Забава
(Видео) „Експресен воз“ со Бред Пит и Сандра Булок пристига во киносалите

Најновиот филмски хит „Експрен воз“ (Bullet Train) ја имаше својата светска премиера во Париз минатиот месец, а во кината низ Европа треба да почне да се прикажува од 5 август.
Заснован на популарниот јапонски роман на Котара Исаке, овој акционен трилер се врти околу пет убијци кои се качуваат во истиот титуларен воз и наскоро сфаќаат дека нивните мисии се меѓусебно поврзани.
Приказната на „Експресен воз“ следи платен убиец кого го глуми една од најголемите холивудски ѕвезди – Бред Пит.
Тој комуницира со мистериозна жена Марија Битл (Сандра Булок), која го воведува во мисија, која на прв поглед се чини многу лесна. Меѓутоа, кражбата на обичен куфер се претвора во очајнички обид за бегство од најбрзиот воз на светот.
Бубамара (Бред Пит) е платен убиец без многу среќа, решен да си ја врши својата работа на помирен начин откако неколку мисии тргнале наопаку. Сепак, судбината има различни планови бидејќи новата мисија го доведува во судир со опасни убијци од целиот свет – сите со поврзани, но со спротивставени цели во најбрзиот воз на светот… и затоа тој мора да најде начин да избега.
Овој акционен трилер со примеси на комедија секако ќе биде вистинско летно освежување во домашните кина. Режисерот Дејвид Лич веќе го потврди својот „занает“ работејќи на хитовите „Дедпул 2“, Брзи ибесни“, „Џон Вик“ и „Хобс и Шо“.
Коментирајќи го филмот во интервју за „Емпајр“, Лич неодамна изјави: „Го слушате насловот Bullet Train и мислите: тврда акција. Но, всушност тоа е забавен, комичен акционен трилер“.
Пред да стане режисер, Лич му беше каскадер на Пит во „Господин и госпоѓа Смит“, „Троја“, „Оушн’с 11“ и „Игра на шпиони“. Ова дуо најверојатно ќе ја продолжи успешната низа со претстојниот акционен спектакл.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Цени до 15.000 евра за билети за концерт на Мадона

На 14 октомври Мадона ќе ја почне турнејата Celebration, со која ќе прослави 40 години на музичката сцена. Првите четири концерти ќе се одржат во лондонската „О2 арена“, каде што во нејзиниот настап ќе уживаат околу 80.000 фанови, а билетите за тие спектакли се одамна распродадени.
За тие четири претстави останаа уште 88 билети и нивните цени се движат од 300 до 5.900 евра. Во продолжение на турнејата Мадона ќе ги посети Белгија, Данска, Шведска, Шпанија, Германија, Португалија, Франција, Италија, Холандија, а потоа и градови на американскиот континент.
За повеќето концерти во Европа останаа 100-200 влезници, а салите во кои ќе настапат може да примат од 15.000 и повеќе луѓе.
Повеќето обожаватели сакаат да доаѓаат на нејзините настапи во Милано (23 и 25 ноември). За првиот концерт останаа 255 влезници, за вториот – 276, а цените достигнуваат астрономски бројки. Најниската е околу 300 евра, најскапата дури 15.454 евра.
Ако се земе предвид дека за време на турнејата Celebration, Мадона ќе одржи 78 концерти во Европа и Америка, се претпоставува дека постојат шанси кралицата на попот да постави нов рекорд за заработка од настапи. Таа е таа што го држи рекордот на листата „Турнеја со врвна заработка“ бидејќи за време на изведбата Sticky and sweet во 2008 и 2009 година заработила 411.000.000 долари (моментно 560.622,61 долар). На второ место е повторно таа со турнејата MDNA од 2012 година, кога заработила 305.158.362 долара (моментно 388.978.495).
Сегашните процени на обожавателите на Мадона велат дека таа од славеничката турнеја Celebration треба да заработи над 600 милиони долари, односно речиси осум милиони од концерт.
Забава
„Нетфликс“ планира да ја зголеми претплатата по штрајкот на актерите

„Нетфликс“ планира да ги зголеми цените на претплатите за своите услуги без реклами, прво во САД и Канада, а потоа и во остатокот од светот, пишува „Волстрит џурнал“. Не се знае колку ќе се зголеми цената на претплатата.
Во текот на изминатата година цената на услугите за стриминг се зголеми во просек 25 отсто бидејќи компаниите за забава се обидуваат да ги направат профитабилни. Ова доведе повеќе штедливи корисници да се префрлат на поевтини пакети, кои обично вклучуваат прикажување реклами додека гледаат серии и филмови.
„Нетфликс“ беше единствениот што не ги зголеми цените во текот на изминатата година и наместо тоа, се фокусира на барање на решение со споделувањето лозинки. Последен пат цената на претплатата беше зголемена во јануари 2022 година.
Забава
Мишел и Барак Обама слават 31-годишнина од бракот

Поранешниот американски претседател Барак Обама и неговата сопруга Мишел Обама слават нешто посебно.
Во вторникот парот сподели емотивни пораки еден на друг на „Инстаграм“ за да ја одбележи посебната пригода – 31 година од денот на венчавката.
Мишел (59) сподели симпатична фотографија од парот како позира надвор со златно зајдисонце во далечина. „31 година и уште еден цел живот. Сакам да го поминувам животот со тебе покрај мене, Барак Обама“, напиша таа. „Среќна годишнина, душо моја!“
Поранешниот претседател (62) го следеше примерот со своја љубовна порака за Мишел.
„Среќна годишнина, душо моја!“, напиша тој означувајќи ја Мишел Обама. Ти си брилијантна, љубезна, духовита и убава – и среќен сум што можам да те наречам моја“, напиша тој покрај фотографијата на која позираат прегрнати.
Минатата година, за јубилејната 30-годишнина, Обамови споделија повратни фотографии од денот на својата венчавка изразувајќи ја својата љубов еден кон друг.