Забава
(Видео) Оние што сакаат да го гледаат новиот „Бетмен“, ќе мора да одат во кино
На големо задоволство на многу режисери што ја критикуваа нивната одлука, „Ворнер брос“ реши да ја ублажи најавената стратегија – филмовите од сопствената продукција да ги прикажува и во киносалите и на „Ејч-би-о макс“ во исто време.
Нивниот план за 2022 година е да ги исполнат договорните обврски кон кината, агентите, актерите и режисерите и да ги прикажуваат нивните филмови исклучиво во кината до крајот на прикажувањето, без разлика каква ќе биде ситуацијата со пандемијата.
Доколку решат да го прекршат договорот поради која било причина, ќе се соочат со тужби како таа на Скарлет Јохансон откако „Дизни“ реши да го пушти филмот на својата стриминг-услуга и со тоа значително да влијае на процентот што актерката требаше да го добие од продажбата на билети.
Она што е важно за гледачите е дека филмовите на „Ворнер брос“, како „Бетмен“, „Флеш“, продолжение на „Аквамен“, „Блек Адам“ и „Лигата на супер миленичиња“, ќе може да се гледаат исклучиво во кино.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Никол Шерцингер повторно заведува во бикини на плажа
Пејачката Никол Шерцингер ужива на плажа, како и обично кога е таа во прашање, а бикинито е речиси единственото нешто што го носи преку целата година. Или барем така изгледа ако ги погледнете нејзините дневни објави на социјалните мрежи.
Бидејќи ужива на плажа со својот партнер Том Еванс, Никол реши малку да „зачини“ сè и да ја намали досадата. Пејачката беше снимена во бикини (секако), и се обиде да одговори на познатото прашање „кога ќе биде свадбата“.
Во еден момент, Еванс ѝ се придружи, и заедно ја заиграа својата кореографија, додека Никол накратко напиша покрај објавата „го молам универзумот за малку трпение“.
Никој не размислуваше премногу за тоа дали пејачката некогаш ќе го каже судбоносното „да“, особено кога повторно ја покажа својата фигура во бикини. Исончана и убава – тоа беше поважно од сè друго, па беше јасно дека таа сè уште не сака да размислува за свадбата или, едноставно, нема време.
Никол Шерцингер оваа година полни 48 години, но сите се согласуваат дека таа изгледа барем десет години помлада и сè уште е ненадминлива.
Забава
(Фото) Ништо не може да го замени шармот и природната убавина на една Бразилка: таа го докажува токму тоа
Веќе имавме можност да видиме како Изабел Гуларт ги помина последните денови во 2025 година.
Нејзиниот партнер Кевин Трап и таа уживаа на Карибите, во луксузен одморалиште, каде што направија неколку жешки фотографии. Фотографиите и видеата ги објави на социјалните мрежи, а потценување е да се каже дека нејзините обожаватели останаа без зборови.
Сега таа се врати на Инстаграм, каде што ја покажа својата новогодишна облека. Таа позираше во бел фустан од тил кој едвај открива делови од нејзиното тело, но сепак ја нагласува нејзината нежна фигура.
На својот стајлинг додаде детаљ од пердуви на половината, како и ракавици од тил кои совршено се вклопуваа со оваа облека.
Косата ја стилизираше на наједноставен начин – избра брановидна фризура, а впечатлива беше и шминката, нагласувајќи го шармот и природната убавина на Бразилката.
Забава
(Видео) Може ли да биде подобро од ова: шармантната русокоса во фустан што „мириса“ на празници
Веќе знаеме дека Кејт Хадсон привлекува внимание каде и да се појави. Без разлика дали станува збор за гламурозни настани или лежерни дневни собири – едно е сигурно, таа секогаш има подготвена комбинација за дадената пригода.
И така беше и овој пат…
Неодамна присуствуваше на доделувањето на филмските награди во Палм Спрингс во Калифорнија, каде што ја доби наградата „The Icon“. Може да се каже дека остави впечаток и на црвениот тепих кога се појави во гламурозен фустан кој „мириса“ на празници.
Ова е интересна креација од либанскиот дизајнер Жорж Чакра која ја следи линијата на телото и ја нагласува витката фигура. Фустанот е дел од колекцијата есен/зима 2025, а е украсен со отворен грб, панделка, мрежест дезен и две ленти кои се влечат зад фустанот.
Кејт го комплетираше својот стил со висока пунџа, шминка во неутрални тонови и едвај забележливи модни додатоци – обетки.

