Контакт

Забава

Година на змејот: Денеска почнува лунарната Нова година

Објавено пред

Лунарната Нова 2024 година започнува денеска, на 10 февруари. Прославата трае 15 дена и завршува со фестивалот на фенерите.

dobivaj vesti na viber

Во кинеската традиција, секоја година е претставена со едно од 12-те животни во кинескиот хороскоп. Во 2024 година, од годината на зајакот влегуваме во годината на змејот.

Но, што значи сето тоа?

Еве што треба да знаете:

Дали Лунарната Нова Година е иста што и Кинеската Нова Година?

Иако понекогаш овие имиња се користат како синоними, постои разлика.

Во Кина, кинеската Нова година вообичаено се нарекува пролетен фестивал, бидејќи го означува крајот на зимата и почетокот на пролетта. Тој е еден од четирите најважни традиционални фестивали во земјата и го означува почетокот на новата година според кинескиот лунарен календар.

Името Кинеска Нова Година се однесува на новогодишните прослави кои ја слават кинеската традиција и култура. Но, овој празник го слават и неколку земји во источна и југоисточна Азија, но на различни начини.

Лунарната Нова Година е поопшт термин кој ги вклучува сите прослави кои ја одбележуваат Новата година според лунарниот календар. Во други земји, тие претпочитаат да го користат името Лунарна Нова Година наместо Кинеска Нова Година или Пролетен фестивал.

Сепак, противниците на ова именување во Кина тврдат дека празникот се заснова на кинескиот месечев календар (чиј датум го означува и лунарниот месец и времето на сончевата година) и историското влијание на Кина врз земјите во регионот.

Значи, изборот на зборови може да биде дискутабилен.

Каде се слави Лунарната Нова Година

Оваа година повеќе од 1,5 милијарди луѓе низ светот ќе ја прослават Лунарната Нова Година.

Тоа воедно претставува и најголема годишна миграција на луѓе во светот, бидејќи во пресрет на празниците милиони луѓе патуваат за да бидат со семејството и пријателите.

Во Виетнам, Новата година се нарекува Тет Нгуен Дан, скратено Тет, што значи утро на првиот ден (на лунарната година). Сеолал се слави во Северна Кореја и Јужна Кореја. Монголија го слави Цагаан сар, а некои луѓе го нарекуваат фестивал на белата месечина.

Во Кина во пресрет на Новата година се врши темелно пролетно чистење на домовите. Се верува дека тоа ја отстранува несреќата и дозволува среќата да влезе во домот.

Семејствата и пријателите се собираат на специјална вечера.

На трпезата има многу храна -nudle, hot pot (тенџере со разновиден зеленчук и месо), солени увијачи од варено тесто, ниан гао (новогодишна оризова торта), риба и мандарини, за кои се верува дека носат среќа во наредната година.

Се организираат и огномети, луѓето се дотеруваат и закачуваат црвени лампиони.

За лунарната Нова година, вообичаено е да се подаруваат коверти со црвени пари (хонгбао) на пријателите и членовите на семејството, посакувајќи им благосостојба и среќа во Новата година.

Колку дена се прославува кинеската нова година во 2024 година?

Датумот на новата година се одредува според лунарниот календар. Паѓа на втората млада месечина по зимската краткоденица на 21 декември, обично помеѓу 21 јануари и 20 февруари. Прославата обично трае 15 дена. Започнува на денот на младата месечина и трае до полната месечина.

Оваа година, Државниот совет на Кина донесе одлука празникот на пролетниот фестивал да трае вкупно осум дена, од 10 до 17 февруари.

Денот кога се слави кинеската Нова година не е државен празник, но на работодавачите им се препорачува тој ден да го сметаат како платен одмор.

Потеклото на кинеската Нова Година

Се верува дека кинеската Нова година започнала да се слави во 14 век п.н.е., за време на владеењето на династијата Шанг.

Според кинеската митологија, Новата година е поврзана со борбата против чудовиштето наречено Ниан (што на кинески значи „година“).  Чудовиштето би се појавило на првиот ден од Новата година за да го опустоши селото.

