Забава
Камерон Дијаз пронашла внатрешен мир кога престанала да снима
Актерката Камерон Дијаз откри дека го пронашла внатрешниот мир кога ги оставила филмовите за да се фокусира на својот личен живот. „Кога снимате филм, тие ве поседуваат“, вели таа.
47-годишната Камерон, чиј последен филм беше римејкот на „Ени“ во 2014 година, дискутира за своите животни избори во разговор со Гвинет Палтроу за „Гуп“.
Таа проговори за својата одлука да се повлече од шоу-бизнисот по влегувањето во 40-тите години.
Во текот на интервјуто Камерон рече: „Ги оставив филмовите за да можам да се фокусирам на мојот личен живот и повторно самата да си бидам доволна на себе бидејќи актерите се инфантилизирани во Холивуд“.
„Знаете ли дека актерите се инфантилизирани? Ние сме ставени во позиција во која други се грижат за нас, тие се грижат за сè. Најголемата животна промена ми овозможи да најдам мир во мојата душа затоа што, конечно, се грижев за себе“, откри Камерон.
Камерон се омажи за музичарот Бенџи Мејден во 2015 година по 10-месечна романса, а овој јануари ја дочекаа својата прва ќерка Редикс.
„Тоа е мојата работа. Имаше многу нешта што морав да ги средам, многу врски што морав да ги поправам, а исто така и врски што требаше да ги градам… сите работи од кои отсуствував во мојот живот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Весна Петрушевска соопшти дека се бори со рак на дојка (ВИДЕО)
„Мојата дијагноза е од средината на април оваа година. Се работи за рак на дојка, имав две операции“, раскажува Весна Петрушевска во видео споделено на Инстаграм.
„Кога ќе ви кажат дека ви дијагностицирале, прво што ви паѓа на памет е дека вашето време е одбројано. Јас се обидов тоа да не го кажувам, иако дијагнозата ми е од средината на април. Тоа не можеше да се забележи, бидејќи ја имав појавувања“, додаде Петрушевска.
„Имам рак, па што – живејте си го животот, еден е“, стои во описот на објавата.
View this post on Instagram
Забава
Луѓето се шокираа од изгледот на Адријана Лима: „Претерала со ботоксот“
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.