Долгоочекуваната дружба на актерите од хит-серијата „Пријатели“ ќе се емитува на 27 мај и ќе има голем број славни гости: Џастин Бибер, Лејди Гага, К-поп-бендот БТС, Џејмс Корден, Дејвид Бекам, Синди Крафорд и други, соопшти стриминг-платформата „Ејч-би-о макс“ во четвртокот.

Специјалната епизода Friends: The Reunion, со шесте актери од оригиналата екипа, првично требаше да се снима пред повеќе од една година, но постојано се одложуваше поради пандемијата.

Ненапишаната еднократна „спешл“ – специјална епизода, без подготвено сценарио – беше снимена претходно оваа година на истата сцена во Лос Анџелес, каде што се снимаше и оригиналната ТВ-серија за малата група 20-годишници, кои ги глумеа Џенифер Анистон, Лиза Кудроу, Кортни Кокс, Дејвид Швимер, Мет Лебланк и Метју Пери.

Официјалниот трејлер не открива многу, а на него ги гледаме шесте главни ликови како одат заедно кон студиото во кое се снимаше култната серија.

Таа е оригинал Material Girl.

Седумкратната добитничка на „Греми“, Мадона, докажа дека сè уште ги поместува модните граници додека позира во долна облека за нова фотосесија.

62-годишната кралица на попот, која може да се пофали со 43,3 милиони следачи на социјалните мрежи, во најновата објава на својот „Инстаграм“ во средата напиша: „Двете страни на истата паричка“.

Мадона ги помина последните осум месеци довршувајќи го документарниот филм за својата турнеја „Мадам икс“, што траеше 75 дена, а наводно премиерно ќе се емитува на „Нетфликс“ или „Блу-реј“.

Таа минатиот месец се огласи на „Инстаграм“ за да ги информира своите фанови за документарецот: „Го прикажав Madame X во киносала со 500 седишта! Само 12 луѓе бевме таму, но беше прекрасно да се види на голем екран!

„Едвај чекам да му го покажам на светот! Им благодарам на сите што работеа толку напорно овие 7 месеци. И сè уште не сме готови, но гледам светлина на крајот од тунелот“.

Бен Афлек и Џенифер Лопез ги полнат насловните страници на светските шоубиз-медиуми речиси две децении по нивната разделба.

Поранешниот пар, кој медиумите го крстија Бенифер, објави свршувачка во 2002 година. Тие беа еден од најпопуларните и најфотографирани холивудски двојки пред да се разделат во 2004 година.

Бен и Џенифер ја одложија својата венчавка во 2003 година наводно поради претерано медиумско внимание. Лопез подоцна рече дека разделбата со Афлек е „нејзиното прво големо кршење на срцето“.

А сега една фотографија од нив заедно во автомобил во Монтана беше повод да се најдат на насловните страници исто како порано кога беа пар.

Тој го остави својот автомобил пред хотелот „Бел-Ер“ и се префрли во нејзиниот, веројатно во надеж дека нивното рандеву ќе остане незабележано, но папараците ги уловија.

И додека сите шпекулираат за обновена романса, Бен и Џенифер не прават никакви планови за иднината.