Забава
Елен Деџенерис делела откази поради одење на погреб и боледување
![](https://makfax.com.mk/wp-content/uploads/2020/07/Elen.jpg)
Дури 10 поранешни вработени (и еден сегашен) на популарната презентерка Елен Деџенерис ја обвинија својата поранешна шефица за малтретирање на работа.
Нејзиното шоу „Елен“, кое почна да се емитува во 2003 година, направи бренд од слоганот „Биди љубезен“ (Be Kind), но вработените тврдат дека Елен покажувала сосем поинакво лице кога камерите ќе се исклучат.
„Љубезноста е таму кога камерите се вклучени. Сè е заради шоуто. Знам дека таа им даваше пари на луѓето и им помагаше, но тоа беше само за публиката”, изјави еден од нејзините поранешни вработени за Buzz Feed.
Тие трпеле страв, омаловажување и расизам на работното место.
Една вработена, која работела на шоуто една година, завршила во ментална установа поради обид за самоубиство, а кога се вратила на работа, дознала дека нејзиното работно место е укинато, пишува Buzz Feed.
Друг поранешен вработен рече дека треба да се бори со своите претпоставени за слободни денови. Тој бил отсутен поради боледување по сообраќајна несреќа, а кога отишол на погреб на член на семејството, бил отпуштен од работа.
Еден вработен имал проблеми на работа бидејќи се обидел да собере пари преку кампањата на GoFundMe за лекување што не му го покрива здравствениот фонд.
„Тие ме повикаа на разговор и беа многу лути. Беа загрижени дека барањето пари ќе наштети на имиџот на Елен. Тие се грижеа повеќе за тоа отколку да ми се помогне“, рече тој.
Едно лице добило отказ поради објавување фотографија од работа на „Инстаграм“.
Тие тврдат дека во предност биле вработените кои се согласиле да работат 10 часа без поговор и не се жалеле кога виделе како се однесуваат со другите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Весна Петрушевска соопшти дека се бори со рак на дојка (ВИДЕО)
![](https://makfax.com.mk/wp-content/uploads/2024/05/vesna-petrushevska.jpg)
„Мојата дијагноза е од средината на април оваа година. Се работи за рак на дојка, имав две операции“, раскажува Весна Петрушевска во видео споделено на Инстаграм.
„Кога ќе ви кажат дека ви дијагностицирале, прво што ви паѓа на памет е дека вашето време е одбројано. Јас се обидов тоа да не го кажувам, иако дијагнозата ми е од средината на април. Тоа не можеше да се забележи, бидејќи ја имав појавувања“, додаде Петрушевска.
„Имам рак, па што – живејте си го животот, еден е“, стои во описот на објавата.
View this post on Instagram
Забава
Луѓето се шокираа од изгледот на Адријана Лима: „Претерала со ботоксот“
![](https://makfax.com.mk/wp-content/uploads/2024/09/Screenshot-2024-09-06-112947.jpg)
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
![](https://makfax.com.mk/wp-content/uploads/2024/09/madalina1.jpg)
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.