Меѓутоа, селаните откриле дека Ниан се плаши од гласни звуци, силни светла и црвена боја. Затоа секоја Нова година селаните закачуваа црвени лампиони и фрлаа петарди за да го избркаат Ниан.

Чудовиштето никогаш повеќе не било видено.

Во знакот на кое животно е кинеската Нова 2024 година

Во кинеската традиција, секоја лунарна година е претставена со едно од 12-те животни од кинескиот хороскоп: стаорец, бик (бивол), тигар, зајак, змеј, змија, коњ, коза, мајмун, петел, куче и свиња.

Секое животно е поврзано со елемент – метал, дрво, вода, оган и земја. Потребни се 60 години за секое животно да помине низ сите елементи.

Годината на зајакот во 2024 преминува во година на дрвениот змеј. Годината на Дрвениот змеј е еднаш на секои 60 години. Последната година на дрвениот змеј беше во 1964 година, а пред тоа беше 1904 година.

Се верува дека комбинацијата на хороскопскиот знак (животно) и елементот одредува уникатен сет на човечки карактеристики кои влијаат на неговиот живот.

Змејот е петтото животно во кинескиот хороскоп.

Во кинеската култура, тој претставува добра среќа, сила, здравје и машкиот принцип на јанг.

Некои од познатите луѓе кои се родени во годината на дрвениот змеј се: кинескиот комунистички лидер Денг Сјаопинг (22 август 1904 година), Џек Ма, ко-основач на една од најголемите светски компании за онлајн шопинг Alibaba Group (10 септември, 1964), шпанскиот уметник Салвадор Дали (11 мај 1904 година) и поранешниот британски премиер Борис Џонсон (19 јуни 1964 година).

Забава

Почнуваат деновите на италијанскиот дизајн во Скопје: модна ревија, изложба и мастер-клас на еден од најдобрите италијански дизајнери на играчки

Објавено пред

За деновите на италијански отдизајн во Скопје, италијанската амбасад и ИТА – Italian Trade Agency, организираат настани со кои се промовиираат уникатноста и врвниот квалитетот на италијанскиот дизјан.

dobivaj vesti na viber

Темата на годинешното издание на деновите на италијанскиот дизајн е: „Создавање вредност: инклузивност, иновација и одржливост“.

Деновите на италијански дизајн во Скопје почнуваат на 14 март во Сули ан, со макстер-клас на Лука Боскардин, италијански дизајнер на играчки и илустратор за многу италијански и интернационални брендови, како StudioRoof, Corriani, MonPetitArt, Arbos, George Magazine e Philips Design.

Истиот ден, во Чифте амам, свечено ќе биде отворена изложбата на ADI Design Museum, посветена на 140 години од првото издание на „Авантурите на Пинокио“, и содржи избор на дизјанерски проекти на италијански компании направени специјално за изложбата, кои ја потврдуваат способноста на италијанскиот дизајн да креира безвременски слики и предмети и го слават митот за Џепето, првиот италијански дизајнер.

На 15 март во „Ист гејт мол“, ќе се одржи модна ревија, на која ќе бидат претставени најновите колекции на италијанските брендови ARMANI EXGANGE, PATRIZIA PEPE, TWIN SET, DAN JOHN, ERREA, REBECCA, JUST CAVALLI, FURLA, VERSACE, BENETTON, со која ќе се отвори 28. сезона на „Фешн викенд Скопје“!

Настанот е од отворен тип, наменет за сите посетители и љубители на модата и дизјанот, кои ќе може лично да ја почувстуваат возбудата на гламурот од италијанските модни писти.

Прикажи повеќе...

Забава

Промоција на нов музички проект на Бојана Скендеровски

Објавено пред

Премиерното слушање на композицијата зад која како автор застанува колега на Бојана Скендеровски (чие име барем до понеделник останува изненадување), но и премиерата на видеозаписот, се закажани в понеделник во ресторанот „Дион“ во Центар, со почеток во 19 часот.

dobivaj vesti na viber

„Велат, среќата е единствената работа која се множи кога се дели затоа дојдете заедно да прославиме за новите проекти, да наздравиме за работите што следуваат и да уживаме во убавите моменти бидејќи само тие се паметат“, вели тимот на Бојана.

