Забава
Дуа Липа ќе се соочи со судски процес за наводен плагијат

Федералниот суд во Менхетн одлучи британската поп-ѕвезда Дуа Липа да докаже на суд дека не го плагирала својот мегахит од 2021 година, Levitating, од диско-песна од 1979 година.
Окружната судијка Кетрин Полк Фаила во вторникот рече дека текстописците Л. Расел Браун и Сенди Линзер би можеле да се обидат да докажат суштинска сличност помеѓу Levitating и нивната песна Wiggle and Giggle All Night.
Адвокатите на Липа и нејзината издавачка куќа „Ворнер рекордс“ не одговорија веднаш на барањата за коментар.
Во тужбата, поднесена во март 2022 година, двајцата текстописци тврдат дека спорната песна дели композициски елементи со нивната и, најбитно, со удвојување на почетната мелодија.
Адвокатите на одбраната рекоа дека е невозможно некој да поверува дека Липа (27) ја слушнала Wiggle пред да ја напише Levitating.
Судијката се согласи, но рече дека тужителите навеле доволно факти за да тврдат дека песните се неверојатно слични, вклучително и со споделување повторувачки ритам и препознатлива мелодија, што предизвикува сомнеж дека Липа ја копирала нивната песна.
„Судот не може да ја исклучи можноста тужителите да исполнат несомнено висока граница за докажување впечатлива сличност,“ стои во пресудата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Лили Колинс по острите критики дека ангажирала сурогат мајка објави емотивна снимка со ќерката

Ќерката на познатиот музичар Фил Колинс, актерката Лили Колинс и нејзиниот сопруг, писателот и режисер Чарли Мекдауел, неодамна станаа родители преку сурогат мајка.
Откако ја споделија радосната вест на социјалните мрежи, парот се соочи со остри критики од јавноста.
Нивната родителска улога им пречела на многу корисници на социјалните мрежи, бидејќи славниот пар, како што пишуваат, се приклучил на „трендот на ангажирање сурогат мајки за свои себични потреби“.
Најстрогите критичари ја нападнаа Лили Колинс затоа што одлучила да учествува во „неетички тренд“ кој ги поттикнува „богатите луѓе да изнајмуваат женски тела“ и на тој начин се согласуваат со нешто што е многу блиску до трговија со луѓе.
И покрај тешките обвинувања, Лили не ја крие среќата за нејзината главна улога – мајка и редовно споделува содржини од приватниот живот.
Така таа неодамна на Инстаграм објави емотивно видео со ќерката.
Како што може да се види, Лили заедно со ќерката ужива во песната „I Can’t Dance“ на групата „Genesis“.
Забава
Џесика Алба ужива во Мексико, обожавателите велат „не изгледала никогаш подобро“

Актерката Џесика Алба (43), која неодамна се разведе по 16 години брак и оттогаш отвори приватен бизнис наречен „Honest Company“, викендот го помина со својот син во Мексико.
Освен што ужива во најубавото друштво и има совршени моменти, нејзините обожаватели уживаа и во нејзините изданија и тврдат дека никогаш не изгледала поубаво.
Оваа позната убавица објави видео прошарано со бројни фотографии и снимки на кои се гледа колку ужива со своето „омилено малечко“, а многумина забележаа дека изгледа подобро од било кога.
Во видеото таа ја покажа својата извајана фигура во различни изгледи – главно спортски и лежерни, но најмногу внимание привлекоа оние во минијатурни бикини кои одлично и прилегаат.
Забава
Фаталната русокоса никогаш не изгледала поубаво: актерката воодушеви на црвениот тепих

Познатата убавица Скарлет Јохансон присуствуваше на јубилејното шоу „Saturday Night Live“ (SNL) во Њујорк.
СНЛ прослави 50-годишнина, а по тој повод организираше специјална епизода.
На овој настан присуствуваа многу познати ѕвезди, а актерката Скарлет Јохансон не ја пропушти можноста да дојде.
Убавицата која ретко се појавува на големите настани, реши овојпат да го покаже своето лице во Њујорк и во придружба на сопругот Колин Џост ги воодушеви сите на црвениот тепих.
Скарлет носеше црн фустан кој ја следеше линијата на нејзиното тело, а впечатливо беше деколтето од сребрени монистра.
Својот стајлинг го комплетираше со минимална шминка во земјени тонови, а косата ја обликуваше на наједноставен можен начин – избра висока пунџа.