Забава
Жизел Бундшен ја напушта „Ај-ем-џи моделс“ по 22 години соработка
Жизел Бундшен е една од најпознатите светски модели.
А сега, таа се збогува со модната агенција IMG Models, по 22-годишна соработка.
40-годишната Бразилка, наводно, своето место во агенцијата ќе ѝ го отстапи на сестрата близначка Патриша, според „Пејџ сикс“.
IMG ја губи Жизел, но неодамна донесе некои нови истакнати таленти. Во последниот месец агенцијата потпиша договори со поетесата Аманда Горман, и со поќерката на Камала Харис, Ела Емхоф.


Од 2002 до 2017 година, бразилската манекенка Жизел Бундшен беше најплатен модел во светот, според магазинот „Форбс“. По 15 години на тронот, кралицата на модните писти ја изгуби титулата најплатен модел. Кендал Џенер ѝ ја презеде круната на Жизел во 2017 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Пијана баба ја возела внуката на мопед – полицијата во Белгија во неверување по признанието колку пијачки испила
Локалната полиција на округот Ривиеренланд на север од Белгија запрела вкупно 994 возачи, вклучувајќи и неименувана баба, за време на контролите на сообраќајот за алкохол и дрога.
Властите објавуваат дека жената ја возела на мопед својата 9-годишна внука и дека нивото на алкохол во крвта ѝ било утврдено на 1,49 промили.
Бабата признала дека испила четири чаши џин-кола, а полицијата ѝ ја одзела возачката дозвола на 15 дена, објави белгискиот јавен сервис „ВРТ“.
Фото: илустрација
Забава
Северина објави видео од нејзината мајка Ана во Арена Загреб: „Уште сум твоето мало девојче“
Северина објави видео од нејзината мајка Ана на еден од нејзините два концерта во Арена Загреб. Таа ја посвети песната „Далматинка“ на својата мајка, која пееше заедно со својата ќерка од трибините, заедно со еден пријател.
„[На мајка ми] јас бев твоето мало девојче… и сѐ уште сум“, напиша Северина покрај видеото.
„Толку сум среќна што синоќа го забележав овој момент на гордата мајка на Северина што не можам да ви опишам. Жената што роди легенда, не само музичка, туку и борец во приватниот живот, како и борец за вистината, правдата и човековите права, ја гледа својата ќерка во преполната Арена која неколку моменти претходно ѝ ја посвети оваа песна. Трогателен момент“, напиша претходно Ника Паиќ, авторката на снимката.
фото: принтскрин
Забава
Се одложува концертот на Божо Вреќо во Македонската филхармонија
Концертот на Божо Вреќо, кој требаше да се одржи на 21 ноември 2025 година во Македонската филхармонија во Скопје, се пролонгира поради технички причини.
Нов термин за одржување на концертот ќе биде утврден во најбрз можен рок, а јавноста и сите купувачи ќе бидат навремено информирани за новиот датум.
Сите купувачи кои сакаат да го остварат своето право на поврат на средствата за купените билети можат да го направат тоа на продажното место каде што билетите биле купени, вклучувајќи ја и онлајн-платформата karti.com.mk.

