Ел Фенинг веќе има импресивна кариера на 22-годишна возраст со филмските хитови Mary Schelley, Maleficient и The Beguiled.

А сега, помладата сестра на Дакота Фенинг се појави на октомвриската насловна страница на „Венити феар“ за да разговара за драмската серија „Великата“ во која таа ја глуми руската царица Катерина.

Во интервјуто, sвездата открива колку е воодушевена што ја добила можноста да биде Катерина бидејќи ѝ се восхитува. „Вистинската Катерина Велика била сексуално многу слободна и луѓето заради тоа ја отфрлиле“, сподели Фенинг.

Ел Фенинг открива дека обожава да ја глуми руската владетелка и додава дека сексот е голем дел од серијата.

„Во серијата има многу секс, и јас бев возбудена што ја истражував таа страна на работата“.

„Лично, сакам да бидам гола. Јас одам гола речиси цело време. Тоа е дел од животот!“ вели таа во интервјуто.

Марк Чепмен, човекот што го уби Џон Ленон, ѝ се извини на вдовицата на покојниот „битлс“, Јоко Оно, 40 години по неговата смрт.

Чепмен го застрела легендарниот музичар четири пати пред неговиот стан на Менхетн, Њујорк, пред очите на Оно, на 8 декември 1980 година.

На сослушувањето минатиот месец единаесетти пат му беше одбиено барањето за условно пуштање од затвор и тој ќе остане зад решетки уште најмалку две години кога повторно ќе има право да бара условна казна.

Тој додал дека цело време размислува за одвратниот чин, како што рекол, и прифаќа да го помине остатокот од својот живот во затвор, пренесува Би-би-си.

За време на сослушувањето, Чепмен изјавил дека го убил 40-годишниот Ленон за слава и дека заслужува смртна казна.

„Повторувам дека жалам за мојот злостор“, рече Чепмен пред одборот за условно ослободување. „Немам оправдување. Тоа беше за слава. Мислам дека тоа е најлошиот злостор што може да му се направи на некој што е невин. Тој беше икона“.

Чепмен (65) издржува доживотен затвор бидејќи ја уби ѕвездата на легендарните „Битлси“.

Отуѓената сопруга на познатиот телевизиски водител Лари Кинг, Шон, поднесе документи во суд со кои бара привремена сопружничка поддршка од него во висина од 33.100 долари месечно, во услови на турбулентен и долг развод.

Шон Кинг (60) во судските документи тврди дека нема никаков приход и сака Лари (86) да ѝ плаќа ретроактивно од август 2019 година, кога тој поднесе барање за развод, објави порталот ТМЗ во понеделникот.

Во документите е наведено дека таа се откажала од профитабилни работни места како ТВ-домаќин и манекенство за да биде дома и да ги воспитува нивните деца, и дека била финансиски зависна од поранешниот водител на Си-ен-ен во текот на нивниот 22-годишен брак.

Шон понатаму тврди дека Лари заработува повеќе од 1,9 милиони долари годишно од реклами. Таа го спомнува и неодамна потпишаниот договор  вреден 5 милиони долари како водител на поткаст „Милионското прашање“.