Човекот кој го обвини актерот Кевин Спејси за сексуален напад почина пред случајот да стигне на суд.

Иако идентитетот на лицето е непознат за јавноста, медиумите пренесуваат дека се работи за физиотерапевт кој тврдел дека Спејси без дозвола го допирал по телото во куќа во Малибу, Калифорнија, пред три години.

Физиотерапевтот го тужел актерот за сексуален напад, родово насилство, физичко насилство и намерно предизвикување емоционален стрес.

Спејси ги негираше овие обвиненија, а набргу потоа беше објавена и веста за смртта на тужителот откако адвокатите на Спејси доставиле документи на суд.

Идентитетот на физиотерапевтот не е наведен во случајот, а според документите доставени во судот, не е наведена ниту причината за смртта.

Адвокатот на лицето, Џини Харисон, го обвини правниот тим кој го застапува Спејси дека се обидува да го прикрие случајот.

„Известувањето кое беше испратено вчера беше непотребно и за презир. Но, не ме изненадува дека Спејси го испратил известувањето порано со цел да добие предност во случајот“, изјави Харисон.

Во изјавата на адвокатот, починатиот е опишан како достоинствен, добар, средовечен маж кој бил истрауматизиран од наводниот напад. Харисон додава дека покрај физиотерапевтот, таа примила жалби и од други лица кои го обвинуваат Спејси за сексуално насилство.

„Неговата борба за правда сè уште живее“, вели адвокатката.

Богат Италијанец, по летувањето на Миконос, избегал во приватен авион со своето семејство оставајќи сметка од 128.000 евра.

Италијанскиот претприемач, сопственик на неколку лондонски компании, изнајмил прекрасна вила на Миконос и кога требало да плати… тој само се изгубил!

Кога му пратиле фотографии од вилата на посредникот, тој им рекол дека Италијанецот сакал да резервира луксузна куќа во областа Каналија со пет простории за членовите на неговото семејство. Тој веднаш од картичката повлекол 50.000 евра за резервација, а подоцна требало да го плати остатокот до 179.800 евра колку што вкупно чинело летувањето.

Прво на Миконос пристигала жена со две деца, а два дена подоцна и Италијанецот. Тој го започнал одморот во вилата и бил воодушевен од архитектурата, но и од ВИП-услугата што му била обезбедена.

Но, како што одминувале деновите, тој не бил расположен да ги плати преостанатите пари и покрај потсетувањето од туристичката агенција.
За да ги смири луѓето во агенцијата, тој им рекол дека ќе им испрати пари од две сметки – едната од Швајцарија, а другата од италијанска банка.

Но, парите никогаш не стигнале до туристичката агенција.

Едно утро Италијанецот се качил во приватен авион со другите членови на семејството и летнал за Истанбул оставајќи ги луѓето од туристичката агенција без пари. Потоа тие од својот џеб морале да му исплатат 40.000 евра на сопственикот на вилата, а случајот ќе заврши на суд кога италијанскиот аристократ, дефинитивно, ќе мора да си го плати долгот.

Актерката Хедер Локлир (58) повеќе години се бори со зависноста од алкохол. Таа неодамна на социјалните мрежи сподели фотографија од соба во клиника за одвикнување од алкохол. На огледалото пред креветот поранешната актерка напиша молитва со розов кармин и ја сподели со своите фанови на „Инстаграм“.

„Боже, ти се нудам себеси. Да градиш со мене и да одлучиш што да направиш со мене. Ослободи ме од моите окови“, напишана актерката позната по нејзините улоги во „Династија“, „Мелроус Плејс“ и „Спин Сити“. Во третиот дел од процесот на одвикнување Хедер акцентот го стави на пронаоѓање верба и свртување кон Бога.

Локер се најде во центарот на вниманието минатата година кога се скара со момчето Крис Хајсер (57), а потоа го претепа и го исфрли од куќата. Тогаш Хедер беше сместена на психијатриски оддел.

Порано се сметаше за икона на сексапил, а сега ја следат лоши приказни. Во јуни 2018 година таа завршила во полициска станица затоа што возела во алкохолизирана состојба и со автомобилот ја срушила оградата пред својот дом во Калифорнија.