Забава
Двата хороскопски знаци во кои се раѓаат најпаметните луѓе

Интелигенцијата може да се изрази на многу начини, а астрологијата тврди дека одредени знаци од Зодијакот имаат предност кога станува збор за природна проникливост и остроумност.
Без разлика дали се длабоки филозофи, креативни иноватори или аналитички умови, некои хороскопски знаци едноставно блескаат со својот интелект. Дознајте кои знаци често се поврзуваат со големи умови и зошто се сметаат за најпаметни во Зодијакот.
Водолија
Водолијата е позната по својата оригиналност и иновативно размислување. За нив светот не е како што изгледа, туку поле на бесконечни можности.
Додека сите останати се држат до традиционалните идеи, Водолијата веќе излегува со теории кои се толку далеку пред нивното време што ретко кој може да ги следи. Водолиите нема да имаат проблем да ја објаснат најновата теорија на квантната физика и да ја поврзат со општествените промени – сето тоа преку чаша чај.
Водолијата е таа што гледа надвор од кутијата и секогаш нè тера да размислуваме што би можело да биде.
Девица
Нема поголема интелектуална посветеност од онаа што Девицата ја вложува во секој детал. Способна да анализира сè и секого, Девицата е експерт за решавање проблеми и лесно препознава се што треба да се поправи.
Умот на Девицата се движи како прецизна машина – без грешки и секогаш фокусиран на логиката. Од Девица, ќе ги добиете најточните информации за сè, без разлика дали се работи за навиките во исхраната или статистиката за глобалното затоплување.
Практична, паметна и детална, Девицата не’ потсетува дека моќта на знаењето лежи во деталите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Mузички хепенинг вечерва во Паркот на франкофонијата

Дарио и Миг-21, Елена Ристеска, групата „2 Бона“, Викторија Лоба, Кристина Арнаудова и Барбара Поповиќ вечерва ќе настапат на големиот музички хепенинг „Нешто што ќе остане” во Паркот на франкофонија со почеток во 19.30 часот.
Градоначалникот Горан Герасимовски ги поканува сите граѓани кои денеска ќе бидат во Скопје да дојдат и да уживаат во најголемите македонски хитови.
„Вечерва не очекува вистинска ноќ за паметење, исполнета со најубавите македонски песни. Ги повикувам сите граѓани да ни се придружат и заедно да создадеме незаборавни моменти. Како Општина Центар, ќе продолжиме да вложуваме во македонската музика и во нашите македонски артисти, затоа што тие се гордоста и иднината на нашата културна сцена,“ истакна Герасимовски.
Концертот е бесплатен за сите граѓани и е во организација на Општина Центар.
Забава
По средбата со кралот Чарлс, Хари се надева на нов почеток, но братот не попушта

Принцот Хари (40) наводно жали за дел од одлуките што ги донесе откако со сопругата Меган Маркл се повлече од кралските должности. Неговиот неодамнешен престој во Британија – четири дена во Лондон и Нотингем – беше обид за поправка на односите со семејството и јавноста.
За првпат по 19 месеци, Хари се сретна со кралот Чарлс. Состанокот траел околу еден час и во дворецот го оценуваат како позитивен чекор, иако не и целосно помирување.
„Кралот сака да ја обнови врската со својот син и да помине време со своите внуци, кои не ги видел три години“, изјавил извор за „Дејли меил“. „Хари е свесен дека направил грешка и сега се обидува да ја ресетира врската“.
Сепак, средба со брат му Вилијам не се случила, и покрај тоа што биле во непосредна близина.
По посетата на Британија, војводата од Сасекс отпатува за Украина, каде се сретна со ветерани и владини претставници, испраќајќи порака за поддршка и потсетување на страдањата на украинскиот народ.
Иако се шпекулира дека наредната година би можел да ги поведе децата Арчи и Лилибет на посета кај дедо им, останува неизвесно дали Меган ќе се врати во Британија. Прашањето за безбедноста и понатаму е главна пречка, а како можен компромис се спомнува престојoт во кралските резиденции каде што мерките за заштита се најстроги.
Забава
Златното деколте на Лорен Санчез ја украде сцената на гламурната хуманитарна вечера

Лорен Санчез, сопругата на основачот на „Амазон“, Џеф Безос, блесна на четвртата „Керинг фор воман динер“ гала во Њујорк, дел од Неделата на модата.
55-годишната поранешна новинарка се појави во впечатлива златна сатенска тоалета без прерамки, со длабоко деколте. Луксузниот изглед беше заокружен со брановидна коса и дијамантски накит, додека Безос ја придружуваше во класичен смокинг.
На настанот присуствуваа и бројни холивудски ѕвезди, меѓу кои Салма Хаек со сопругот Франсоа-Анри Пино, Џесика Частејн, Мадона, Деми Мур и Џулијан Мур.
Годишната вечера, организирана од фондацијата Керинг, собира средства за поддршка на жени жртви на родово насилство и нивно економско оснажување.