Забава
(Видео) Сите луксузни вили на Новак Ѓоковиќ
![](https://makfax.com.mk/wp-content/uploads/2023/12/novak-22.jpg)
Најдобриот тенисер на светот, Новак Ѓоковиќ дел од парите од својата плодна кариера ги вложи во недвижнини, па ги има многу ширум светот, пишува „Б92“.
Новак Ѓоковиќ моментално се одмара со семејството во својата вила во Марбела која чини 10 милиони евра и е нивна сопственост од 2020 година.
Њујорк
Новак поседува два пентхауса во „Големото јаболко“, за кои платил 10 милиони долари. Тие се наоѓаат во населбата Сохо, а архитектот Ренцо Пијано ги дизајнирал така што зрачат со луксуз.
Мајами
Њујорк не е единственото место каде што Ѓоковиќ поседува недвижен имот, со оглед на тоа што светскиот рекет број еден си создаде оаза и во Мајами. Куќата е со големина од 35 хектари и има поглед на океанот. Бидејќи никогаш не сакале да живеат таму, го купиле имотот за 5 и го продале за 7,15 милиони.
Космај
Купиле куќа и на Космај која чини 2,9 милиони, но веднаш решиле да ја реновираат. Парцелата на која ја купиле куќата се простира на неколку хектари.
Херцег Нови
Новак Ѓоковиќ купи луксузен имот и во новоотворената населба Порто Нови за 10 милиони евра. Сигурно сте обрнале внимание каде семејството Ѓоковиќ ги поминува летните паузи меѓу турнирите, а најчесто тоа е токму во црногорската луксузна населба. Не е непознато дека Новак и Јелена за сите семејни веселби ја избираат Црна Гора, па често летуваат во овој комплекс.
Монако
Може да се каже дека Новак најмногу инвестирал во недвижнини во Монако. Тој има имот во Монте Карло, кој е свртен кон Средоземното Море. Не е познато колку точно пари вложил во него.
Белград
Тенисерот број еден во главниот град на Србија поседува пентхаус во луксузната населба Вест 65, кој го платил 545.000 евра. Една од работите што ја имаат во него е тераса од 100 метри квадратни со базен.
Павловачко езеро
Семејството Ѓоковиќ има и вила покрај Павловачкото езеро, во близина на Рума. Величествениот објект има 1.200 квадратни метри, а самиот имот е со големина од неколку хектари.
Откако се појави информацијата дека најдобриот тенисер на светот ја избрал оваа дестинација за инвестирање, цените на земјиштето пораснаа на овие простори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Хороскопски знаци што не избираат зборови кога се расправаат
![](https://makfax.com.mk/wp-content/uploads/2024/07/lutina.jpg)
Зборовите можат да бидат сурово оружје, а луѓето родени под овие хороскопски знаци намерно ќе ги повредат другите за да се одбранат или да ја покажат својата супериорност.
Шкорпија
Кога Шкорпиите се лутат, нивната способност да ги користат зборовите како оружје станува застрашувачка. Не само што ќе го кажат тоа што го мислат, туку ќе го кажат на начин што ќе ве погоди право во срце. Кога се чувствуваат повредени или изневерени, нивната потреба за одмазда може да ги наведе да користат зборови кои најмногу ќе повредат.
Тие се мајстори за сарказам и иронија, а нивната способност да ги користат овие алатки во расправии ги прави исклучително остри и навредливи. Кога се чувствуваат нападнати, нивната природна реакција е да се бранат со напад. Тие можат брзо да ги идентификуваат слабостите на другите луѓе и да ги користат против нив, што ги прави многу опасни во вербалните препукувања.
Овен
Овните се карактеризираат со бестрашна природа и непоколеблива решителност. Кога ќе се налутат, нивниот огнен темперамент и склоност кон брзо дејствување може да ги наведат да кажуваат работи без да размислуваат за последиците. Тие ќе кажат што мислат, без разлика колку нивните зборови можат да ги повредат другите.
