Кејтлин Џенер (70) е ангажирана во ново реално шоу и со оглед на тоа што со години учествуваше во шоуто „Keeping Up With The Kardashians“, тоа не би требало да претставува голем проблем за неа.

Сепак, од снимањето на шоуто со тогашната сопруга Крис Џенер (64) и други членови на семејството многу работи се променија. Таа веќе не е Брус Џенер, таткото на Кендал и Кајли Џенер, туку го смени полот и стана Кејтлин. Поради тоа, дури и нејзиното семејство ја замрази.

Тие не ѝ забележале поради тоа што одлучила да го смени полот, туку затоа што не им кажала дека се подложила на некои интервенции. Големите обожаватели на ова реално шоу и сега сметаат дека таа не требала да го стори тоа, и се чини дека сето тоа на Кејтлин ѝ дошло преку глава.

Така таа се сели во Австралија за да учествува во шоуто „I’m A Celebrity… Get Me Out of Here“. Се зборува дека ќе добие значителна сума заради тоа, односно дека ѝ платиле околу 640 000 американски долари за да влезе во шоуто.

„Доста ѝ е од Америка. Таму ја осудуваат. Ако ѝ се понудеше да учествува во тоа шоу во Америка, таа немаше да се согласи“, рече нејзината пријателка Пем Бехан, која истовремено беше и дадилка на нејзините деца. Друга потенцијална причина поради која таа оди во шоуто е за да биде повеќе почитувана од семејството.

Кејтлин неодамна ѝ го честиташе роденденот на поранешната сопруга Крис, но таа целосно ја игнорираше.

„Ал Пачино и Роберт Де Ниро имаат магичен однос“, оцени култниот режисер Мартин Скорсезе пред објавувањето на неговиот последен филм “The Irishman” („Ирецот“) на интернет, каде на сцена е легендарното актерско дуо.

„Тоа што се гледа на филмот е однос на актерите, како и нивното пријателство кое трае 40 или 45 години“, рече Скорсезе, чиј многу очекуван филм за мафијата излеува онлајн на „Нетфликс“ на 27 ноември.

Филмот говори за поранешен мафијашки убиец, кого го игра Роберт Де Ниро, а кој размислува за својот живот полн со насилства и односот кон исчезнатиот поранешен лидер на синдикатот, кој го игра Пачино.

Славното актерско дуо играше во филмот „Кум, втор дел“ од 1974 година, како и во култниот „Врелина“ од 1995.

Оскаровецот Џон Војт, пејачката и музичарка Алисон Краус, и писателот на мистерии Џејмс Патерсон се меѓу уметниците и филантропите кои претседателот Доналд Трамп ги одликува за нивниот придонес во уметноста или хуманистиката.

Тие се меѓу првите добитници на престижните национални медали откако Трамп ја презеде функцијата претседател.

Во соопштение за медиуми, Белата куќа во недела вечерта ги објави имињата на четворица добитници на Националниот медал на уметности и четворица добитници на Медал на националните хуманистички науки. Војт е еден од ретките гласни поддржувачи на Трамп во Холивуд, за кого вели дека е „најголемиот претседател на векот.“

Трамп исто така им оддава почест на музичарите на американската војска, кои честопати присуствуваат на забавите и на други слични настани во Белата куќа.

Трамп ќе ги додели медалите за време на церемонија во Белата куќа во четврток.