Забава
(Видео) Што прави Мет Лебланк по Пријатели: „Тој го живее сонот на секој маж“
Што би направиле ако имате проценета нето вредност од 80 милиони долари и би можеле да заработувате 20 милиони долари секоја година без да правите апсолутно ништо? Луѓето на интернет веруваат дека Мет Лебланк го нашол единствениот точен одговор на тоа прашање, откако вирално видео на „Тик-ток“ го прикажа неговиот живот и размислувањата по серијата „Пријатели“.
Неодамна некој состави компилација од неговите ТВ интервјуа од кои јасно се гледа дека после „Пријатели“ единствен приоритет му било да не прави – ништо.
Мет Лебланк (57) доби животна шанса во 1994 година кога ја доби улогата на Џои Трибиани во легендарната серија која траеше 10 сезони, до 2004 година.
Првично, актерите заработуваа 22.500 долари по епизода, но до третата сезона нивната плата скокна на 100.000 долари. До деветтата сезона, сите шест главни актери преговараа за рекордни 1 милион долари по епизода, тогаш најголемиот договор за ситком во историјата.
Имајќи предвид дека некои сезони имаа и до 25 епизоди, јасно е зошто станува збор за работа од соништата.
Сепак, профитот не застана тука. Во 2018 година, беше откриено дека главната актерска екипа сè уште заработувала околу 20 милиони долари годишно од репризите.
Кога повторно се собраа во 2021 година за специјална средба, секој од актерите доби 2,5 милиони долари само за 104-минутниот документарен филм.
Додека другите ја продолжија својата кариера, Мет реши да забави.
По завршувањето на Пријатели, повеќето од актерите останаа во центарот на вниманието. Џенифер Анистон ја продолжи својата филмска кариера и стана една од главните ѕвезди на хит серијата Утринско шоу на „Епл тв“. Дејвид Швимер, Кортни Кокс и Лиза Кудроу продолжија да работат на телевизија и филм, додека Метју Пери за жал почина во 2023 година.
И Мет првично се обиде да остане во актерскиот свет. Од 2004 до 2006 година ја сними спин-оф серијата Џои, а потоа се повлече од екранот пет години. Тој се врати дури во 2011 година со улога во серија, додека неговото последно појавување на ТВ беше во јуни 2020 година, кога беше откажан неговиот ситком „Човек со план“.
Ако се прашувате зошто Мет не работеше многу во последните години – тоа беше неговата намера од самиот почеток.
@outstandingscreenplays #MattLeBlanc loves to do Nothing 😅 #Joey #friends #screenwriting #screenwriter #screenplay #fyp #shorts #filmtok #author #writer #movies #films ♬ original sound – Outstanding Screenplays
Неодамна, некој на „Тик-ток“ состави компилација од неговите ТВ-интервјуа, во кои е јасно дека неговиот единствен приоритет по Пријатели бил да не прави ништо.
Во гостувањето на Конан О’Брајан во 2017 година, Мет отворено рече: „Мислам дека повеќе би сакал да не правам апсолутно ништо. Апсолутно ништо, нула“.
Тој објасни како за него изгледа идеален ден.
„Спиете колку сакате или станувате рано – ако сакате. Никој не ви кажува што да правите. Можеби одите во теретана, можеби не. Можеби пиете девет кафиња, можеби ниту едно“, се пошегува тој тогаш.
Слична изјава даде и во 2018 година во скандинавското ток-шоу Скавлан, каде рече дека од самиот почеток планирал да направи пауза од кариерата по „Пријатели“.
„Работев 10 години на „Пријатели“, а потоа две години на Џои, а потоа реков: „Ќе земам една година одмор“.
Таа една година се покажа како долг одмор, а Мет целосно уживаше во својата финансиска слобода.
Компилација од интервјуата на Мет стана вирална на „Тик-ток“, каде што е прегледана повеќе од 1,2 милиони пати, со илјадници лајкови и коментари. Многумина изразија восхит за неговиот „освежувачки“ поглед на богатството и неговата одлука да не ја брка славата.
„Ова е вистинскиот начин да уживате во богатството“, напиша еден корисник, додека друг додаде: „Мет Лебланк го живее сонот на секој маж“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Нела Манческа ѝ донесе седмо место на Македонија на „Јуниор Евросонг“
Нела Манческа со песната „Miracle“, со која ја претставуваше Македонија на „Јуниор Евросонг“, го заврши натпреварот на високото седмо место, освојувајќи вкупно 141 поен.
Конечниот пласман беше одреден од комбинираните гласови на стручните жири-комисии и публиката, при што Македонија оствари одличен резултат кај жирито, пласирајќи се меѓу првите пет земји според нивното гласање.

Во жири-гласањето, Македонија доби 12 поени од Црна Гора и Италија, што дополнително го потврди силниот впечаток што настапот на Нела Манческа го остави кај професионалните оценувачи.
Победник на годинашното издание на Јуниор Евросонг е Франција со освоени 248 поени, второто место ѝ припадна на Украина, а третото на Грузија.
Забава
(Видео) „Miracle“ одекна во Тбилиси: Нела Манческа ја претстави Македонија на Јуниор Евросонг
Вечерва во Тбилиси, Грузија, се одржува 23-то издание на Јуниор Евросонг, а Македонија ја претставуваше Нела Манческа со песната Miracle.
Aвтори на песната се продуцентoт Лазар Цветкоски и Магдалена Ена-Цветкоска која го напиша текстот.
View this post on Instagram
На овогодишниот избор за песна на Детска Евровизија учествуваат 18 земји.
Гласањето можете да го следите во живо на линкот.
Забава
Љубов под елката: Три знаци ќе доживеат филмска љубов до крајот на месецот
Иако декември е хаотичен месец, за некои хороскопски знаци љубовта оваа година доаѓа посилно од очекуваното. Според астрологот Адама Сисеј од „Lilith Astrology“, клучни се транзитите на Венера и Марс – планетите на љубовта, привлечноста и страста. Кога тие се поволно поставени, се случуваат токму оние „филмски“ моменти: вистинско време, вистинско место, вистинска личност.
Овие три знаци имаат најголеми шанси Новата година да не ја дочекаат сами:
Близнаци – Венера и Марс се во силен аспект со вашиот знак, носејќи нови средби, лесна комуникација и природна хемија. Ќе бидете похрабри и поотворени – токму она што ви оди најдобро.
Стрелец – Венера и Марс се во вашиот знак речиси цел месец, па вашата привлечност е на врвот. Спонтани излегувања, флерт и романса доаѓаат без многу напор.
Јарец – Кон крајот на декември, двете планети влегуваат во вашиот знак и ги активираат романтичните и страстните импулси. Можно е новогодишниот бакнеж да биде со некој навистина посебен.
Ако не сте меѓу овие знаци – вреди да го проверите и вашиот подзнак.
Фото: Pexels

