На „Твитер“ се шири видеозапис од популарниот квиз „Кој сака да биде милионер“ стар точно дваесет години.

Во епизодата, која се емитувала во Обединетото Кралство во февруари 2001 година, за 125.000 фунти Џон Секстон требало да одговори за сливова ракија (сливовица) и нејзината главна состојка.

Секстон, не знаејќи кое овошје е главната состојка во оваа ракија, ја повика мајка си. Таа како од топ му го даде точниот одговор и му откри дека сливовата ракија, односно slivovitz brandy, се прави од слива (англиски plum).

Секстон ѝ се заблагодари на мајка си и ѝ кажа дека ја сака, а сите во студиото ентузијастички аплаудираа на знаењето и брзината со која таа реагира. Секстон на крајот освои 250.000 фунти на квизот, а таа година стана ѕвезда во Обединетото Кралство за огромната сума што ја освои.

Клип од оваа емисија со наградното прашање деновиве објави српски твитерџија, а коментарите под објавата се урнебесни. „Мама сигурно пиела сливовица кога била на Јадран“, „Ваква сигурност во одговорот има само по испиен литар“.

„Една е мајка!“, твитна друг корисник.

Арнолд Шварценегер не дозволи студеното време во Јужна Калифорнија да го спречи од дневен излет со неговиот кабриолет.

Папараците го забележаа холивудскиот терминатор (74) во неделата како вози класика лимузина „екскалибур“ во Лос Анџелес додека дува пура.

Поранешниот гувернер на Калифорнија на себе има кафеава кожена јакна со амблем од државното знаме на градите, а американското знаме на раката.

Моделот „екскалибур“ (Excalibur), според „Хот-карс.ком“, првпат бил направен во 1965 година како репродукција на „мерцедес-бенц ССК“ од 1928 година.

Таа ја толкува улогата на една од најпознатите телевизиски ѕвезди на сите времиња, Лусил Бол.

Затоа не е изненадување што Никол Кидман го донесе стариот холивудски гламур на црвениот тепих додека присуствуваше на премиерата на биографската драма Being The Ricardos („Да се биде Рикардос“) во Лос Анџелес во понеделникот вечерта.

Актерката (54) изгледа етерично во лелеава тоалета на „Армани прајв“ додека му се придружува на сопругот на екранот Хавиер Бардем на промоцијата на филмот.

Филмот е базиран на вистинита приказна, а дејството се фокусира на Лусил (Кидман) и нејзиниот прв сопруг Деси Арназ (Бардем), автори на серијалот „Ја сакам Луси“, додека се соочуваат со криза што се заканува да стави крај на нивните кариери и со друга криза што може да стави крај на нивниот брак.