Џорџ Клуни му возврати на Доналд Трамп со едноставна порака откако американскиот претседател го нарече „актер од втор ред“.

Во јули минатата година, Клуни напиша авторски текст за Њујорк Тајмс, во кој се опиша себеси како „доживотен демократ“ и го повика тогашниот претседател Џо Бајден да се откаже од трката за партијата да има поголеми шанси да го победи Трамп.

Минатиот месец, тој даде интервју за 60 минути на Си-би-ес, каде зборуваше за застрашувачките времиња кои претстојат за медиумите под администрацијата на Трамп.

„Ја гледаме идејата да се користи владата за да се замолчат, казнуваат или, преку корпорации, да се намали влијанието на новинарите. Владите не ја сакаат слободата на печатот, тие никогаш не ја сакаат, и тоа е точно без разлика дали сте конзервативни, либерални или на која страна сте, тие не ги сакаат новинарите“, рече тој.

Очигледно потресен од коментарите, Трамп на својата социјална мрежа Вистина го нападна Клуни, нарекувајќи го „второкласен филмски актер“ и „промашен политички аналитичар“.

„Зошто сега целосно дискредитираните 60 минути би му направиле целосна „пофалба“ на Џорџ Клуни, второкласен филмски „актер“ и неуспешен политички аналитичар? Тој се бореше со сите сили да го избере „Заспаниот Џо“, а потоа, веднаш по дебатата, го отпушти како куче. Подоцна, претпоставувам по налог на тимот на Обама, тој ги стави сите свои карти на Камала, за брзо да сфати дека нема да испадне баш најдобро“, напиша Трамп.

Сега Клуни ги коментираше тие навреди во интервју со Гејл Кинг на CBS Mornings.

Отфрлајќи ги критиките, Клуни рече: „Не ми е гајле. Го познавам Доналд Трамп долго време. Не е моја работа да му угодувам на претседателот на Соединетите Американски Држави“.

„Мојата работа е да се обидам да ја кажам вистината кога можам и кога имам можност. Свесен сум дека тоа нема да им се допадне на сите… Луѓето ќе го критикуваат тоа. Илон Маск проговори за мене. Тоа е нивно право. И мое право е да ја претставам другата страна”, додаде тој.

Џорџ Клуни (63) е во брак со адвокатката за човекови права Амал Клуни (47) повеќе од десет години, а холивудската ѕвезда се уште стои на своето тврдење дека никогаш не се скарале. Зборувајќи за Гејл Кинг на CBS Mornings, актерот призна дека тој и Амал сè уште не се скарале, што изненади многу обожаватели.

Тој се присети и на последното појавување во шоуто, велејќи дека и тогаш го тврдел истото. “Се сеќавам дека еднаш бевме кај вас и рековме дека никогаш не сме се скарале. Сè уште не сме се скарале. Се обидуваме да најдеме причина да се караме”, рече Џорџ низ смеа.

„Имам неверојатна среќа што ја запознав оваа извонредна жена. Се чувствувам како да го постигнав џекпотот. Нема ден да не мислам дека сум најсреќниот човек на светот. Навистина е прекрасно”, додаде тој.

По тоа интервју, некои корисници на платформата X (поранешен Твитер) почнаа да шпекулираат дека „најверојатно спијат во посебни соби“.

Еден обожавател, исто така, предложил дека имаат посебни соби, додека друг објавил мем со Вил Ферел од филмот „Елф“ со познатиот цитат: „Седиш на тронот на лагите“. „Тоа не е нормално“, напишаа многумина.

Една од најжешките жени на светот, актерката и модел Елизабет Харли, ги шокираше фановите во неделата на Велигден кога наместо провокативните фотографии на кои ги навикна обожавателите, ја откри својата романса со пејачот Били Реј Сајрус, таткото на Мајли Сајрус.

Актерката и пејачот на хитот „Achy Breaky Heart“ позираа во многу страсна поза, а Елизабет уште еднаш ја искористи можноста да ги покаже своите адути. Сепак, не во бикини, туку во фармерки и откопчана кошула, а што се однесува до модните детали, таа носеше сламен шешир, а нејзиниот партнер на неговата глава велигденски реквизит.

„Среќен Велигден“, рече актерката со необичната фотографија и додаде срциња, а сликата на заљубениот пар предизвика лавина реакции.

View this post on Instagram

A post shared by Elizabeth Hurley (@elizabethhurley1)

„Се надевам дека ова е слика направена од вештачка интелигенција“, напиша еден корисник на Инстаграм.

Нејзината најпозната врска е со нејзиниот колега Хју Грант, со кого беше 13 години. Тие раскинаа во 2000 година, но и денес се блиски пријатели, а доказ за тоа е фактот дека славниот актер е кум на нејзиниот син Демијан.