Прикажи повеќе...

Забава

Нож во грбот: хороскопски знаци што ќе ве издадат без размислување

Објавено пред

Можеби ви изгледаат прекрасно, но внимавајте се од измами и нож во грбот. Ова се дволични хороскопски знаци.

dobivaj vesti na viber

Верувајте, но проверете. Стара добра поговорка која нè учи да не бидеме лековерни и наивни, да не ги прифаќаме надворешниот изглед и првиот впечаток како пандан на карактерот на една личност. Вистина е, изгледот често знае да измами, исто како зборовите.

Ако имате добро развиена интуиција, лесно можете да почувствувате лага во почетната фаза; но, веројатно припаѓате на претставници на водниот елемент: Ракови, Риби и Шкорпии. Луѓето со силен воден елемент имаат природен компас, тој секогаш работи независно од нив и во сите ситуации. Но, што да прават тие што немаат таква моќ? Како да знаеме кои се дволичните хороскопски знаци подготвени да изневерат?

Близнаци
Првиот знак на воздушниот елемент, управуван од пргавиот Меркур. Самите Близнаци се прилично површни и несериозни; тие немаат тенденција да се врзуваат и не чувствуваат каење. Токму поради тоа што блескавите претставници на овој хороскопски знак не може длабоко и емотивно да се врзат за никого, многу лесно може да ве напуштат и да тргнат во нови авантури. За нив е важен самиот факт на движење и менување на околината, не може долго да седат на едно место, им требаат светли емоции и храна за умот.

Поради фактот што Близнаците се многу пријателски расположени (каналот за комуникација е една од нивните силни страни) за време на дијалогот, лесно може да пренесат нечија тајна и лежерно да озборуваат зад грб. Притоа во никој случај нема да се стреми кон себични цели или желби за одмазда, тоа ќе го направи прилично лесно и природно. Почнуваат да зборуваат, се занесуваат со дискусијата и без размислување ќе кажат нешто. Во почетокот машките претставници на овој хороскопски знак може да раскажуваат многу фасцинантни приказни и да ветуваат многу, а кога ќе се намали нивото на интерес, тие ќе си заминат.

Вага
И овој знак спаѓа во елементот воздух и со него треба да ги држите очите отворени. Самите претставници на овој знак се многу шармантни, слатки и љубезни. Ги знаат правилата на пристојност, бонтон и знаат да покажат добро однесување. Таквите луѓе изгледаат неверојатно добронамерно и пријатно, но имаат свои „костури во плакарот“.

Прва точка: Вагите се знак на партнерство и соработка, многу им е важно да бидат во хармонична и пријатна врска, а донекаде и зависат од партнерот. Згора на тоа, тие може да бидат во врска без силна емотивна приврзаност, ако се мирни, удобни и згодни, ќе создадат слика на идеален пар за сите околу нив, а воопшто не е важно дали постојат силни чувства или не. Затоа, штом престанат удобноста и погодноста, тие може бргу да најдат замена и да исчезнат од вашиот живот.

Втора точка: често претставниците на овој знак се обидуваат да им угодат на сите одеднаш, односно да бидат добри со сите. Тие се многу зависни од мислењата на другите. Но, не можете да седите на двете столчиња, порано или подоцна ќе треба да застанете на нечија страна, а овде Вагите може да застанат на страната на посилниот партнер откривајќи ги тајните на послабиот. И поради желбата да живеат пријателски со сите и да им угодат на сите, тие може секому, малку по малку, да му кажуваат нечии тајни и лични податоци.

Девица
Земјата што се менува. Претставниците на овој хороскопски знак се многу практични, конкретни и прагматични. Тие никогаш нема да го трошат своето време без одредена цел и корист. Секоја нивна акција има силен поттик и очекување за заслужен резултат. Во работа, која бара зголемена концентрација и напорна работа, тие немаат рамен. Како што веќе разбравте, претставниците на овој знак се многу практични и бараат придобивки во сè, истото важи и за партнерите и пријателите.

