовите како оружје станува застрашувачка. Не само што ќе го кажат тоа што го мислат, туку ќе го кажат на начин што ќе ве погоди право во срце. Кога се чувствуваат повредени или изневерени, нивната потреба за одмазда може да ги наведе да користат зборови кои најмногу ќе повредат.
Тие се мајстори за сарказам и иронија, а нивната способност да ги користат овие алатки во расправии ги прави исклучително остри и навредливи. Кога се чувствуваат нападнати, нивната природна реакција е да се бранат со напад. Тие можат брзо да ги идентификуваат слабостите на другите луѓе и да ги користат против нив, што ги прави многу опасни во вербалните препукувања.
Овен
Овните се карактеризираат со бестрашна природа и непоколеблива решителност. Кога ќе се налутат, нивниот огнен темперамент и склоност кон брзо дејствување може да ги наведат да кажуваат работи без да размислуваат за последиците. Тие ќе кажат што мислат, без разлика колку нивните зборови можат да ги повредат другите.
Тие се познати по нивната импулсивност. Реагираат брзо и често без размислување, што може да резултира со груби и навредливи зборови. Тие не сакаат да губат; кога се чувствуваат загрозени или нападнати, нивната реакција е да возвратат со сите средства, вклучително и вербални напади. Исто така, Овните се многу искрени. Тие веруваат дека е подобро да се каже вистината, колку и да е болна, отколку да се задржуваат чувствата. Нивната искреност може да биде груба и навредлива за другите.
Близнаци
Кога Близнаците се лути, тие намерно ги користат зборовите како најсилно оружје. Можат да бидат многу груби со своите зборови кон другите, често без значење, но со голем ефект. Тие се многу паметни и можат да излезат со навредливи коментари за миг. Нивната способност за брзо реагирање ги прави многу опасни во вербалните препукувања.
Тие се мајстори за двосмисленост и можат да ги користат зборовите на начин што има повеќекратни значења. Понекогаш нема ни да знаете дека нивните навреди се маскирани како шеги.
Забава
Анџелина Џоли не се согласува со татка си за Палестинците: „Таа е под влијание на антисемитисти“
![](https://makfax.com.mk/wp-content/uploads/2024/07/dzoli-tatko.jpg)
Во новото интервју американскиот актер Џон Војт ја нападна својата ќерка Анџелина Џоли, која постојано му изразува поддршка на народот на Палестина.
„Таа е изложена на пропаганда. Таа е под влијание на антисемитистите“, изјави тој за списанието „Варајати“. Тој понатаму тврди дека вистинските информации не ѝ се достапни бидејќи луѓето во Холивуд не зборуваат за тоа.
„Тие се целосно исклучени. Тие немаат поим што се случува“, рече тој.
Изјави и дека ја сака ќерка си и не сака да се расправа со неа.
„Таа беше под влијание на ОН. Од почетокот тоа беше ужасна ситуација кога станува збор за човековите права. Тие тоа го нарекуваат човекови права, но тоа е само антиизраелско плукање“, рече тој.
Изрази разочараност што ќерка му, како што рече, не разбира дека целта на Хамас е уништување на земјата на Евреите.
Анџелина минатата година на „Инстаграм“ изјави дека терористичкиот напад на Хамас врз Израел не може да биде оправдување за изгубените животи во бомбардирањето на цивилите во Газа.
„Ова е целно бомбардирање на заробено население, кое нема каде да избега. Газа е затвор на отворено речиси две децении и бргу станува масовна гробница, а 40 отсто од убиените се деца“, напиша таа.
Забава
Актерката Ања Тејлор-Џој е најубавата жена на светот според златниот пресек
![](https://makfax.com.mk/wp-content/uploads/2024/07/anja-tejlor-2.jpg)
Новото истражување покажа дека американската актерка Ања Тејлор-Џој е најубавата жена на светот според златниот пресек.
Нејзината убавина била проценета со помош на античкиот грчки метод за сметање наречен златен пресек.
Сметањето го одредува физичкото совршенство на една личност. Колку лицето е поблиску до соодносот 1:1, 618, толку личноста е посовршена.
Нејзините очи, веѓи, носот, усните, вилицата и обликот на лицето се измерени и се најблиску до идејата на старите Грци за жена со совршен изглед. Последното испитување го направи хирургот Џулијан де Силва.
Ања го зазеде првото место со резултат од 94,66 проценти. На листата се најдоа и Зендаја (94,37 отсто), Бела Хадид (94,35 отсто), Маргот Роби (93,43 отсто).
„Ања Тејлор-Џој беше јасен победник откога беа измерени сите делови на лицето за да се утврди физичкото совршенство“, рече Де Силва.
Ања е родена 1996 година. Почна да глуми во 2013. Светската слава ја стекна благодарение на серијата на „Нетфликс“, The Queen’s Gambit. Таа глуми и во филмовите Furiosa: A Mad Max Saga, The Super Mario Bros. Movie, како и серијата Peaky Blinders.