Тие се познати по нивната импулсивност. Реагираат брзо и често без размислување, што може да резултира со груби и навредливи зборови. Тие не сакаат да губат; кога се чувствуваат загрозени или нападнати, нивната реакција е да возвратат со сите средства, вклучително и вербални напади. Исто така, Овните се многу искрени. Тие веруваат дека е подобро да се каже вистината, колку и да е болна, отколку да се задржуваат чувствата. Нивната искреност може да биде груба и навредлива за другите.
Близнаци
Кога Близнаците се лути, тие намерно ги користат зборовите како најсилно оружје. Можат да бидат многу груби со своите зборови кон другите, често без значење, но со голем ефект. Тие се многу паметни и можат да излезат со навредливи коментари за миг. Нивната способност за брзо реагирање ги прави многу опасни во вербалните препукувања.
Тие се мајстори за двосмисленост и можат да ги користат зборовите на начин што има повеќекратни значења. Понекогаш нема ни да знаете дека нивните навреди се маскирани како шеги.
Забава
Анџелина Џоли не се согласува со татка си за Палестинците: „Таа е под влијание на антисемитисти“
![](https://makfax.com.mk/wp-content/uploads/2024/07/dzoli-tatko.jpg)
Во новото интервју американскиот актер Џон Војт ја нападна својата ќерка Анџелина Џоли, која постојано му изразува поддршка на народот на Палестина.
„Таа е изложена на пропаганда. Таа е под влијание на антисемитистите“, изјави тој за списанието „Варајати“. Тој понатаму тврди дека вистинските информации не ѝ се достапни бидејќи луѓето во Холивуд не зборуваат за тоа.
„Тие се целосно исклучени. Тие немаат поим што се случува“, рече тој.
Изјави и дека ја сака ќерка си и не сака да се расправа со неа.
„Таа беше под влијание на ОН. Од почетокот тоа беше ужасна ситуација кога станува збор за човековите права. Тие тоа го нарекуваат човекови права, но тоа е само антиизраелско плукање“, рече тој.
Изрази разочараност што ќерка му, како што рече, не разбира дека целта на Хамас е уништување на земјата на Евреите.
Анџелина минатата година на „Инстаграм“ изјави дека терористичкиот напад на Хамас врз Израел не може да биде оправдување за изгубените животи во бомбардирањето на цивилите во Газа.
„Ова е целно бомбардирање на заробено население, кое нема каде да избега. Газа е затвор на отворено речиси две децении и бргу станува масовна гробница, а 40 отсто од убиените се деца“, напиша таа.
Забава
Актерката Ања Тејлор-Џој е најубавата жена на светот според златниот пресек
![](https://makfax.com.mk/wp-content/uploads/2024/07/anja-tejlor-2.jpg)
Новото истражување покажа дека американската актерка Ања Тејлор-Џој е најубавата жена на светот според златниот пресек.
Нејзината убавина била проценета со помош на античкиот грчки метод за сметање наречен златен пресек.
Сметањето го одредува физичкото совршенство на една личност. Колку лицето е поблиску до соодносот 1:1, 618, толку личноста е посовршена.
Нејзините очи, веѓи, носот, усните, вилицата и обликот на лицето се измерени и се најблиску до идејата на старите Грци за жена со совршен изглед. Последното испитување го направи хирургот Џулијан де Силва.
Ања го зазеде првото место со резултат од 94,66 проценти. На листата се најдоа и Зендаја (94,37 отсто), Бела Хадид (94,35 отсто), Маргот Роби (93,43 отсто).
„Ања Тејлор-Џој беше јасен победник откога беа измерени сите делови на лицето за да се утврди физичкото совршенство“, рече Де Силва.
Ања е родена 1996 година. Почна да глуми во 2013. Светската слава ја стекна благодарение на серијата на „Нетфликс“, The Queen’s Gambit. Таа глуми и во филмовите Furiosa: A Mad Max Saga, The Super Mario Bros. Movie, како и серијата Peaky Blinders.