Забава
Искрени се: хороскопски знаци кои речиси никогаш не лажат

Искреноста е една од најважните човечки доблести. Во свет каде што понекогаш е тешко да се изгради доверба, особено се ценети луѓето кои не се плашат да ја кажат вистината, дури и кога е непријатно. Таквите луѓе често оставаат впечаток на веродостојност, а нивните зборови имаат тежина бидејќи се ослободени од манипулации и прикривање. Иако сите понекогаш прибегнуваме кон мали бели лаги, одредени хороскопски знаци ретко ќе ја кријат вистината или ќе манипулираат со другите, бидејќи веруваат дека вистината е секогаш вистинскиот избор.
Бик
Практични и приземни, Биковите не чувствуваат потреба да ја разубавуваат вистината. Нивниот директен пристап кон животот се одразува и во нивната комуникација со другите. Тие веруваат дека довербата се гради преку искреност, што значи дека секогаш го кажуваат она што навистина го мислат.
Девица
Девиците се познати по нивната прецизност и аналитички ум, што значи дека не сакаат да ги комплицираат ситуациите со лаги. Нивното чувство за морал и ред ги охрабрува да бидат искрени, иако понекогаш може да изгледаат брутално во нивното презентирање на фактите.
Стрелец
Стрелците се познати по нивната отвореност и љубов кон вистината. За нив чесноста е основата на слободата, па не сакаат никаква манипулација. Иако нивната директност понекогаш може да биде премногу за луѓето кои се почувствителни, Стрелците секогаш го кажуваат своето мислење.
Водолија
Водолиите ја ценат автентичноста пред се и не гледаат смисла да се преправаат. Нивната искреност произлегува од верувањето дека отворената комуникација и вистината се клучни за подобар свет. Тие секогаш ќе ја изберат вистината, дури и кога е непријатна.
Јарец
Јарците се познати по нивната одговорност и почитување на принципите. За нив лагите претставуваат непотребна слабост, па затоа избираат искреност, дури и во тешки ситуации. Тие веруваат дека долгорочните врски се одржливи само со доверба што произлегува од вистината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.