Забава
Еден зеленчук е неопходен за рамен стомак – никогаш не би претпоставиле

На прв поглед, лиснатиот зеленчук не изгледа како нешто што треба да заврши на чинија, бидејќи повеќе личи на досаден плевел во градината.
Според нутриционистката и диететичарка Емили Корнелиус, овој зеленчук може да биде изненадувачки моќен сојузник во борбата против надуеност и за рамен стомак.
Станува збор за листови од глуварче, растение кое луѓето го користат во традиционалната медицина со векови, и кое, според диететичарот, е „едно од најхранливо богатите зеленчуци што можеме да ги јадеме“. Иако често се занемаруваат во современите диети, јадливите листови од глуварче нудат голем број придобивки, особено кога станува збор за варењето и здравјето на цревата.
Нивната тајна лежи во посебен вид влакна – инулин, растворлив јаглехидрат кој, како што вели диететичарот, „го поддржува растот на здравите цревни бактерии“. Подобреното здравје на цревата може да доведе до намалено воспаление, подобро варење и полесно одржување на тежината.
„Вклучувањето на ова растение во вашата исхрана може да помогне во намалувањето на воспалението, да го поттикне губењето на тежината и да ги подобри нивоата на холестерол“, додава таа.
Иако забележува дека се потребни повеќе истражувања, Емили Корнелиус ги охрабрува луѓето да бидат љубопитни. „Може да биде интересно и забавно да пробате нешто ново на вашиот следен оброк“, вели таа. Значи, ако барате нежен, природен начин за поддршка на варењето и рамен стомак, листовите од глуварче би можеле да бидат добар избор.
„Листовите од глуварче се веројатно безбедни за повеќето луѓе. Сепак, тие можат да предизвикаат алергиски реакции или да реагираат со одредени лекови“, заклучува диететичарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Откриена причината за смртта на Халк Хоган

Page Six ексклузивно ја откри официјалната причина за смртта на Халк Хоган.
Легендарниот професионален борач починал од акутен миокарден инфаркт, познат и како срцев удар. Документите, исто така, открија дека Хоган тајно се борел со леукемија, состојба која досега не била јавно позната.
Според Канцеларијата на медицинскиот испитувач на округот Пинелас, срцевиот удар бил предизвикан од ненадејно блокирање на протокот на крв во срцевиот мускул, што предизвикало оштетување на ткивото. Во документот, објавен од Page Six, исто така се наведува дека Хоган имал историја на атријална фибрилација (AFib), состојба која се карактеризира со неправилно и брзо отчукување на срцето.
Најголемото изненадување во извештајот на медицинскиот испитувач беше информацијата дека поранешната суперѕвезда на WWE, роден како Тери Болеа, страдал од хронична лимфоцитна леукемија (CLL) – вид на рак кој ги зафаќа белите крвни зрнца. Неговата смрт беше прогласена за природна смрт.
Халк Хоган доживеа срцев удар во својот дом во Клирвотер, Флорида, на 24 јули. Тој беше итно префрлен во болницата Мортон Плант, каде што беше прогласен за мртов. Почина на 72-годишна возраст.
Забава
Мухамед е најпопуларното име за момчиња во Англија, втора година по ред

Објавени се најпопуларните имиња за бебиња родени во Англија и Велс во 2024 година, при што Мухамед е најпопуларното машко име втора година по ред, додека Ноа и Оливер го зазедоа второто и третото место, исто како и во 2023 година.
Според Би-Би-Си, Оливија и Амелија ги зазедоа првите две места за девојчиња трета година по ред, додека Исла падна од третото место и беше заменета со Лили.
Листата ја објави Канцеларијата за национална статистика (ONS), која ја составува листата врз основа на податоци од матичните книги на родени.
Новите имиња што влегоа во првите 100 за девојчиња се Елоиз, Нора, Мила, Роза, Атена, Сара и Зои. Новите имиња за момчиња се Остин, Натан, Вини и Јахја.
Мухамед го задржа првото место како најпопуларно машко име, со 5.721 бебиња што го добија ова име. Ова име е најпопуларно во пет од деветте региони на Англија.
Други варијации на името, исто така, се најдоа на листата: Мохамед се најде на 21-во место со 1.760 момчиња, а Мохамад на 53-то место со 986.
Забава
Ќерката на Мајкл Џексон откри дека ја раскинала свршувачката со познатиот актер: „Ова се солзи на раскин“

Парис Џексон, 27-годишната ќерка на легендарниот крал на поп-музиката, Мајкл Џексон, и американскиот актер Џастин Лонг ја раскинале свршувачката по три години врска.
Веста ја сподели самата Парис на социјалната мрежа „Икс“, каде што напиша: „Ова се солзи на раскин. Повторно сите се провлекувате“.
Инаку, пејачката во декември преку „Инстаграм“ ја објави свршувачката со Лонг, но објавата подоцна беше избришана. Во јуни, во интервју за „Аксес Холивуд“, изјави дека подготовките за свадбата се во полн ек.
„Фустанот е во изработка, местото е избрано, а датумот го одреди астролог – затоа што сум од Лос Анџелес“, рече таа.
Да потсетиме, Парис пред неколку дена беше снимена како расплакана шета сама на улиците на Малибу.
Исто така, минатиот месец беше критикувана бидејќи настапила на концерт закажан токму на денот на годишнината од смртта на татко ѝ. Во обраќање на социјалните мрежи објасни дека таа нема влијание врз распоредот на турнејата бидејќи не е главна изведувачка.
„Тоа што настапувам на тој ден не значи дека сум заборавила. Никој не треба да ми кажува како да тагувам“, порача таа тогаш.