За да ја направи пријатна атмосферата во ресторанот, еден германскиот угостител поставил големи кадифени мечиња на масите, кои треба да бидат празни поради физичката дистанца.

Кадифените животни изгледаат многу попријателски отколку предупредувачките ленти или преградите од плексиглас, рече Муса Гезер, сопственик на ресторанот Beef’n’ Beer во Хофхајм, во западниот дел на земјата.

View this post on Instagram

Ready und dressed für das Spiel heute Abend! Die Teddys feuern ihre Mannschaft an 💪🏼 Wir hoffen ihr auch! 20:30 Uhr geht’s los ⚽️ #nurdiesge #eintracht #supportyourmannschaft

A post shared by BEEF'n BEER (@beefnbeer_de) on May 26, 2020 at 8:08am PDT

„Гостите го примија тоа многу, многу добро“, рече тој. „Насмевката им е загарантирана“.

Фотографиите од големи мечки на масите ги преплавија социјалните мрежи.

„Одлична идеја“, „Генијално“, „Ова сигурно ќе ме развесели“, се само некои од коментарите на корисниците на интернет.

View this post on Instagram

Die Bären sind los….. #dpafoto #dpa_com #teddybär #gastronomie #gastgewerbe #coronavirus #beefnbeer #hofheimamtaunus #musagezer #photojournalist #photojournalism #abstandhalten

A post shared by Arne Dedert (@knipsiknipsi) on May 26, 2020 at 11:38pm PDT

Германските ресторани полека почнуваат да работат откога со недели беа затворени поради пандемијата.

Засега отворањата се спорадични поради правилата кои бараат физичка дистанца меѓу гостите, но и поради нивниот страв затоа што вирусот сè уште циркулира.

Ева Лонгорија откри дека ја добила својата најнова улога на режисер кога се преправила во маж белец.

Ѕвездата од хит-серијата „Очајни домаќинки“ се обидувала да стане дел од актерскиот тим на Flamin ‘Hot, биографија за човекот што го измисли Cheetos.

Актерката (45) разговарала со продуцентот на хит-серијата „Очајни домаќинки“, Брајан Танен, пред да почне аудицијата кога тој ѝ рекол да престане да прашува и, наместо тоа, да оди низ собата како веќе да си ја обезбедила улогата.

Неговите совети ѝ помогнале да го добие ангажманот.

„Јас вежбав за улогата со него и тој ми рече: Застани тука. Облечи машки панталони и престани да бараш да го снимаш овој филм. Почни да се движиш низ собата како да е тоа твој филм и како ти да го режираш и кажи им дека вака ќе глумиш, вака ќе снимаш“, открива Лонгорија во интервју за весникот The Sun on Sunday.

„Си помислив: „Јас не сум маж и не сум бела, па не би помислила да го сторам тоа“. Тоа беше промена во пристапот кон секоја реченица што ми излезе од устата. Затоа што ние жените сакаме да бидеме подложни, отворени за сугестии. Ние жените сакаме да нè гледаат како кооперативни“.

Холивудската убавица објасни и зошто неодамна им ја покажа побелената коса на своите следачи на „Инстаграм“.

„Секојпат кога сум на црвениот тепих, мојот изглед е илузија. Тоа не се моите трепки и тоа не е мојата боја на косата или моето деколте. Отсекогаш сум била отворена кон луѓето. Нема ништо страшно во врска со побелената коса, можете да ја поправите“.

Може да потрае долго додека да се слушне вообичаеното прашање на црвениот тепих во Холивуд – „и, кого ќе носиш вечерва?“

Црвените теписи, извор на енергија на филмските премиери и наградни церемонии, се всушност увертира исполнета со бучава на гламурозни актери, фотографи, интервјуа пред влезот во салата, свечени фустани и восклици на воодушевени фанови.

Но, како што Холивуд се справува со пандемијата на коронавирус, црвените теписи од блиската иднина ќе изгледаат многу поинаку – ако воопшто ги има, пишува „Ројтерс“.

Преполни со фотографи, sвезди на таканаречената А-листа, публицисти и фанови што молат за селфи, црвените теписи се клучен елемент во холивудската рекламна машинерија. Но, ваквите настани, кои се примамливи за гледање, се речиси невозможни во ерата на социјално дистанцирање.

„Сите очајнички сакаат да се вратат во нормална верзија, каде што сме со луѓе лично, рамо до рамо“, рече еден холивудски публицист, кој претпочиташе да не биде именуван.

„Мислам дека нормалата нема да се врати во целост додека не откријат некаква вакцина. Којзнае кога луѓето ќе сакаат да се вклучат физички во лични интеракции, а камоли на патување за да дојдат до тие места“, вели публицистот цитиран од „Ројтерс“.

Голем тест ќе има во јули кога се закажани премиерите на трилерот на Кристофер Нолан, „Тенет“, и Дизниевата акција „Мулан“, први премиери откога новиот коронавирус ги затвори киносалите во целиот свет, а студијата го одложија прикажувањето на десетици филмови до крајот на 2020 или во 2021 година.

„Ворнер брос“ и „Дизни“ не објавија планови за рекламирање за двата филма ниту, пак, организаторите на телевизиските награди „Еми“, кои треба да се одржат во Лос Анџелес во септември.

Планерот на настани во Лос Анџелес, „15/40 продакшнс“, кои имаат осмислено повеќе од 200 холивудски премиери, се советуваат со неколу студија за планови што вклучуваат социјално дистанцирање.

„Моравме да преиспитаме како ќе финкционира посткарантинот држејќи ги луѓето раздвоени“, рече Крег Валдман, претседател на „15/40 продакшнс“.

Најголемото непознавање е дали ѕвездите од А-листата ќе се појават.