Бритни Спирс реагира на најновите документарни филмови за нејзиниот проблематичен живот – серијалот на „Њујорк тајмс“, „Еф-икс“ и „Хулу“ под наслов Controlling Britney Spears, како и Toxic: Britney’s Fight for Freedom на „Си-eн-eн“.

Иако не прецизираше за кој документарен филм се однесува, а двата беа објавени изминатиот викенд, Бритни напиша дека гледала еден од нив, и им кажа на фановите дека многу од она што видела не е вистина.

Обраќајќи им се на фановите во долга објава на Инстаграм во понеделникот, таа рече: „Мразам да ве известам, но многу од она што го слушнавте не е вистина!“

Едно од тврдењата дојде од поранешен припадник на обезбедувањето, кој рече дека таткото на Бритни, Џејми Спирс, имал постојан надзор над сите комуникации на својата ќерка во текот на спорното старателство.

„Гледав малку од последниот документарец,“ призна Бритни, а потоа почна саркастично да ја критикува програмата за која таа смета дека ја прикажува во невкусно светло.

„Навистина се обидувам да се оградам од драмата! Тоа е минато !!! “, напиша таа и сподели нова фотографија од себе.

Американската професионална борачка и поранешен уметник во борачки вештини, Ронда Роузи, ја откри среќната вест преку својот инстаграм-профил во понеделникот поздравувајќи го своето прво дете со сопругот Тревис Браун.

34-годишната Роузи објави две фотографии на кои се гледа раката на новороденчето, кое го доби името Лакеа.

„Добредојде на овој свет Лакеа Макалапуаокалан Браун. Ти си неверојатно сакана!“, напиша таа покрај фотографиите.

Стриминг-платформата „Нетфликс“ објави ексклузивен клип од претстојниот филм Red Notice („Црвено известување“), акција-трилер со Двејн Џонсон, Гал Гадот и Рајан Рејнолдс.

Red Notice е еден од најскапите филмови во историјата на оваа стриминг-платформа. Сторија за агент на Интерпол, кој се обидува да го фати најбараниот крадец на уметнички дела во светот.

„Нетфликс“ го објави клипот во текот на својот прв глобален настан за фанови – „Тудум“, именуван по џинглот што е препозатлив за платформата. За време на виртуелниот настан минатиот викенд, фановите имаа можност да ѕирнат во претстојните содржини и да проследат панел-дискусии со ѕвездите на десетици серии и филмови во продукција на „Нетфликс“.

Премиерата на „Црвено известување“ се очекува на 12 ноември.