Ако некое лице ѝ донесе одредена корист на Девицата, дава ново знаење, се смирува, помага да се зголеми профитот – Девицата ќе биде таму без разлика на сè. Но, штом таа иста вредност ќе исчезне поради некоја причина, Девицата се повлекува, без око да ѝ трепне. Сè додека претставувате одредена вредност за оваа личност, Девицата ќе ве цени и почитува, штом изгубите авторитет или некои вредни артефакти, заборавете на оваа личност.

Риби
Третиот знак на водниот елемент, променливата Риба. Светлите претставници на овој хороскопски знак се многу сомнителни и сонливи, сакаат да летаат во облаци, да градат замоци во воздухот, лесно се навредуваат и се караат. Овој знак е најподложен на секаков вид сугестии и зависност (од алкохол до коцкање). Тие имаат прилично уникатен поглед на светот за секого, кој може многу бргу да го промени својот правец. На таквите луѓе може да биде тешко да се потпрете, сега кажуваат едно, а утре нивната внатрешна струја го сменила својот тек и размислуваат сосема поинаку.

Рибите се романтични и заљубени, многу креативни луѓе. И како што знаете, сите креативни личности тешко може да се пофалат со лојалност. Муза е уникатна млада дама, никого не му се покорува, доаѓа и си оди како што сака. Тоа е целата поента, се чинеше дека сте ѝ верувале на таа личност, тргнавте по истиот пат со неа, а потоа одеднаш сфативте дека вашиот придружник гледа во сосема друга насока, а тој самиот повеќе не е сличен на она што беше порано.

Водолија
Друг знак на воздушниот елемент. Многу самоволно, слободоумен и пријателски настроен. Но, не е сè толку едноставно како што изгледа на прв поглед. Овие луѓе ги привлекуваат луѓето кон себе како магнет, имаат неверојатна харизма, уникатност, на некои места се дури и ексцентрични и необични, па привлекуваат големо внимание кон себе. Тоа е како да летаат до нив на вселенски брод, тие постојано доаѓаат со необични идеи, никогаш не знаете што да очекувате од нив утре, забавно и интересно е да се биде со нив. Веднаш штом ќе навлезете во нивната слобода, обидете се да поставите свои граници и ограничувања – ја изгубивте оваа личност. Ако тој самиот чувствува дека се обидувате да го контролирате и сакате да добиете некои гаранции за иднината, тој ќе си замине дури и без да се збогува.

Може исто толку лесно да влезе во вашиот живот и исто толку лесно да исчезне од него. Ќе правите планови за иднината, ќе го сметате за ваш верен пријател, другар и партнер, но во одреден момент, едноставно, ќе го изгубите од вид, на телефон нема да одговара на вашите повици, а вашите пораки ќе останат непрочитани.

Прикажи повеќе...

Најново

Топ10 часа

Со нож убил малолетник: притвор за 15-годишникот од Прилеп бара обвинителството

Основното јавно обвинителство Прилеп поднесе барање за поведување подготвителна постапка со предлог за определување мерка притвор за 15-годишник од прилепското...

Свет10 часа

(Видео) Апсења по погребот на Навални, присутните со извици: „Путин е убиец“

Голем број Руси го скандираа името на Алексеј Навални додека лидерот на опозицијата беше погребан денеска во Москва и им...

Македонија12 часа

Палевски ќе биде екстрадиран од Турција по завршувањето на административните процедури, вели Аврамовска-Мадиќ

Заменик министерката за правда, Викторија Аврамовска Мадиќ, очекува Љупчо Палевски од Турција да биде екстрадиран веднаш по завршување на административните...

Македонија13 часа

Зибери јавно им одржа лекција на извршителите и на судиите: Член 93 од Законот за извршувањето е правниот основ за бришење на долговите

Народниот правобранител Насер Зибери јавно им одржа лекција на извршителите и судиите, кои седум месеци одбиваат да ги применуваат измените...

Македонија15 часа

Пендаровски: Ако бев избран во парламентот во 2019, ќе бев сменет истото попладне кога ѝ се спротивставив на власта за „Рекет“

На денешната прес-конференција претседателот Стево Пендаровски рече дека не може да знае дали некои од неговите поддржувачи ќе го дадат...

