Една нова книга тврди дека принцот Чарлс шпекулирал за тенот на кожата на идните деца на принцот Хари и Меган Маркл – и несвесно предизвикал јаз меѓу парот и британското кралско семејство.

Ова е според добро поставен извор во книгата на авторот Кристофер Андерсен „Браќа и сопруги: внатре во приватните животи на Вилијам, Кејт, Хари и Меган“, која треба да излезе во вторник.

Изворот тврди дека на 27 ноември 2017 година – истото утро кога официјално беше објавена свршувачката на принцот Хари и Меган Маркл – принцот Чарлс ѝ рекол на својата сопруга Камила: „Се прашувам како ќе изгледаат децата?“

Инсајдерот вели дека Камила, затечена од прашањето, одговорила: „Па, апсолутно прекрасни, сигурна сум“.

Спуштајќи го гласот, потоа Чарлс рекол: „Што мислиш каков може да биде тенот на нивните деца?“

Портпарол на принцот Чарлс изјави за The Post: „Ова е фикција и не вреди дополнително да се коментира“. Портпаролот на Хари и Меган не одговори на барањата за коментар.

Андерсен, сепак, не тврди дека Чарлс е неименуваниот член на кралското семејство кого Меган – чија мајка е афроамериканка, а таткото белец – сензационално го обвини во текот на фамозното интервју кај Опра Винфри.

Авторот всушност сака да прикаже дека љубопитноста на Чарлс била зграпчена и извртена од измамнички дворјани кои ѝ дале расистички спин. Според Андерсен, до моментот кога Хари и Меган ја слушнале рециклираната верзија, таа достигнала токсични размери.

Андерсен го вперува прстот кон група високи советници во палатата познати како „Луѓе во сиво“ или Men in Gray.

Прашањето што ѝ го поставил Чарлс на својата сопруга почна да одекнува на помалку невин начин низ ходниците на Бакингемската палата“, пишува Андерсен, во својот опис на шепотот на елитистичката клика која Британците ја нарекуваат „мрежа на стари момци“. Нивните озборувања се фокусираа на тоа како „кралското семејство ќе изгледа во очите на остатокот од светот штом афроамериканска крв ќе стане дел од мешавината“.

Ријана се огласи на Инстаграм во саботата за да ги сподели новите производи на Savage X Fenty („Севиџ икс Фенти“).

33-годишната пејачка позира во пар карирани шорцови пижами од сопствената линија за долна облека.

Покрај оваа линија, Ријана неодамна се потруди да покаже што можат нејзините други Фенти-брендирани бизниси да понудат пред божиќните празници.

Во моментов пејачката поседува ексклузивна козметика Sephora („Сефора“) со потписот „Фенти бјути“ и линија за нега на кожата, која беше објавена минатата година и соодветно именувана како „Фенти скин“.

Откако ја почна својата деловна кариера со заштитниот знак Fenty во 2013 година, Ријана оттогаш има регистрирано преку 25 други трговски марки, вклучувајќи го Rihanna и имињата на нејзините компании. Пет години подоцна, Ријана го лансираше „Севиџ икс Фенти“ преку партнерство со луксузната модна групација LVMH.

„30“ на Адел се искачи на врвот на британската топ-листа, престигнувајќи ја „АББА“ и стана најбрзо продаваниот албум на годината досега.

Со 261.000 продадени примероци во првата недела значи дека го помина Voyage – повратниот албум на шведскиот поп-бенд – кој започна со 204.000 продадени примероци.

Сепак, бројките за продажба се значително пониски од оние на нејзиниот претходен албум „25“, објавен во 2015 година. Тој албум, нејзин трет, отвори со 800,000 продажби во првата недела, што значи дека „30“ продаде 32% од својот претходник.

Падот може делумно да се објасни со огромниот раст на стримингот во последните шест години. Дополнително на тоа, имаше поголем поттик за фановите да купат „25“, бидејќи беше исклучен од стриминг-платформите во првите шест месеци од објавувањето.

Адел го победи албумот „=“ (Equals) на Ед Ширан и го освои првото место оваа недела.

Ова значи дека таа сега има обезбедено двојна место на листата, а Easy On Me – водечкиот сингл на албумот, останува број еден шеста последователна недела.