Забава
Вилијам Шетнер од „Ѕвездени патеки“ полета во вселената
Научната фантастика речиси стана реалност – иконата на Star Trek, капетанот Кирк, навистина првпат стигна до универзумот.
Холивудскиот актер Вилијам Шетнер беше член на екипажот на подорбитална капсула „Блу ориџин“, со што стана најстарата личност што некогаш била во вселената. Ова беше втор комерцијален лет на вселенската капсула „Њу шепард“ на компанијата „Блу ориџин“, која е во сопственост на Џеф Безос.
90-годишниот канадски актер, кој го глумеше капетанот Џејмс Ти Кирк и долго командуваше со вселенскиот брод „Ентерпрајз“ во култниот серијал „Sвездени патеки“, полета од пустината Тексас со уште три лица.
Во син астронаутски костим за летање Шетнер се качи во целосно автоматизираната капсула заедно со тројцата сопатници.
Нивното патувањето траеше 10-ина минути.
Леталото безбедно слета нешто по 10 часот по локално време (16 часот по средноевропско време).
Луѓето што беа на бродот доживеаја краток период на бестежинска состојба кога се искачија на максимална надморска височина над 100 километри (60 милји). Оттаму тие можеа да го видат закривувањето на Земјата преку големите прозорци на капсулата.
„Секој во светот треба да го стори ова“, му рече канадскиот актер на Безос кога се врати на Земјата. „Беше неверојатно“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.