Легендарната канадска музичарка Џони Мичел се појави во јавност во неделата за да ја прими една од најпрестижните награди во американската уметност.

Претседателот Џо Бајден и првата дама Џил Бајден , исто така, присуствуваа на доделувањето почести во престижниот Кенеди центар во Вашингтон. Претходниот претседател Доналд Трамп ја прескокаше престижната уметничка церемонија по критките на одликувани уметници.

Во текот на настанот, неколку пејачи, вклучувајќи ги Нора Џонс и Британи Хауард, изведоа некои од класиците на Мичел.

Признанија добија и актерката Бет Мидлер и основачот на „Мотаун“ (Motown) Бери Горди.

Стиви Вондер ја предводеше четиричасовната гала на славни ѕвезди во Вашингтон.

Секоја година, Центарот Кенеди им оддава почит на кариерите и достигнувањата на уметниците кои помогнале да се обликува културниот живот во САД.

Алек Болдвин вели дека изјавите на некои актери во врска со безбедносните протоколи на филмски сетови не помогнале во последиците од фаталното пукање што се случи за време на снимањето на Rust во Ново Мексико.

Во првото интервју по кобниот инцидентот, Алек Болдвин (63) му кажа на Џорџ Стефанопулос од „Еј-би-си њуз“ дека не ги цени коментарите од некои актери по трагедијата.

„Како реагирате на актерите како Џорџ Клуни кои велат дека секој пат кога им даваат пиштол, тие самите го проверуваат?“, го праша водителот.

„Имаше многу луѓе кои сметаа дека е потребно да дадат некој коментар за ситуацијата, што навистина не помогна,“одговори Болдвин. „Воопшто.”

Клуни претходно зборуваше против фаталното застрелување на снимателката Халина Хачинс од страна на Алек Болдвин на сетот на вестернот, што беше оценето како несреќа бидејќи на Болдвин му бил даден наполнет пиштол.

„Зошто за овој нискобуџетен филм, со продуценти кои не продуцирале ништо, не бил ангажирал оружар со искуство. Секогаш кога користам пиштол, го гледам, го отварам, го покажувам на лицето кон кое го вперувам, му го покажувам на тимот и му го враќам назад на оружарот кога ќе завршиме, и ова го правиме повторно, ” рече Клуни.

Болдвин му возврати на Клуни: „Добро за тебе“.

Џорџ Клуни откри дека еднаш одбил понуда од 35 милиони долари за да се појави во реклама за авиокомпанија.

На холивудскиот актер му било понудена неверојатна сума пари за еден ден работа, но неговата сопруга, адвокатката за човекови права Амал (43), го убедила дека не вреди бидејќи е поврзана со „сомнителна земја“.

„Ми понудија 35 милиони долари за еден ден работа за реклама на авиокомпанија, но разговарав со Амал за тоа и решивме дека не вреди. Беше за земја што, иако е сојузник, понекогаш е дискутабилна и затоа си помислив: „Ако ми одземе макар и една минута сон, не вреди“, рече Клуни во разговор со „Гардијан“.

Во интервјуто, Клуни – кој е во брак со Амал од 2014 година и ги имаат четиригодишните близнаци Ела и Александар – исто така се отвори за своите родителски вештини нагласувајќи дека и покрај брзото темпо на живеење и многуте обврски, парот не се потпира целосно на дадилки.

„Немаме персонал со полно работно време бидејќи на Амал ѝ е многу важно да биде вклучена. Имаме дадилка четири дена во неделата, а остатокот од времето сме само ние. А за време на самоизолацијата бевме само ние – цела година! Се чувствував како мајка ми во 1964 година, со миење садови и ставање во машина шест купа алишта дневно“, рече Клуни за британскиот весник.