Забава
Детска претстава и Мијата за уметничко доживување на „Културно лето Карпош 2023“

Во населбата Влае, на плоштадот „Делфина“, вчеравечер продолжи овогодинешното издание од „Културно Лето Карпош 2023“. Многубројната публика од сите возрасти, повторно покажа заинтересираност за ваквиот вид на културни настани организирани од Општина Карпош.
На почеток од вечерта, настапија актерите од Театарот за деца и младинци, кои изведувајќи ја куклената претстава „Лакомата меца“ ја воодушевија публиката и предизвикаа огромно задоволство кај сите карпошани кои имаа можност да уживаат во ова креативна изведба.
На сцената беше отсликана одлична приказна, а особено беше предизвикана со радост и уживање кај најмладите.
Театарот за деца и младинци, со кој се гордее македонската нација, е освојувач и на многу престижни меѓународни награди и признанија, оваа година како дел од „Културно Лето Карпош 2023“го претстави својот весел и магичен дух пред жителите на Општина Карпош за убаво продолжение на карпошовата културна манифестација.
За преостанатиот дел од вечерта на „Делфина“ се погрижи познатата поп пејачка и кант-авторка на забвана музика Мијата која со свој уметнички перфоманс како и секогаш на оригинален начин ја освои публиката со своите интерпретации и позитивната енергија.
Преку својата музика и со раскошниот вокал како и секогаш поразлична и поспецифична од останатите, Мијата, овојпат на традиционалната карпошова културна манифестација создаде незаборавно музичко шоу во кое уживаа карпошани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Мајкл Кејн користи бастун на своето прво појавување на црвениот тепих по 2 години

Сер Мајкл Кејн ретко се појавува во јавност, но во средата вечерта ѝ се придружи на екипата на „Големиот бегалец“ за премиерата на филмот во лондонскиот „БФИ Саутбенк“.
Ветеранот на големиот екран седи додека го фотографираат на настанот, облечен во темносин костум со бледосина кошула.
90-годишниот актер користи бастун или помагало за одење по паѓањето на мраз кога претрпе фрактура на глуждот во 2018 година.
Режисерот Оливер Паркер му помогна на црвениот тепих. Тој се фотографира и со актерскиот тим околу него.
Во „Големиот бегалец“ (The Great Escaper), инспириран од вистинска приказна, тој го глуми Бернард Џордан, кој во 2014 година го изведе познатото бегство од старски дом за да им се придружи на колегите воени ветерани на плажа во Нормандија.
Сер Мајкл неодамна посочи дека филмот, најверојатно, ќе биде неговата последна улога.
Во интервју за весникот „Дејли телеграф“ тој рече: „Сега имам 90 години и не можам да одам правилно“.
„Со пандемијата и сето тоа, немав снимано три години и мислев дека завршив со снимање филмови“, додаде тој.
„И одеднаш се појави ова прекрасно сценарио и си поминав – толку е убаво… Бев многу среќен што повторно снимам. Многу ми се допадна ликот на Барни“.
Забава
Пронајдено младенче лав на патот во Суботица

Младенче лав е пронајдено утрово во Суботица на патот Чантавир, потврдија за „Танјуг“ во СВР Суботица.
Полицијата работи на утврдување на сите околности на овој настан, односно како лавот стигнал до Суботица.
Лавот е однесен во зоолошката градина во Палиќ.
Забава
Наоми Кемпбел за зависноста од дрога: беше страшно да се погледнам во огледалото

Наоми Кемпбел, црниот пантер, како што ја нарекуваат многумина, во новиот документарен филм „Супермодели“ (The Super Models) откри дека зависноста од дрога во 90-тите речиси ја убила.
Една од најубавите светски манекенки тогаш беше на врвот на кариерата. Таа призна дека се свртела кон кокаинот за да заборави на траума од детството и да се помири со смртта на италијанскиот дизајнер и нејзин близок пријател, Џани Версаче.
„Една од работите што се обидував да ја скријам беше тагата. Зависноста е таква. Зависноста е опасна работа, навистина е. Мислиш дека ќе ја залечи раната, но нема. Тоа може да предизвика многу страв и вознемиреност“, открива Наоми во документарецот.
„Џани ќе ме натераше да излезам и да продолжам понатаму кога не мислев дека можам. Кога почина, мојата тага стана преголема“, додава таа.
Легендарниот модел пет години се бореше со зависноста, а во 1999 година колабира за време на снимање. Тогаш, вели таа, сфатила дека мора да се пријави на рехабилитација.
„Тоа беше една од најдобрите работи што можев да ги направам за себе во тоа време. Беше страшно да се погледнам во огледалото. Не можете да ги скриете чувствата. Беше многу болно“, открива Наоми, која тврди дека главниот предизвикувач поради кој почнала да зема супстанции е траума од детството. Имено, познатата манекенка пораснала без својот татко, кој ја напуштил мајка ѝ додека била бремена.