Инструменталната композиција „Вулкан“, дело на кларинетистот Благојче Трајковски, каде што солистички заедно го изведуваат со трубачот Џамбо Агушев и светски познатиот гитарист од Бугарија Ангел Демирев беше промовирана со видеозапис.

-„Вулкан“ е една многу ведра, лесна и брза композиција каде што секој од инструменталистите остава по еден свој значителен белег. Благодарен сум на Димитар Христов за посебната енергија во аранжерското обликување. Џамбо ми е брат по музика и секое музицирање со него, за мене е посебно задоволство, вели Трајковски.

Како инструменталисти во „Вулкан“ се појавуваат и Иван Кукиќ на бас, Благоја Антовски на ударни инструменти, Ратко Даутовски на перкусии и Петар Миланов на гитара.

Дел од аудио снимката се работеше во студиото на Алекс Нушев во Софија, а дел во студиото на Дејан Момироски во Скопје. Комплетната аудио продукција и мастерингот го направи Дејан Момироски, а видео записот го потпишуваат Бојан Тасетовиќ и Дејан Наумовски од Веста Продукција.

Благојче и Џамбо, преку нивната заедничка работа во последните неколку години докажаа дека се еден од најдобрите тандеми на Балканската инструментална музичка сцена. За ова парче музика работат со вонсериска музичка екипа, па оттука можеме да кажеме дека сме повеќе од сигурни дека ќе имаме нов инструментален Балкански хит.

Колумбиската наркокралица Гризелда Бланко ќе добие своја приказна благодарение на новата серија на „Нетфликс“.

Софија Вергара ќе ја потретира Гризелда, а зад проектот стои креаторот на „Наркос“, Ерик Њуман. Дејството на серијата ја следи снаодливата колумбиска претприемачка Гризелда Бланко, која создаде еден од најпрофитабилните картели во историјата. Згора на сè, таа беше и грижлива мајка, а смртоносната комбинација на шарм и дивјаштво ѝ помогна вешто да ги балансира семејството и работата.

Во описот на серијата стои: „Таа е посветена мајка. Фаталниот микс на шарм и дивјаштво ѝ помогна да го најде патот меѓу семејството и работата поради што стана нашироко позната како кума“.

Проектот се развива веќе осум години, пренесуваат медиумите. Колумбискиот режисер Андрес Баиз ќе ги режира сите шест епизоди.

Ова е и проект од соништата на Вергара, која извлече максимум од него, а Њуман тврди дека овој пат докажала колку е исклучително талентирана.

Викторија Бекам се враќа на деновите од „Спајс грлс“ во мал црн мини фустан додека им се придружува на родителите и сопругот Дејвид Бекам на неговата нова суперјахта вредна 5 милиони фунти, а која го доби името Seven по бројот на неговиот дрес во Мајами.

На модната дизајнерка (47) и фудбалскиот ас (46) им се придружија нејзините родители Ентони и Џеки Адамс на бродот долг 93,5 метри додека се подготвуваа да испловат од местото каде што беше закотвен во Мајами.

И славните домаќини се чини дека добро се снаоѓаат додека ги служат гостите со пијалаци на сребрен послужавник пред да тргнат на мини крстарење по зајдисонце на бродот произведен во Италија.

Минатиот месец беше објавено дека Дејвид се почестил со луксузниот брод во кој помогнал да се дизајнира по инспирацијата од поморските излети со Елтон Џон и Дејвид Фурниш, кои често летуваат на море.

Извор откри за весникот „Сан“ дека Дејвид разгледувал некои јахти летово и решил да се почести. Тој самиот помогнал во дизајнирањето на пловилото.

„Не е мегајахта во стил на олигарх, но е прилично добра. Дејвид доби инспирација по одморот со Елтон Џон и Фурниш на нивниот брод – и го засака животот на вода“.

„Ќе има простор за нуркање на децата, а бродот ќе биде одлична основа за целиот клан Бекамови за магични одмори во странство“.