Познато е дека малите деца често имаат изливи на бес, но се чини дека тоа понекогаш им се случува и на животните, па дури и на птиците.

Еден папагал многу се изнервирал кога сфатил дека во неговата чинија, која тој ја сака, нема повеќе бадеми. Тој доаѓа до садот, погледнува уште еднаш да види дали навистина е празна, потоа ја зграпчува со клунот и ја фрла на другиот крај од собата.

Бесниот потег собра повеќе од три милиони прегледи на „Тик-ток“.

@sarahelizabeth_98 It’s giving entitled #eclectusparrot #birdsoftiktok ♬ original sound – Sarah

„Пипл“ им оддава почит на Квинта Брансон, Џенифер Хадсон, Мила Кунис и Метју Меконахи за инспиративната работа што ја направија оваа година.

Во едиторијалот главната уредничка на угледниот магазин, Венди Нагл, пишува: „Најхраброто нешто што можеме да го направиме? Да помагаме“.

„Размислував многу за тоа што инспирира некого да преземе акција, да ги донира своето време, пари и страст за некоја кауза, да направи нешто повеќе од твит или објава на ‘Инстаграм’. Тоа ми беше на ум затоа што се чини дека на светот му треба нашата помош повеќе од кога и да е, а исто така и затоа што луѓето што ги славиме во ова издание не се двоумеа да го дочекаат моментот. Не прашаа зошто баш јас, ниту чекаа дозвола ниту се заглавија во сомнеж во себе. Тие, едноставно, се фатија за работа“, стои во текстот на главната уредничка.

Таа воедно објави листа на познати личности за кои смета дека ја заслужуваат титулата личност на годината, а на неа има еден маж и три жени.

Актерот Метју Меконахи, актерката Мила Кунис, добитничката на „Еми“, Квинта Брансон, и пејачката Џенифер Хадсон се истакнаа по својата хуманитарна работа и несебичното помагање на другите во изминатата година.

Метју Меконахи
„Кога во родниот град на Метју Меконахи имаше вооружен напад врз училиште минатиот мај, при што настрадаа 19 деца и двајца вработени во училиштето, актерот и неговата сопруга Камила бргу се вратија во гратчето Увалде“.

„Тие немаа план: само почнаа да разговараат со семејствата на жртвите и веднаш видоа колку родителите сакаат животот на нивните деца да биде важен. Со цел да иницира реформи за поседување оружје, двајцата презентираа предлози до американскиот Конгрес да усвои нацрт-закон за ограничување на пристапот до оружје. Еден месец подоцна, законот беше усвоен“, пишува „Пипл“.

Квинта Брансон
Добитничката на „Еми“, Квинта Брансон, е одговорна за документарната серија Abbott Elementary. Таа сакаше да создаде серија што ќе го премости генерацискиот јаз и ќе ги насмее неа и нејзините родители и баба и дедо на истите шеги. „Важноста да се смееме и да се смееме заедно за исти работи е исцелување. Нема ништо поубаво од тоа бидејќи така се градат и зајакнуваат односите меѓу луѓето“, вели таа.

Џенифер Хадсон
Со нејзиното ново ток-шоу мисијата на Џенифер Хадсон беше да создаде платформа за секого, за сите да имаме место каде што се чувствуваат вклучени. Џенифер го почна шоуто откако стана најмладата жена што го постигнала статусот ЕГОТ (добитник „Еми“, „Греми“, „Оскар“ и „Тони“) на 41-годишна возраст.

Мила Кунис
По руската инвазија на Украина, актерката Мила Кунис веднаш реши да им помогне на унесреќените луѓе во својата родна земја.

„Бидејќи сум од Украина, моите пријатели почнаа да ме прашуваат со кого можам да контактирам за донации и веднаш знаев дека морам да помогнам“. Незнаењето од каде да почне не ја забави: „Немавме решение, па создадовме“. До денес има собрано 37 милиони долари за бегалци.

По дебито на првиот трејлер за „Супер Марио Брос“ во октомври, „Нинтендо“ повторно ги осветли авантурите на својот култен водоинсталатер.

Овој пат не само што може да се видат и Пич и Донки Конг како се појавуваат во живо за филмот „Супер Марио Брос“ туку и новиот трејлер е полн со референции и велигденски јајца.

Во текот на најновиот пренос во живо на Nintendo Direct, фановите го поздравија доаѓањето на нејзиното височество, принцезата Пич, со Ања Тејлор Џојм која го позајмува гласот за ликот. Се враќаат и Боусер на Џек Блек и Луиџи на Чарли Деј, како и главниот херој Марио на Крис Прат. Може да се види и Донки Конг на Сет Роген како полудува по Марио во урнебесно брутална секвенција и многу шарени жаби.

Филмот доаѓа во киносалите на 7 декември 2023 година.