Топ18 часа

Расчистено убиството на 14-годишното момче во Прилеп, приведени двајца

Денеска, во 4 часот, во село Сенокос, општина Долнени, полициски службеници од ОВР Прилеп ги лишиле од слобода малолетник и...

Топ18 часа

14-годишно момче убиено среде Прилеп

14-годишно момче, вчеравечер, околу 19.30 часот, е пронајдено без знаци на живот со повеќе убодни рани и надворешни крвавења во...

Македонија18 часа

ДИК со нов пресек: Ванковска собра 9.722, Јакимовски 9.265 потписи, за Томе Николоски сè уште никој не се потпишал

Професорката Билјана Ванковска, која е предложена од политичката партија Левица, заклучно со вчерашниот ден има собрано 9.722 од потребните 10.000...

Економија19 часа

Нема повеќе гарантирани цени во маркетите, секое нелогично зголемување ќе биде санкционирано

Од денеска нема повеќе гарантирани цени на производите во маркетите. Како што порача претходно вицепремиерот за економски прашања, Фатмир Битиќи,...

Македонија19 часа

МНР го осуди нападот во Газа: Ваквиот чин претставува сериозно кршење на меѓународното право

Министерството за надворешни работи најостро го осудува нападот во Газа, кој однесе животи на голем број невини луѓе додека чекаа...

Македонија19 часа

МВР воведе нова секција на веб-страницата за побрзо закажување термин за лични документи

Министерството за внатрешни работи информира дека од вчера е воведена уште една нова секција на веб-страницата https://termin.mvr.gov.mk/, која има цел да...

Свет20 часа

(Видео) Пожар зафати зграда во Бангладеш, загинаа најмалку 43 лица

Најмалку 43 лица загинаа, а десетици се повредени во пожар што вчера уништи седумкатница во Дака, главниот град на Бангладеш,...

Свет20 часа

(Видео) Не стивнуваат реакциите за масакрот во Газа; сведок: Камиони со храна газеа луѓе

Според последните информации од Газа, најмалку 112 Палестинци се убиени, а 760 се повредени додека очајнички се обидувале да ја...

Македонија2 дена

(Видео) Бунарите пресушуваат, изворите се повлекуваат; наместо над 400, УХМР има 40 станици за следење на подземните води

Секнати кладенци, пресушени бунари, повлечени изворишта на вода и суви поила за стока станаа главна мака во речиси сите региони...

Европа2 дена

(Видео) Путин: НАТО подготвува напад врз Русија, но мора да разберат дека и ние имаме оружје што може да ги порази на нивна територија

Владимир Путин го почна своето годишно обраќање за состојбата на нацијата пред Федералното собрание на Русија. Кремљ не ги објави...

Македонија2 дена

Демири: Ќе најдеме решение да му се помогне не само на Лео, туку и на секој друг пациент што има потреба

Владата и Министерството се комплетно посветени и ќе се изнајде решение со кое ќе му се помогне на Леонид Индов,...

Македонија2 дена

Во дел од општините ГУП-от не е сменет над 20 години, има голем број дивоградби и неефикасен инспекциски надзор, објави Центарот за граѓански комуникации

Центарот за граѓански комуникации го објави истражувањето на тема „Застарени ГУП-ови, често менување ДУП-ови и голем број дивоградби“ и ова,...

Македонија2 дена

Ванковска на чекор до претседателска кандидатура, собра 9.085 потписи

Професорката Билјана Ванковска која е предложена од политичката партија Левица, заклучно со вчерашниот ден има собрано 9.085 од потребните 10.000...

Македонија2 дена

Пендаровски: ВМРО-ДПМНЕ продолжува да се служи со уличен жаргон и излитени фрази

ВМРО-ДПМНЕ во недостиг на суштински идеи и понуда за граѓаните, продолжува да се служи со уличен жаргон и излитени фрази,...

Топ2 дена

(Видео) Полицајци истепале лице вработено како обезбедување во казино во Куманово

Одделот за внатрешна контрола, криминалистички истраги и професионални стандарди при МВР поднесе кривична пријава против Д.П., полициски службеник во Полициската...