(Видео) Славните ги напуштаат куќите, бегаат од пожарот во Лос Анџелес: „Се надевам дека сите ќе излезат безбедно“

Шумски пожар беснее во богат дел на Лос Анџелес уништувајќи домови и предизвикувајќи сообраќаен метеж, а 30.000 луѓе се евакуирани под огромните облаци чад, кој прекри голем дел од градот.

Пожарот го опустоши луксузниот кварт на Лос Анџелес, дом на многу познати личности, како Бен Афлек, Џене Аико, Том Хенкс, Мајлс Телер и други, пренесува „Дејли мејл“.

Холивудската ѕвезда Бен Афлек минатиот јули купи луксузна вила во вредност 20,5 милиони долари во овој дел.

Фотографите го фатија 52-годишниот актер како шокирано ја гледа огнената стихија. Тој се враќал во својот дом во моментот кога полицајците го блокирале преминот.

Актерската двојка Том Хенкс и Рита Вилсон поседуваат луксузна вила во Пацифик Палисадес, проценета на 26 милиони долари.

Актерот Мајлс Телер и неговата сопруга, манекенката Кели Спери, купија луксузна палата во март 2023 година за 7,5 милиони долари. Имотот од речиси 600 квадратни метри содржи пет спални соби, седум бањи и многу други пространи соби.

Во 2023 година аренби-пејачката Џене Аико купи вила за 5,6 милиони долари, која ја дели со своето момче, раперот Биг Шон. Куќата има пет спални соби и исто толку бањи.

Актерот Јуџин Леви, познат од серијата Schitt’s Creek, со години е жител на Пацифик Палисадес. Тој и сопругата Дебора Дивајн го купија својот дом во 2006 година за 2,4 милиона долари, а Леви на локалното население им е познат како почесен градоначалник.

Актерот номиниран за „Оскар“, Џејмс Вудс (77), сподели видео од пожарот, кој зафати куќа недалеку од неговиот дом, а подоцна објави дека е евакуиран од областа.

Our neighbor’s friend sent this video evacuating our area… pic.twitter.com/n8zLWgi3gR

— James Woods (@RealJamesWoods) January 8, 2025

„Не знам дали нашиот дом сè уште постои, но, за жал, куќата во нашата мала улица ја нема“, напиша тој на „Икс“ додавајќи дека неговото семејство ја реновирало куќата по пандемијата и дека ја завршиле работата минатиот месец. „Се надевам дека сите ќе излезат безбедно… Заминуваме“, додаде тој.

To all the wonderful people who’ve reached out to us, thank you for being so concerned. Just letting you know that we were able to evacuate successfully. I do not know at this moment if our home is still standing, but sadly houses on our little street are not. pic.twitter.com/xZjvsIg6Fg

— James Woods (@RealJamesWoods) January 7, 2025

Ѕвездата на филмот „Полициска академија“, Стив Гутенберг (66), им помогна на пожарникарите од Лос Анџелес да ги преместат автомобилите за да направат место за влезните противпожарни возила.